ᠰᠫᠣᠷᠲ ᠤᠨ︽ᠬᠠᠲᠤᠨ ᠬᠠᠭᠠᠨ︾ᠭᠡᠭᠳᠡᠳᠡᠭ ᠬᠥᠩᠭᠡᠨ ᠠᠲᠯᠧᠲ᠋ᠢᠺ ᠤᠨ ᠳᠡᠯᠡᠬᠡᠢ ᠶᠢᠨ ᠬᠤᠯᠪᠤᠭᠠᠨ︵World Athletics︶ ᠤ ᠡᠨᠡ ᠵᠤᠨ ᠠᠮᠧᠷᠢᠺᠠ ᠳᠦ ᠪᠣᠯᠬᠤ ᠬᠥᠩᠭᠡᠨ ᠠᠲᠯᠧᠲ᠋ᠢᠺ ᠤᠨ ᠳᠡᠯᠡᠬᠡᠢ ᠶᠢᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ ᠲᠡᠮᠡᠴᠡᠭᠡᠨ ᠳᠦ ᠵᠣᠷᠢᠭᠤᠯᠤᠨ ᠠᠯᠪᠠᠨ ᠶᠣᠰᠣᠨ ᠤ ᠴᠠᠬᠢᠮ ᠬᠠᠭᠤᠳᠠᠰᠤᠨ ᠳᠠᠭᠠᠨ ᠣᠷᠣᠨ ᠣᠷᠣᠨ ᠤ ᠣᠨᠴᠠᠯᠠᠬᠤ ᠲᠠᠮᠢᠷᠴᠢᠳ ᠤᠨ ᠲᠤᠬᠠᠢ ᠨᠡᠶᠢᠲᠡᠯᠡᠯ ᠭᠠᠷᠭᠠᠵᠤ ᠪᠤᠶ ᠪᠢᠯᠡ᠃ 2022 ᠣᠨ ᠤ ᠲᠠᠪᠤᠳᠤᠭᠠᠷ ᠰᠠᠷᠠ ᠶᠢᠨ 23 ᠳᠤ worldathletics.org ᠮᠣᠩᠭᠣᠯ ᠤᠨ ᠮᠠᠷᠠᠹᠣᠨ ᠭᠦᠶᠦᠭᠴᠢ ᠪ ∙ᠰᠧᠷᠠᠤᠳᠤ ᠶᠢᠨ ᠲᠠᠯᠠ ᠪᠠᠷ ᠲᠣᠮᠤᠬᠠᠨ ᠨᠡᠶᠢᠲᠡᠯᠡᠯ ᠭᠠᠷᠭᠠᠯᠠ᠃ ᠬᠥᠩᠭᠡᠨ ᠠᠲᠯᠧᠲ᠋ᠢᠺ ᠤᠨ ᠶᠢᠷᠲᠢᠨᠴᠦ ᠳᠤ ᠨᠡᠷᠡ ᠬᠦᠨᠳᠦᠲᠡᠢ ᠠᠢᠷᠯᠠᠨᠳ᠋ ᠤᠨ ᠰᠡᠳᠬᠦᠯᠴᠢ ᠺᠠᠲ᠋ᠠᠯ ᠳ᠋ᠡᠨᠧᠾᠢ ᠤᠭ ᠨᠡᠶᠢᠲᠡᠯᠡᠯ ᠢ ᠪᠢᠴᠢᠵᠡᠢ᠃
110 ᠵᠢᠯ ᠤᠨ ᠲᠡᠦᠬᠡ ᠲᠠᠢ᠂ ᠡᠩᠨᠡᠭᠡᠨ ᠳᠡᠭᠡᠨ 214 ᠣᠷᠣᠨ ᠢ ᠭᠡᠰᠢᠭᠦᠨ ᠢᠶᠠᠷ ᠪᠠᠭᠲᠠᠭᠠᠭᠰᠠᠨ ᠮᠠᠨ ᠤ ᠭᠠᠷᠠᠭ ᠤᠨ ᠬᠠᠮᠤᠬ ᠤᠨ ᠲᠣᠮᠤᠬᠠᠨ ᠣᠯᠠᠨ ᠤᠯᠤᠰ ᠤᠨ ᠪᠠᠶᠢᠭᠤᠯᠤᠯᠤᠭᠠ ᠪᠣᠯᠬᠤ WORLD ATHLETICS ᠡᠶᠢᠨ ᠬᠦ ᠮᠣᠩᠭᠣᠯ ᠤᠨ ᠲᠠᠮᠢᠷᠴᠢᠨ ᠢ ᠣᠨᠴᠠᠯᠠᠭᠰᠠᠨ ᠨᠢ ᠶᠠᠭᠠᠬᠢᠬᠤ ᠠᠷᠭᠠ ᠦᠭᠡᠶ ᠮᠠᠰᠢ ᠲᠣᠮᠤ ᠨᠡᠷᠡ ᠬᠦᠨᠳᠦ ᠶᠢᠨ ᠬᠡᠷᠡᠭ ᠪᠢᠯᠡ᠃ ᠪ ∙ᠰᠧᠷᠠᠤᠳᠤ ᠨᠢ 2003 ᠣᠨ ᠠᠴᠠ ᠬᠤᠶᠢᠰᠢ ᠬᠥᠩᠭᠡᠨ ᠠᠲᠯᠧᠲ᠋ᠢᠺ ᠤᠨ ᠳᠡᠯᠡᠬᠡᠢ ᠶᠢᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ ᠲᠡᠮᠡᠴᠡᠭᠡᠨ ᠳᠦ ᠲᠡᠰᠦᠷᠡᠯᠳᠠ ᠦᠭᠡᠢ 9 ᠤᠳᠠᠭᠠ ᠰᠢᠯᠭᠠᠷᠠᠨ ᠣᠷᠣᠯᠴᠠᠭᠰᠠᠨ ᠪᠥᠭᠡᠳ ᠢᠷᠡᠬᠦ ᠳᠣᠯᠣᠳᠤᠭᠠᠷ ᠰᠠᠷᠠ ᠳᠤ ᠠᠮᠧᠷᠢᠺᠠ ᠳᠦ ᠪᠣᠯᠬᠤ ᠳᠡᠯᠡᠬᠡᠢ ᠶᠢᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ ᠲᠡᠮᠡᠴᠡᠭᠡᠨ ᠳᠦ ᠤᠷᠦᠯᠴᠡᠬᠤ ᠪᠣᠯᠵᠣᠯ ᠢᠶᠠᠨ ᠪᠡᠶᠡᠯᠡᠭᠦᠯᠵᠦ᠂ ᠮᠠᠷᠠᠹᠣᠨ ᠭᠦᠶᠦᠯᠲᠡ ᠪᠠᠷ 10 ᠤᠳᠠᠭᠠ ᠳᠡᠯᠡᠬᠡᠢ ᠶᠢᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ ᠲᠡᠮᠡᠴᠡᠭᠡᠨ ᠳᠦ ᠣᠷᠣᠯᠴᠠᠭᠰᠠᠨ ᠮᠠᠨ ᠤ ᠭᠠᠷᠠᠭ ᠤᠨ ᠠᠩᠬᠠᠨ ᠤ ᠲᠠᠮᠢᠷᠴᠢᠨ ᠪᠣᠯᠬᠤ ᠶᠤᠮ᠃