ᠮᠠᠨ ᠤ ᠤᠯᠤᠰ ᠤᠨ 16 ᠨᠡᠷᠡ ᠲᠥᠷᠥᠯ ᠤᠨ ᠬᠦᠨᠡᠰᠦᠨ ᠤ ᠲᠦᠭᠦᠬᠡᠢ ᠡᠳ᠋᠂ ᠪᠦᠲᠦᠭᠡᠭᠳᠡᠬᠦᠨ ᠠᠴᠠ ᠮᠠᠯ ᠤᠨ ᠮᠢᠬᠠ᠂ ᠤᠯᠠᠭᠠᠨ ᠪᠤᠭᠤᠳᠠᠢ᠂ ᠭᠤᠯᠢᠷ᠂ ᠲᠥᠮᠥᠰᠥ ᠶᠢ ᠳᠣᠲᠤᠭᠠᠳᠤ ᠠᠴᠠ ᠪᠠᠨ 100 ᠬᠤᠪᠢ ᠬᠠᠩᠭᠠᠵᠤ ᠪᠠᠶᠢᠨᠡ᠃ ᠬᠠᠷᠢᠨ ᠰᠦᠨ ᠪᠦᠲᠦᠭᠡᠭᠳᠡᠬᠦᠨ ᠦ 27᠂ ᠭᠤᠯᠢᠷ ᠤᠨ ᠪᠦᠲᠦᠭᠡᠭᠳᠡᠬᠦᠨ ᠤ 38᠂ ᠬᠦᠨᠡᠰᠦᠨ ᠦ ᠨᠤᠭᠤᠭᠠᠨ ᠤ 38᠂ ᠦᠨᠳᠡᠭᠡᠨ ᠦ 48᠂ ᠴᠦᠴᠦᠭᠡᠢ ᠶᠢᠨ ᠲᠤᠰᠤᠨ ᠤ 67᠂ ᠲᠠᠬᠢᠶᠠᠨ ᠤ ᠮᠢᠬᠠᠨ ᠤ 98᠂ ᠤᠷᠭᠤᠮᠠᠯ ᠤᠨ ᠲᠤᠰᠤᠨ ᠤ 98 ᠬᠤᠪᠢ ᠨᠢ ᠭᠠᠳᠠᠭᠠᠳᠤ ᠠᠴᠠ ᠬᠠᠮᠢᠶᠠᠷᠤᠯ ᠲᠠᠢ᠃
ᠪᠠᠶᠢᠭᠠᠯᠢ᠂ ᠴᠠᠬ ᠠᠭᠤᠷ ᠤᠨ ᠣᠨᠴᠠᠯᠢᠭ ᠠᠴᠠ ᠰᠢᠯᠲᠠᠭᠠᠯᠠᠨ ᠲᠠᠷᠢᠶᠠᠯᠠᠬᠤ ᠪᠣᠯᠣᠮᠵᠢ ᠬᠢᠵᠠᠭᠠᠷᠯᠠᠭᠳᠠᠮᠠᠯ ᠪᠤᠷᠴᠠᠭᠲᠤ ᠤᠷᠭᠤᠮᠠᠯ᠂ ᠪᠦᠬᠦ ᠲᠥᠷᠥᠯ ᠤᠨ ᠪᠤᠳᠠᠭᠠ᠂ ᠡᠯᠡᠰᠦᠨ ᠰᠢᠬᠢᠷ᠂ ᠵᠢᠭᠠᠰᠤ᠂ ᠵᠢᠭᠠᠰᠤᠨ ᠪᠦᠲᠦᠭᠡᠭᠳᠡᠬᠦᠨ 100 ᠬᠤᠪᠢ᠂ ᠬᠦᠨᠡᠰᠦᠨ ᠤ ᠰᠠᠪᠠ ᠪᠠᠭᠯᠠᠭᠠ ᠪᠣᠭᠤᠳᠠᠯ ᠤᠨ ᠦᠨᠳᠦᠰᠦᠨ ᠲᠦᠭᠦᠬᠡᠢ ᠡᠳ᠋ ᠤᠨ 95 ᠬᠤᠪᠢ ᠶᠢ ᠭᠠᠳᠠᠭᠠᠳᠤ ᠠᠴᠠ ᠤᠷᠤᠭᠤᠯᠳᠠᠭ᠃
ᠮᠠᠨ ᠤ ᠤᠯᠤᠰ 2021 ᠣᠨ ᠳᠤ 962 ᠰᠠᠶᠠ ᠳ᠋ᠣᠯᠯᠠᠷ ᠪᠤᠶᠤ 2.7 ᠶᠡᠭᠡ ᠨᠠᠶᠤᠳ ᠲᠥᠭᠦᠷᠢᠭ ᠤᠨ ᠬᠦᠨᠡᠰᠦ ᠶᠢ ᠭᠠᠳᠠᠭᠠᠳᠤ ᠠᠴᠠ ᠤᠷᠤᠭᠤᠯᠤᠭᠰᠠᠨ ᠪᠠ ᠵᠢᠯ ᠳᠤ ᠳᠤᠮᠳᠠᠴᠢ ᠪᠠᠷ 2.5 ᠶᠡᠭᠡ ᠨᠠᠶᠤᠳ ᠲᠥᠭᠦᠷᠢᠭ ᠤᠨ ᠢᠮᠫᠣᠷᠲ ᠬᠢᠵᠦ ᠪᠠᠶᠢᠭᠠ ᠶᠤᠮ᠃
