ᠮᠥᠩᠭᠥᠨ ᠦ ᠪᠣᠳᠣᠯᠭᠠ ᠶᠢᠨ ᠬᠣᠷᠢᠶᠠ ᠥᠨᠥᠳᠥᠷ ᠬᠤᠷᠠᠯᠳᠤᠵᠤ᠂ ᠪᠣᠳᠣᠯᠭᠠ ᠶᠢᠨ ᠬᠦᠦ ᠶᠢ 2.5 ᠨᠢᠭᠡᠴᠢ ᠬᠤᠪᠢ ᠪᠠᠷ ᠨᠡᠮᠡᠭᠳᠡᠭᠦᠯᠵᠦ᠂ ᠶᠢᠰᠦᠨ ᠬᠤᠪᠢ ᠪᠣᠯᠭᠠᠬᠤ ᠰᠢᠢᠳᠪᠦᠷᠢ ᠭᠠᠷᠭᠠᠵᠠᠢ᠃ ᠡᠨᠡ ᠲᠠᠯᠠ ᠪᠠᠷ ᠮᠣᠩᠭᠣᠯ ᠪᠠᠩᠭᠢᠨ ᠤ ᠶᠡᠷᠦᠩᠬᠡᠶᠢᠯᠡᠭᠴᠢ ᠪ∙ ᠯᠾᠬᠠᠪᠠᠰᠦ᠋ᠷᠤᠩ ᠮᠡᠳᠡᠭᠡᠯᠡᠯ ᠬᠢᠯᠡ᠃ ᠲᠡᠷᠡ ᠪᠡᠷ᠄ ᠬᠣᠶᠠᠳᠤᠭᠠᠷ ᠰᠠᠷᠠ ᠶᠢᠨ ᠰᠲ᠋ᠠᠲ᠋ᠢᠰᠲ᠋ᠢᠺ ᠳ᠋ᠦᠩ ᠢᠶᠡᠷ ᠢᠨᠹᠯᠢᠶᠠᠼ ᠤᠯᠤᠰ ᠤᠨ ᠬᠡᠮᠵᠢᠶᠡᠨ ᠳᠦ 14.2᠂ ᠨᠡᠶᠢᠰᠯᠡᠯ ᠳᠦ 15.5 ᠬᠤᠪᠢ ᠳᠤ ᠬᠦᠷᠦᠭᠰᠡᠨ᠃ ᠡᠶᠢᠮᠦ ᠳᠦ ᠪᠣᠳᠣᠯᠭᠠ ᠶᠢᠨ ᠬᠦᠦ ᠶᠢ ᠥᠰᠬᠡᠵᠦ᠂ 9 ᠬᠤᠪᠢ ᠳᠤ ᠬᠦᠷᠭᠡᠯᠡ ᠭᠡᠪᠡ᠃
ᠡᠨᠡ ᠰᠠᠷᠠ ᠶᠢᠨ 22 ᠳᠦ ᠪᠣᠯᠤᠭᠰᠠᠨ ᠬᠡᠪᠯᠡᠯ ᠦᠨ ᠬᠤᠷᠠᠯ ᠢᠶᠠᠷ ᠮᠣᠩᠭᠣᠯ ᠪᠠᠩᠭᠢᠨ ᠤ ᠶᠡᠷᠦᠩᠬᠡᠶᠢᠯᠡᠭᠴᠢ ᠪ∙ᠯᠾᠬᠠᠪᠠᠰᠦ᠋ᠷᠤᠩ᠄ ᠪᠣᠳᠣᠯᠭᠠ ᠶᠢᠨ ᠬᠦᠦ ᠶᠢ ᠣᠭᠴᠣᠮ ᠥᠰᠬᠡᠪᠡᠯ ᠵᠢᠭᠡᠯᠡ ᠣᠯᠭᠣᠯᠲᠠ ᠤᠳᠠᠭᠠᠰᠢᠷᠠᠨᠠ᠃ ᠮᠥᠨ ᠡᠳ᠋ ᠦᠨ ᠵᠠᠰᠠᠭ ᠤᠨ ᠥᠰᠦᠯᠲᠡ ᠶᠢ ᠬᠢᠵᠠᠭᠠᠷᠯᠠᠨᠠ᠃ ᠡᠶᠢᠮᠦ ᠳᠦ ᠠᠯᠭᠤᠷ ᠥᠰᠬᠡᠬᠦ ᠨᠢ ᠵᠥᠪ᠃ ᠪᠣᠳᠣᠯᠭᠠ ᠶᠢᠨ ᠬᠦᠦ ᠲᠥᠭᠥᠷᠢᠭ ᠦᠨ ᠬᠠᠩᠰᠢ ᠲᠠᠢ ᠰᠢᠭᠤᠳ ᠬᠣᠯᠪᠣᠭᠠ ᠦᠭᠡᠢ᠃ ᠪᠣᠳᠣᠯᠭᠠ ᠶᠢᠨ ᠬᠦᠦ ᠶᠢ ᠥᠰᠬᠡᠭᠰᠡᠨ ᠢᠶᠡᠷ ᠲᠥᠭᠥᠷᠢᠭ ᠦᠨ ᠵᠠᠷᠤᠳᠠᠯ ᠯᠠ ᠥᠰᠥᠨᠡ ᠭᠡᠵᠦ ᠪᠠᠢᠭᠰᠠᠨ ᠶᠤᠮ᠃
