ᠳᠤᠮᠳᠠᠭᠤᠪᠢ ᠠᠶᠢᠮᠠᠭ ᠤᠨ ᠡᠷᠳᠡᠨᠢᠳᠠᠯᠠᠢ ᠰᠤᠮᠤ ᠶᠢᠨ 2A ᠠᠩᠬᠢ ᠶᠢᠨ ᠡᠴᠢᠭᠡ ᠡᠬᠡᠴᠦᠳ ᠰᠠᠨᠠᠭᠠᠴᠢᠯᠭᠠ ᠪᠠᠷ ᠢᠶᠠᠨ ᠴᠢᠯᠦᠭᠡᠲᠦ ᠨᠣᠮ ᠤᠨ ᠰᠠᠩ ᠪᠠᠶᠢᠭᠤᠯᠵᠤ᠂ ᠪᠠᠭᠠ ᠠᠩᠬᠢ ᠶᠢᠨ ᠰᠤᠷᠤᠭᠴᠢᠳ ᠢ ᠨᠣᠮ ᠲᠠᠢ ᠨᠥᠬᠦᠷᠯᠡᠭᠦᠯᠬᠦ᠂ ᠲᠡᠳᠡᠨ ᠦ ᠤᠩᠰᠢᠵᠤ ᠤᠶᠢᠯᠠᠭᠠᠬᠤ᠂ ᠶᠠᠷᠢᠬᠤ ᠴᠢᠳᠠᠪᠤᠷᠢ ᠳᠤ ᠠᠬᠢᠴᠠ ᠭᠠᠷᠭᠠᠬᠤ ᠵᠣᠷᠢᠯᠭᠠ ᠪᠠᠷ ᠨᠡᠶᠢᠲᠡ ᠰᠤᠷᠤᠭᠴᠢᠳ ᠤᠨ ᠳᠤᠮᠳᠠ 《ᠨᠠᠳᠠ ᠳᠤ ᠨᠢᠭᠡ ᠢᠯᠡᠭᠦᠦ ᠨᠣᠮ ᠪᠠᠶᠢᠨᠠ》 ᠠᠶᠠᠨ ᠢ ᠥᠷᠨᠢᠭᠦᠯᠵᠦ᠂ ᠰᠤᠷᠤᠭᠴᠢᠳ 322 ᠨᠣᠮ ᠬᠠᠨᠳᠢᠪᠯᠠᠯᠠ᠃
ᠬᠠᠨᠳᠢᠪ ᠤᠨ ᠨᠣᠮ ᠢᠶᠠᠷ ᠠᠩᠭᠢ ᠲᠤᠰ ᠪᠦᠷᠢ ᠦᠵᠡᠰᠬᠦᠯᠡᠩ ᠭᠠᠷᠭᠠᠵᠤ᠂ ᠬᠠᠮᠤᠭ ᠤᠨ ᠣᠯᠠᠨ ᠨᠣᠮ ᠬᠠᠨᠳᠢᠪᠯᠠᠭᠰᠠᠨ 5A ᠠᠩᠭᠢ ᠶᠢ ᠰᠢᠯᠭᠠᠷᠠᠭᠤᠯᠤᠨ ᠤᠷᠮᠠᠰᠢᠭᠤᠯᠵᠤ᠂ ᠮᠥᠨ ᠬᠠᠮᠤᠭ ᠤᠨ ᠬᠣᠪᠣᠷ ᠨᠠᠨᠳᠢᠨ︵ᠰᠣᠩᠭᠣᠳᠠᠭ 100 ᠦᠯᠢᠭᠡᠷ︶ᠨᠣᠮ ᠬᠠᠨᠳᠢᠪᠯᠠᠭᠰᠠᠨ 5A ᠠᠩᠬᠢ ᠶᠢᠨ ᠰᠤᠷᠤᠭᠴᠢ ᠭ∙ᠦᠦᠷ ᠦᠨ ᠭᠡᠭᠡ ᠶᠢ ᠱᠠᠩᠨᠠᠵᠠᠢ᠃
ᠡᠴᠢᠭᠡ ᠡᠬᠡ ᠶᠢᠨ ᠲᠥᠯᠥᠭᠡᠯᠡᠯ ᠭ∙ᠡᠩᠬᠡᠮᠠ ᠬᠡᠯᠡᠬᠦ ᠳᠦ ᠪᠡᠨ᠄ ᠪᠢᠳᠡ ᠱᠠᠲᠤᠨ ᠤ ᠳᠤᠤᠷᠠᠳᠤ ᠲᠠᠯᠠ ᠶᠢᠨ ᠠᠰᠢᠭᠯᠠᠭᠳᠠᠳᠠᠭ ᠦᠭᠡᠢ ᠬᠣᠩᠭᠢᠯ ᠢ ᠲᠣᠬᠢᠵᠢᠭᠤᠯᠤᠨ᠂ ᠨᠣᠮ ᠤᠨ ᠰᠠᠩ ᠪᠠᠶᠢᠭᠤᠯᠵᠤ᠂ ᠡᠬᠢᠨ ᠦ ᠤᠳᠠᠭᠠ ᠢᠳᠡᠪᠬᠢᠵᠢᠭᠦᠯᠵᠦ ᠠᠵᠢᠯᠯᠠᠯᠠ᠃ ᠴᠢᠨᠠᠭᠰᠢᠳᠠ ᠪᠠᠨ ᠤᠯᠠᠷᠢᠯ ᠪᠦᠷᠢ ᠬᠡᠦᠬᠡᠳ ᠦᠳ ᠦᠨ ᠨᠣᠮ ᠤᠩᠰᠢᠬᠤ ᠰᠣᠨᠢᠷᠬᠠᠯ ᠢᠳᠡᠪᠬᠢ ᠶᠢ ᠥᠷᠨᠢᠭᠦᠯᠬᠦ᠂ ᠣᠶᠤᠨ ᠤᠬᠠᠭᠠᠨ ᠢ ᠲᠡᠯᠡᠬᠦ ᠤᠷᠤᠯᠳᠤᠭᠠᠨ ᠲᠡᠮᠡᠴᠡᠭᠡᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠨᠠ ᠭᠡᠯᠡ᠃