ᠳᠡᠯᠡᠬᠡᠢ ᠶᠢᠨ ᠰᠣᠩᠭᠣᠳᠠᠭ ᠤᠷᠠᠯᠢᠭ ᠲᠤ ᠮᠣᠩᠭᠣᠯ ᠬᠡᠮᠡᠬᠦ ᠨᠡᠷᠡ ᠶᠢ ᠴᠤᠤᠷᠢᠶᠠᠲᠤᠭᠤᠯᠤᠨ ᠶᠠᠪᠤᠭᠠ ᠪᠠᠷᠢᠲ᠋ᠣᠨ ᠪᠣᠯ ᠠᠷᠠᠳ ᠤᠨ ᠵᠦᠴᠦᠭᠡᠴᠢᠨ ᠡ᠊∙ᠠᠮᠤᠷᠲᠦ᠋ᠪᠰᠢᠨ᠃ ᠲᠡᠭᠡᠪᠡᠯ ᠲᠡᠷᠡᠪᠡᠷ ᠢᠷᠡᠬᠦ ᠰᠠᠷᠠ ᠶᠢᠨ 3᠂ 5᠂ 8᠂ 11᠂ 13 ᠤ ᠡᠳᠦᠷ ᠦᠳ ᠲᠦ ᠪᠸᠯᠭᠢ ᠶᠢᠨ ᠸᠠᠩᠲᠤ ᠤᠯᠤᠰ ᠤᠨ ᠯᠸᠶ᠋ᠸᠵ ᠦᠨ ᠬᠠᠭᠠᠨ ᠤ ᠲᠢᠶᠠᠲ᠋ᠷ ᠲᠤ ᠵ ∙ ᠸᠸᠷᠳ᠋ ᠦᠨ 《 ᠷᠢᠭᠤᠯᠧᠲᠲ᠋ᠤ᠋》ᠳᠠᠭᠤᠷᠢ ᠶᠢᠨ ᠷᠢᠭᠤᠯᠧᠲᠲ᠋ᠤ᠋ ᠶᠢᠨ ᠳᠦᠷᠢ ᠳᠦ ᠳᠠᠭᠤᠯᠠᠬᠤ ᠪᠠᠷ ᠪᠣᠯᠤᠭᠰᠠᠨ ᠪᠠᠶᠢᠨᠠ᠃ ᠡ᠊ ∙ᠠᠮᠤᠷᠲᠦ᠋ᠪᠰᠢᠨ ᠡᠮᠦᠨᠡ ᠨᠢ ᠢᠲ᠋ᠠᠯᠢ ᠶᠢᠨ ᠬᠠᠮᠤᠭ ᠤᠨ ᠡᠷᠲᠡᠨ ᠦ ᠲᠠᠶᠢᠰᠠ ᠭᠡᠭᠳᠡᠳᠡᠭ ᠠᠷᠧᠨᠠ ᠳ᠋ᠸ ᠸᠧᠷᠤᠨᠠ ᠳᠦ《ᠷᠢᠭᠤᠯᠧᠲᠲ᠋ᠤ᠋》ᠳᠠᠭᠤᠷᠢ ᠳᠦ ᠳᠠᠭᠤᠯᠠᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠲᠡᠷᠡ ᠦᠶᠡ ᠳᠦ ᠢᠲ᠋ᠠᠯᠢ ᠶᠢᠨ ᠬᠡᠪᠯᠡᠯ ᠳᠦ 《ᠭᠣᠣᠯ ᠳᠦᠷᠢ ᠳᠦ ᠨᠢ ᠠᠩᠬᠠ ᠤᠳᠠᠭᠠ ᠮᠣᠩᠭᠣᠯ ᠤᠯᠤᠰ ᠤᠨ ᠵᠠᠯᠠᠭᠤ ᠪᠠᠷᠢᠲ᠋ᠣᠨ᠂ ᠭᠠᠶᠢᠬᠠᠯᠲᠠᠢ ᠥᠭᠭᠥᠭᠳᠡᠯ ᠲᠡᠢ ᠳᠠᠭᠤᠴᠢᠨ ᠡᠩᠬᠡᠪᠠᠲᠤ ᠶᠢᠨ ᠠᠮᠤᠷᠲᠦ᠋ᠪᠰᠢᠨ︵ᠳᠥᠩᠭᠡᠵᠢ 30 ᠨᠠᠰᠤᠲᠠᠢ ᠪᠣᠯᠪᠠᠴᠤ︶ᠳᠠᠭᠤᠯᠠᠭᠰᠠᠨ ᠨᠢ ᠲᠤᠰ ᠳᠦᠷᠢ ᠶᠢᠨ ᠨᠢᠭᠤᠴᠠ ᠳᠠᠯᠳᠠ ᠰᠠᠨᠠᠭᠠ᠂ ᠣᠨᠴᠠᠯᠢᠭ ᠪᠣᠯᠭᠠᠨ ᠢ ᠬᠡᠳᠦᠢᠨ ᠲᠠᠨᠢᠵᠤ ᠮᠡᠳᠡᠭᠰᠡᠨ ᠮᠡᠲᠦ ᠰᠠᠨᠠᠭᠳᠠᠯᠠ᠃
ᠳᠠᠭᠤᠷᠢ ᠶᠢᠨ ᠭᠣᠣᠯ ᠳᠦᠷᠢ ᠶᠢᠨ ᠬᠠᠮᠤᠭ ᠤᠨ ᠵᠣᠪᠠᠵᠤ ᠰᠢᠨᠠᠯᠤᠭᠰᠠᠨ ᠬᠡᠰᠡᠭ ᠦᠳ ᠢ ᠲᠣᠳᠣᠳᠬᠠᠭᠰᠠᠨ ᠦᠭᠡ ᠬᠡᠯᠡᠯᠭᠡ᠂ ᠳᠠᠭᠤᠳᠠᠯᠭᠠ ᠨᠢ ᠲᠡᠭᠦᠰ ᠪᠠᠶᠢᠭᠰᠠᠨ ᠪᠥᠭᠡᠳ ᠮᠠᠰᠢ ᠶᠡᠬᠡ ᠭᠠᠰᠢᠭᠤᠳᠠᠨ ᠡᠮᠭᠡᠨᠢᠵᠦ ᠪᠤᠢ ᠡᠴᠢᠭᠡ ᠬᠦᠮᠦᠨ ᠦ ᠳᠦᠷᠢ ᠶᠢ ᠭᠠᠶᠢᠬᠠᠯᠲᠠᠢ ᠪᠦᠲᠦᠭᠡᠵᠦ᠂ ᠦᠵᠡᠭᠴᠢᠳ ᠦᠨ ᠲᠠᠯᠠᠷᠬᠠᠯ ᠢ ᠬᠦᠯᠢᠶᠡᠨ᠂ ᠨᠢᠵᠢᠭᠢᠨᠡᠭᠰᠡᠨ ᠠᠯᠠᠭ ᠲᠠᠰᠢᠯᠲᠠ ᠶᠢ ᠵᠦᠢ ᠶᠣᠰᠣᠭᠠᠷ ᠬᠦᠷᠲᠡᠯᠡ ᠬᠡᠮᠡᠨ ᠪᠢᠴᠢᠵᠦ ᠪᠠᠶᠢᠭᠰᠠᠨ ᠶᠤᠮ᠃