ᠮᠣᠩᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠶᠢᠯᠡᠭᠴᠢ ᠮᠣᠩᠭᠣᠯ ᠲᠦᠮᠡᠨ ᠦ ᠪᠠᠬᠠᠷᠬᠠᠯᠲᠤ ᠥᠪ ᠰᠤᠶᠤᠯ᠂ ᠦᠶᠡ ᠡᠴᠡ ᠦᠶᠡ ᠳᠦ ᠤᠯᠠᠮᠵᠢᠯᠠᠭᠳᠠᠨ ᠢᠷᠡᠭᠰᠡᠨ ᠠᠮᠠᠨ ᠪᠢᠯᠢᠭ ᠦᠨ ᠡᠬᠡ ᠤᠨᠳᠤᠷᠭᠠ ᠪᠣᠯᠤᠭᠰᠠᠨ ᠲᠤᠤᠯᠢᠰ ᠢᠶᠠᠨ ᠳᠡᠭᠡᠳᠦᠯᠡᠨ᠂ ᠳᠡᠯᠭᠡᠷᠡᠭᠦᠯᠬᠦ ᠵᠣᠷᠢᠯᠭᠠ ᠪᠠᠷ 2019 ᠣᠨ ᠤ ᠨᠢᠭᠡᠳᠦᠭᠡᠷ ᠰᠠᠷᠠ ᠶᠢᠨ 29 ᠳᠦ《ᠮᠣᠩᠭᠣᠯ ᠪᠠᠭᠠᠲᠤᠷᠯᠢᠭ ᠲᠤᠤᠯᠢᠰ ᠢᠶᠠᠨ ᠳᠡᠭᠡᠳᠦᠯᠡᠨ ᠳᠡᠯᠭᠡᠷᠡᠭᠦᠯᠬᠦ ᠲᠤᠬᠠᠢ》 13 ᠳ᠋ᠤᠭᠠᠷ ᠵᠠᠷᠯᠢᠭ ᠭᠠᠷᠭᠠᠭᠰᠠᠨ ᠶᠤᠮ᠃
ᠪᠢᠯᠢᠭ ᠦᠨ ᠲᠣᠭᠠᠯᠠᠯ ᠤᠨ ᠠᠷᠪᠠᠨ ᠳᠤᠯᠤᠳᠤᠭᠠᠷ ᠵᠢᠷᠠᠨ ᠤ《ᠪᠤᠶᠠᠨ ᠦᠢᠯᠡᠳᠦᠭᠴᠢ》ᠬᠡᠮᠡᠬᠦ ᠤᠰᠤᠨ ᠪᠠᠷᠰ ᠵᠢᠯ ᠦᠨ ᠰᠠᠷᠠ ᠰᠢᠨᠡ ᠶᠢᠨ ᠪᠠᠶᠠᠷ ᠲᠤ ᠵᠣᠷᠢᠭᠤᠯᠤᠭᠰᠠᠨ ᠪᠠᠭᠠᠲᠤᠷᠯᠢᠭ ᠲᠤᠤᠯᠢ ᠬᠠᠶᠢᠯᠠᠬᠤ ᠶᠣᠰᠣᠯᠠᠯ ᠲᠥᠷᠥ ᠶᠢᠨ ᠶᠣᠰᠣᠯᠠᠯ᠂ ᠬᠦᠨᠳᠦᠳᠬᠡᠯ ᠦᠨ ᠥᠷᠭᠦᠭᠡᠨ ᠳᠦ ᠪᠤᠯᠵᠤ᠂ ᠪᠠᠶᠠᠨ-ᠠᠯᠲᠠᠢ ᠶᠢᠨ ᠤᠳᠤᠮ ᠤᠨ ᠳᠦᠷᠪᠡᠳᠡᠬᠢ ᠦᠶᠡ ᠶᠢᠨ ᠲᠤᠤᠯᠢᠴᠢ ᠡ᠊∙ᠪᠠᠭᠠᠲᠤᠷᠵᠠᠪ᠂ ᠵᠢᠯᠬᠡᠷ ᠦᠨ ᠤᠳᠤᠮ ᠤᠨ ᠶᠢᠰᠦᠳᠡᠬᠢ ᠲᠤᠤᠯᠢᠴᠢ ᠠ᠊∙ ᠪᠠᠯᠳᠠᠨᠳᠣᠷᠵᠢ ᠨᠠᠷ 《ᠠᠯᠲᠠᠢ ᠶᠢᠨ ᠮᠠᠭᠲᠠᠭᠠᠯ》᠂ 《ᠨᠠᠷᠠᠨ ᠬᠥᠪᠡᠭᠦᠨ ᠬᠠᠭᠠᠨ》ᠲᠤᠤᠯᠢ ᠬᠠᠶᠢᠯᠠᠯᠠ᠃
ᠮᠣᠩᠭᠣᠯ ᠤᠯᠤᠰ ᠤᠨ ᠠᠷᠠᠳ ᠤᠨ ᠪᠠᠭᠰᠢ ᠰ∙ᠳᠤᠯᠮᠠ ᠲᠤᠤᠯᠢ ᠬᠠᠶᠢᠯᠠᠬᠤ ᠵᠠᠩ ᠦᠢᠯᠡ ᠪᠣᠯᠤᠨ《ᠨᠠᠷᠠᠨ ᠬᠥᠪᠡᠭᠦᠨ ᠬᠠᠭᠠᠨ》 ᠲᠤᠤᠯᠢ ᠶᠢᠨ ᠲᠠᠯᠠ ᠪᠠᠷ ᠲᠣᠪᠴᠢ ᠲᠠᠨᠢᠯᠴᠠᠭᠤᠯᠵᠠᠢ᠃ ᠮᠣᠩᠭᠣᠯ ᠪᠠᠭᠠᠲᠤᠷᠯᠢᠭ ᠲᠤᠤᠯᠢ ᠶᠢ ᠬᠠᠶᠢᠯᠠᠬᠤ ᠶᠢᠨ ᠡᠮᠦᠨᠡ ᠠᠯᠲᠠᠢ᠂ ᠬᠠᠩᠭᠠᠢ ᠶᠢ ᠬᠠᠶᠢᠯᠠᠵᠤ ᠮᠠᠭᠲᠠᠳᠠᠭ ᠤᠴᠢᠷᠲᠠᠢ᠃《ᠨᠠᠷᠠᠨ ᠬᠥᠪᠡᠭᠦᠨ ᠬᠠᠭᠠᠨ》ᠲᠤᠤᠯᠢ ᠶᠢ ᠵᠤᠳ ᠲᠤᠷᠬᠠᠨ᠂ ᠭᠠᠩ ᠭᠠᠴᠢᠭ᠂ ᠳᠠᠶᠢᠨ ᠳᠠᠵᠢᠨ ᠦᠭᠡᠢ᠂ ᠥᠨᠢ ᠲᠠᠷᠭᠤᠨ᠂ ᠡᠩᠬᠡ ᠠᠮᠤᠭᠤᠯᠠᠩ ᠪᠠᠶᠢᠬᠤ᠂ ᠬᠦᠮᠦᠨ᠂ ᠮᠠᠯ ᠥᠰᠴᠦ ᠦᠷᠡᠵᠢᠬᠦ᠂ ᠠᠶᠢᠯ ᠡᠷᠦᠬᠡ ᠳᠦ ᠦᠷᠡ ᠶᠢᠨ ᠵᠠᠶᠠᠭᠠ ᠬᠠᠶᠢᠷᠠᠯᠠᠬᠤ ᠶᠢ ᠢᠷᠦᠭᠡᠵᠦ ᠬᠠᠶᠢᠯᠠᠳᠠᠭ᠃ ᠲᠤᠤᠯᠢ ᠬᠠᠶᠢᠯᠠᠬᠤ ᠶᠣᠰᠣᠯᠠᠯ ᠳᠤ ᠮᠣᠩᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠶᠢᠯᠡᠭᠴᠢ ᠤ᠊∙ᠬᠦᠷᠡᠯᠰᠦ᠋ᠬᠡ᠂ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠳᠠᠷᠤᠭᠠ ᠭ∙ᠽᠠᠨᠳᠠᠨᠰᠢᠲᠠᠷᠠ᠂ ᠮᠣᠩᠭᠣᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢ ᠰᠠᠶᠢᠳ ᠯ∙ᠤᠶᠤᠡᠡᠷᠳᠡᠨᠢ ᠣᠷᠣᠯᠴᠠᠯᠠ᠃
