ᠤᠳᠬᠠ ᠵᠣᠬᠢᠶᠠᠯ ᠤᠨ ᠣᠨ ᠤ ᠰᠢᠯᠢᠳᠡᠭ ᠪᠦᠲᠦᠭᠡᠯ ᠰᠢᠯᠭᠠᠷᠠᠭᠤᠯᠬᠤ 《ᠠᠯᠲᠠᠨ-ᠥᠳᠥ》ᠨᠠᠭᠠᠳᠤᠮ ᠢ 2001 ᠣᠨ ᠳᠤ ᠠᠩᠬᠠ ᠰᠠᠨᠠᠭᠠᠴᠢᠯᠠᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ ᠠᠴᠠ ᠬᠣᠶᠢᠰᠢ ᠬᠤᠷᠢᠳᠠᠬᠢ ᠵᠢᠯ ᠳᠦ ᠪᠡᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠭᠳᠠᠵᠤ ᠪᠠᠶᠢᠨᠠ᠃ ᠡᠨᠡ ᠤᠳᠠᠭᠠ ᠶᠢᠨ ᠨᠠᠭᠠᠳᠤᠮ ᠳᠤ 111 ᠪᠦᠲᠦᠭᠡᠯ ᠢᠷᠡᠭᠰᠡᠨ ᠡᠴᠡ ᠬᠣᠶᠠᠷ ᠱᠠᠲᠤᠯᠠᠯ ᠢᠶᠠᠷ ᠰᠢᠭᠦᠨ ᠬᠡᠯᠡᠯᠴᠡᠵᠦ ᠰᠢᠯᠢᠳᠡᠭ ᠦᠳ ᠢ ᠲᠣᠳᠣᠷᠠᠭᠤᠯᠤᠯᠠ᠃
ᠬᠡᠦᠬᠡᠳ ᠦᠨ ᠰᠢᠯᠢᠳᠡᠭ ᠵᠣᠬᠢᠶᠠᠯ ᠤᠨ ᠲᠥᠷᠥᠯ ᠳᠦ ᠪ∙ᠭᠠᠩᠴᠢᠮᠡᠭ ᠦᠨ 《ᠠᠵᠠ ᠵᠢᠷᠭᠠᠯ ᠤᠨ ᠪᠠᠶᠢᠰᠢᠩ》 ᠪᠦᠲᠦᠭᠡᠯ᠂ ᠪᠠᠷᠢᠮᠲᠠᠲᠤ ᠤᠷᠠᠨ ᠵᠣᠬᠢᠶᠠᠯ ᠤᠨ ᠲᠥᠷᠥᠯ ᠳᠦ ᠳ ∙ ᠱᠠᠭᠳᠤᠷᠰᠦ᠋ᠷᠦᠩ ᠦᠨ 《ᠰᠢᠯᠢᠳᠡᠭ ᠨᠡᠶᠢᠲᠡᠯᠡᠯ-87》 ᠪᠦᠲᠦᠭᠡᠯ᠂ ᠤᠳᠬᠠ ᠵᠣᠬᠢᠶᠠᠯ ᠤᠨ ᠰᠤᠳᠤᠯᠤᠯ᠂ ᠰᠢᠭᠦᠮᠵᠢ ᠶᠢᠨ ᠲᠥᠷᠥᠯ ᠳᠦ ᠳ∙ᠪᠠᠲᠤᠰᠠᠶᠢᠬᠠᠨ ᠤ《ᠲᠢᠶᠠᠲ᠋ᠷ ᠤᠨ ᠲᠡᠦᠬᠡ》 ᠪᠦᠲᠦᠭᠡᠯ᠂ ᠤᠳᠬᠠ ᠵᠣᠬᠢᠶᠠᠯ ᠤᠨ ᠣᠷᠴᠢᠭᠤᠯᠭᠠ ᠶᠢᠨ ᠲᠥᠷᠥᠯ ᠳᠦ ᠣᠷᠴᠢᠭᠤᠯᠤᠭᠴᠢ ᠪ∙ᠭᠡᠷᠡᠯ ᠦᠨ ᠭ∙ᠮᠠᠷᠺᠧᠰ ᠦᠨ 《ᠡᠵᠡᠨᠲᠡᠨ ᠦ ᠨᠠᠮᠤᠷ》ᠷᠣᠮᠠᠨ᠂ ᠵᠦᠴᠦᠭᠡ᠂ ᠺᠢᠨᠤ᠋ ᠵᠣᠬᠢᠶᠠᠯ ᠤᠨ ᠲᠥᠷᠥᠯ ᠳᠦ ᠫ ∙ ᠪᠠᠲᠤᠬᠤᠶᠠᠭ ᠤᠨ 《ᠴᠢᠯᠠᠭᠤᠨ ᠪᠥᠮᠪᠥᠷ ᠦᠨ ᠨᠦᠷᠭᠢᠭᠡᠨ》 ᠵᠦᠴᠦᠭᠡ᠂ ᠬᠦᠦᠷᠨᠢᠯ ᠵᠣᠬᠢᠶᠠᠯ ᠤᠨ ᠥᠭᠦᠯᠡᠯᠭᠡ᠂ ᠲᠤᠭᠤᠵᠢ ᠶᠢᠨ ᠲᠥᠷᠥᠯ ᠳᠦ ᠪ ∙ ᠳᠣᠭᠮᠢᠳ ᠤᠨ《ᠪᠦᠷᠭᠦᠳ ᠲᠩᠷᠢ ᠳᠦ ᠬᠠᠯᠢᠳᠠᠭ》 ᠪᠦᠲᠦᠭᠡᠯ᠂ ᠬᠦᠦᠷᠨᠢᠯ ᠵᠣᠬᠢᠶᠠᠯ ᠤᠨ ᠲᠣᠮᠣ ᠬᠡᠮᠵᠢᠶᠡᠨ ᠦ ᠲᠥᠷᠥᠯ ᠳᠦ ᠨ ∙ ᠪᠠᠳᠮᠠᠵᠠᠪ ᠤᠨ 《ᠮᠣᠳᠣᠨ ᠰᠠᠬᠠᠯᠲᠤ》 ᠷᠣᠮᠠᠨ᠂ ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠲᠥᠷᠥᠯ ᠳᠦ ᠼ ∙ ᠳᠡᠯᠭᠡᠷᠮᠠ ᠶᠢᠨ 《ᠵᠢᠷᠦᠬᠡᠨ ᠳᠦ ᠠᠭᠴᠢ ᠨᠠᠮᠤᠷ》 ᠪᠦᠲᠦᠭᠡᠯ ᠦᠳ ᠲᠤᠰ ᠲᠤᠰ ᠰᠢᠯᠭᠠᠷᠠᠯᠠ᠃