《ᠲᠷᠡᠨᠰᠫᠡᠷᠡᠨᠰᠢ ᠢᠨᠲ᠋ᠧᠷᠨᠧᠱᠨᠢᠯ ᠮᠣᠩᠭᠣᠯ》 ᠲᠥᠷᠥ ᠶᠢᠨ ᠪᠤᠰᠤ ᠪᠠᠶᠢᠭᠤᠯᠤᠯᠭᠠ ᠠᠴᠠ 2021ᠣᠨ ᠤ ᠠᠪᠯᠢᠭᠠ ᠶᠢᠨ ᠲᠥᠰᠥᠭᠡᠯᠡᠯ ᠦᠨ ᠢᠨᠳᠧᠺᠰ ᠢ ᠵᠠᠷᠯᠠᠯᠠ᠃ ᠲᠤᠰ ᠪᠠᠶᠢᠭᠤᠯᠤᠯᠭᠠ ᠶᠢᠨ ᠲᠡᠷᠢᠭᠦᠨ ᠯ∙ᠲᠥᠷᠥ-ᠣᠳᠣ ᠄ ᠥᠨᠥᠳᠥᠷ ᠵᠠᠷᠯᠠᠵᠤ ᠪᠠᠶᠢᠭᠠ ᠠᠪᠯᠢᠭᠠ ᠶᠢᠨ ᠲᠥᠰᠥᠭᠡᠯᠡᠯ ᠦᠨ ᠢᠨᠳᠧᠺᠰ ᠲᠦ ᠳᠡᠯᠡᠬᠡᠢ ᠶᠢᠨ 180 ᠣᠷᠣᠨ ᠬᠠᠮᠤᠷᠤᠭᠳᠠᠭᠰᠠᠨ᠃ ᠮᠣᠩᠭᠣᠯ ᠤᠯᠤᠰ ᠤᠨ ᠠᠪᠯᠢᠭᠠ ᠲᠠᠢ ᠬᠢᠬᠦ ᠲᠡᠮᠡᠴᠡᠯ 2015 ᠣᠨ ᠳᠤ ᠬᠠᠮᠤᠭ ᠤᠨ ᠳᠡᠭᠡᠳᠦ ᠪᠤᠶᠤ 39 ᠣᠨᠣᠭᠠ ᠠᠪᠴᠤ ᠪᠠᠶᠢᠭᠰᠠᠨ ᠪᠣᠯ ᠲᠡᠭᠦᠨ ᠡᠴᠡ ᠬᠣᠶᠢᠰᠢ ᠪᠠᠭᠤᠷᠠᠭᠰᠠᠭᠠᠷ ᠰᠡᠭᠦᠯ ᠦᠨ ᠭᠤᠷᠪᠠᠨ ᠵᠢᠯ 35 ᠣᠨᠣᠭᠠ ᠲᠠᠢ ᠪᠠᠶᠢᠨᠠ᠃ ᠬᠠᠷᠢᠨ ᠮᠠᠨ ᠤ ᠬᠥᠷᠰᠢ ᠪᠣᠯᠬᠤ ᠬᠢᠲᠠᠳ ᠤᠯᠤᠰ 2014 ᠣᠨ ᠠᠴᠠ ᠬᠣᠶᠢᠰᠢ ᠡᠨᠡ ᠬᠦ ᠦᠵᠡᠭᠦᠯᠦᠯᠲᠡ ᠶᠢ ᠶᠢᠰᠦᠨ ᠣᠨᠣᠭᠠ ᠪᠠᠷ ᠨᠡᠮᠡᠭᠳᠡᠭᠦᠯᠦᠭᠰᠡᠨ ᠨᠢ ᠠᠪᠯᠢᠭᠠ ᠲᠠᠢ ᠬᠢᠬᠦ ᠲᠡᠮᠡᠴᠡᠯ ᠨᠢ ᠲᠤᠤᠱᠲᠠᠢ ᠦᠷᠡ ᠳ᠋ᠦᠩ ᠲᠡᠢ ᠪᠠᠶᠢᠭᠠ ᠶᠢ ᠬᠠᠷᠠᠭᠤᠯᠵᠤ ᠪᠠᠶᠢᠨᠠ᠃
ᠮᠣᠩᠭᠣᠯ ᠤᠯᠤᠰ ᠤᠨ ᠬᠤᠪᠢ ᠳᠤ ᠠᠪᠯᠢᠭᠠ ᠶᠢᠨ ᠲᠥᠰᠥᠭᠡᠯᠡᠯ ᠦᠨ ᠢᠨᠳᠧᠺᠰ ᠢ ᠲᠣᠭᠲᠠᠭᠠᠬᠤ ᠳᠤ ᠪᠠᠨ 8-9 ᠡᠬᠢ ᠰᠤᠷᠪᠤᠯᠵᠢ ᠠᠰᠢᠭᠯᠠᠭᠰᠠᠨ᠃ ᠲᠤᠬᠠᠶᠢᠯᠠᠪᠠᠯ᠂ ᠰᠸᠢᠰ ᠲᠥᠪ ᠲᠡᠢ ᠣᠯᠠᠨ ᠤᠯᠤᠰ ᠤᠨ ᠦᠷᠢᠰᠦᠯᠳᠦᠬᠦ ᠴᠢᠳᠠᠪᠤᠷᠢ ᠶᠢᠨ ᠲᠥᠪ ᠂ ᠳᠡᠯᠡᠬᠡᠢ ᠶᠢᠨ ᠡᠳ᠋ ᠦᠨ ᠵᠠᠰᠠᠭ ᠤᠨ ᠹᠣᠷᠣᠮ ᠵᠡᠷᠭᠡ ᠪᠠᠢᠭᠤᠯᠤᠯᠭᠠ ᠶᠢᠨ ᠭᠠᠷᠭᠠᠭᠰᠠᠨ ᠦᠵᠡᠭᠦᠯᠦᠯᠲᠡ ᠨᠦᠭᠦᠳ ᠢ ᠨᠢᠭᠡᠳᠬᠡᠬᠦ ᠳᠦ ᠮᠠᠨ ᠤ ᠤᠯᠤᠰ 35 ᠣᠨᠣᠭᠠ ᠠᠪᠤᠭᠰᠠᠨ ᠪᠠᠶᠢᠨᠠ᠃ 2020 ᠣᠨ ᠳᠤ 35 ᠤᠨᠤᠭᠠ ᠲᠠᠢ ᠪᠠᠷ 111 ᠳ᠋ᠤᠭᠡᠷ ᠲᠦ ᠪᠠᠶᠢᠭᠰᠠᠨ ᠪᠣᠯ ᠡᠨᠡ ᠣᠨ ᠳᠤ ᠣᠨᠣᠭᠠ ᠪᠠᠭᠤᠷᠠᠭᠠ ᠦᠭᠡᠢ 110 ᠳᠦ ᠣᠷᠣᠭᠰᠠᠨ ᠪᠠᠶᠢᠨᠠ ᠭᠡᠯᠡ᠃