ᠮᠣᠩᠭᠣᠯ ᠤᠨ ᠰᠫᠣᠷᠲ ᠤᠨ ᠺᠣᠷᠫᠣᠷᠠᠼ ᠠᠴᠠ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠤ ᠪᠤᠢ ᠰᠫᠣᠷᠲ ᠤᠨ 15 ᠬᠣᠯᠪᠣᠭᠠ ᠶᠢ ᠨᠢᠭᠡᠳᠬᠡᠭᠰᠡᠨ ᠤᠯᠤᠰ ᠤᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ ᠲᠡᠮᠡᠴᠡᠭᠡᠨ ᠥᠴᠥᠭᠡᠳᠦᠷ ᠡᠬᠢᠯᠡᠭᠰᠡᠨ᠃ ᠲᠡᠮᠡᠴᠡᠭᠡᠨ ᠬᠦᠨᠳᠦ ᠶᠢᠨ ᠡᠷᠭᠦᠯᠲᠡ᠂ 《ᠡᠯᠢᠲ ᠭᠷᠠᠨᠫᠡᠷᠢ》ᠰᠢᠲᠠᠷᠠ ᠶᠢᠨ ᠲᠡᠮᠡᠴᠡᠭᠡᠨ ᠢᠶᠡᠷ ᠡᠬᠢᠯᠡᠵᠦ᠂ ᠥᠨᠥᠳᠥᠷ ᠷᠦᠢᠩ ᠦᠨ ᠠᠩᠬᠠᠳᠤᠭᠠᠷ ᠤᠯᠤᠰ ᠤᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ ᠲᠡᠮᠡᠴᠡᠭᠡᠨ ᠪᠣᠯᠤᠨ ᠬᠦᠨᠳᠦ ᠶᠢᠨ ᠡᠷᠭᠦᠯᠲᠡ ᠶᠢᠨ ᠲᠡᠮᠡᠴᠡᠭᠡᠨ ᠢᠶᠡᠷ ᠦᠷᠭᠦᠯᠵᠢᠯᠡᠵᠦ ᠪᠠᠶᠢᠨᠠ᠃
ᠥᠴᠥᠭᠡᠳᠦᠷ ᠪᠣᠯᠤᠭᠰᠠᠨ 《ᠡᠯᠢᠲ ᠪᠷᠠᠢᠨ》ᠣᠯᠠᠨ ᠤᠯᠤᠰ ᠤᠨ ᠰᠢᠲᠠᠷᠠ ᠶᠢᠨ ᠠᠺᠠᠳᠧᠮᠢ ᠶᠢᠨ ᠨᠡᠷᠡᠮᠵᠢᠲᠦ《ᠡᠯᠢᠲ ᠭᠷᠠᠨᠫᠡᠷᠢ》 ᠲᠡᠮᠡᠴᠡᠭᠡᠨ ᠳᠦ ᠼ∙ᠪᠠᠲᠤᠴᠢᠯᠠᠭᠤᠨ᠂ ᠪ∙ᠭᠦᠨᠳᠠᠸᠠ᠂ ᠭ∙ᠮᠥᠩᠬᠡᠭᠠᠯ᠂ ᠰ∙ᠪᠢᠯᠢᠭᠦᠨ᠂ ᠪ∙ᠮᠥᠩᠭᠥᠨᠲᠠᠭᠤᠯ᠂ ᠠ᠊∙ᠡᠩᠬᠡᠲᠤᠤᠯᠠ ᠲᠡᠷᠢᠭᠦᠲᠡᠢ ᠨᠡᠶᠢᠲᠡ 50 ᠰᠢᠯᠢᠳᠡᠭ ᠰᠢᠲᠠᠷᠠᠴᠢᠳ ᠣᠶᠤᠨ ᠤᠬᠠᠭᠠᠨ ᠢᠶᠠᠨ ᠤᠷᠤᠯᠳᠤᠭᠤᠯᠵᠤ᠂ ᠰᠢᠯᠢᠳᠡᠭ ᠦᠳ ᠢᠶᠡᠨ ᠲᠣᠳᠣᠷᠠᠭᠤᠯᠤᠭᠰᠠᠨ᠃ ᠡᠷᠡᠭᠲᠡᠢ ᠲᠥᠷᠥᠯ ᠳᠦ ᠳ∙ᠪᠠᠲᠤᠰᠦ᠋ᠷᠦᠩ ᠲᠡᠷᠢᠭᠦᠯᠡᠭᠰᠡᠨ ᠪᠣᠯ ᠡᠮᠡᠭᠲᠡᠢ ᠲᠥᠷᠥᠯ ᠳᠦ ᠲ∙ᠮᠦᠩᠬᠡᠵᠤᠯᠠ ᠠᠯᠲᠠᠨ ᠮᠧᠳᠠᠯ ᠬᠦᠷᠲᠡᠯᠡ᠃
