《ᠵᠥᠪ ᠢ ᠱᠦᠭᠯᠦᠳᠡᠭᠴᠢᠳ》ᠲᠥᠷᠥ ᠶᠢᠨ ᠪᠤᠰᠤ ᠪᠠᠶᠢᠭᠤᠯᠤᠯᠭᠠ ᠶᠢᠨ ᠰᠠᠨᠠᠭᠠᠴᠢᠯᠠᠭᠠ ᠪᠠᠷ ᠪᠦᠲᠦᠭᠰᠡᠨ《ᠡᠬᠡ ᠣᠷᠣᠨ ᠳᠤ ᠪᠠᠨ ᠯᠠ ᠤᠴᠢᠬᠤ ᠰᠠᠨ》ᠪᠦᠷᠢᠨ ᠬᠡᠮᠵᠢᠶᠡᠨ ᠦ ᠪᠠᠷᠢᠮᠲᠠᠲᠤ ᠺᠢᠨᠣ᠋ ᠨᠡᠭᠡᠭᠡᠯᠲᠡ ᠪᠡᠨ ᠬᠢᠯᠡ᠃ ᠡᠨᠡ ᠬᠦ ᠪᠠᠷᠢᠮᠲᠠᠲᠤ ᠺᠢᠨᠤ᠋ ᠶᠢ ᠲᠤᠰ ᠲᠥᠷᠥ ᠶᠢᠨ ᠪᠤᠰᠤ ᠪᠠᠶᠢᠭᠤᠯᠤᠯᠭᠠ ᠶᠢᠨ ᠲᠡᠷᠢᠭᠦᠨ ᠭ ∙ ᠡᠷᠳᠡᠨᠢᠵᠤᠯᠠ ᠫᠷᠣᠳᠢᠶᠦ᠋ᠰᠧᠷᠯᠡᠵᠦ᠂ ᠨᠠᠶᠢᠷᠠᠭᠤᠯᠤᠭᠴᠢ ᠭ ∙ ᠵᠣᠯᠵᠢᠷᠭᠠᠯ ᠤᠨ 《Zoljargal and Son》 ᠫᠷᠤᠳᠠᠺᠱᠢᠨ ᠤ ᠬᠠᠮᠲᠤ ᠣᠯᠠᠨ ᠪᠦᠲᠦᠭᠡᠵᠡᠢ᠃
ᠤᠭ ᠺᠢᠨᠤ᠋ ᠳᠤ ᠴᠠᠷᠠ ᠲᠠᠬᠤᠯ ᠤᠨ ᠦᠶᠡ ᠳᠦ ᠭᠠᠳᠠᠭᠠᠳᠤ ᠳᠤ ᠭᠠᠴᠢᠭᠰᠠᠨ᠂ ᠡᠷᠬᠡ ᠨᠢ ᠵᠥᠷᠢᠴᠡᠭᠳᠡᠭᠰᠡᠨ᠂ ᠠᠮᠢ ᠨᠠᠰᠤ᠂ ᠡᠷᠡᠭᠦᠯ ᠮᠡᠨᠳᠦ᠂ ᠰᠡᠳᠬᠢᠯ ᠰᠠᠨᠠᠭᠠ ᠪᠣᠯᠤᠨ ᠡᠳ᠋ ᠦᠨ ᠵᠠᠰᠠᠭ ᠤᠨ ᠬᠣᠬᠢᠷᠠᠯ ᠠᠮᠰᠠᠭᠰᠠᠨ ᠮᠣᠩᠭᠣᠯ ᠬᠦᠮᠦᠰ ᠦᠨ ᠪᠣᠳᠠᠲᠤ ᠲᠡᠦᠬᠡ᠂ ᠮᠥᠨ ᠡᠵᠢ᠂ ᠠᠪᠤ ᠲᠠᠢ ᠪᠠᠨ ᠠᠭᠤᠯᠵᠠᠵᠤ ᠴᠢᠳᠠᠯ ᠦᠭᠡᠢ ᠡᠭᠦᠷᠢᠳᠡ ᠬᠠᠭᠠᠴᠠᠭᠰᠠᠨ᠂ ᠡᠪᠡᠳᠦᠭᠰᠡᠨ᠂ ᠢᠯᠭᠠᠪᠤᠷᠢᠯᠠᠨ ᠭᠠᠳᠠᠭᠤᠷᠬᠠᠭᠳᠠᠭᠰᠠᠨ ᠭᠡᠳ ᠣᠯᠠᠨ ᠲᠣᠬᠢᠶᠠᠯᠳᠤᠯ ᠤᠨ ᠡᠵᠡᠳ ᠡᠴᠡ ᠭᠠᠳᠠᠨᠠ ᠬᠦᠮᠦᠨ ᠦ ᠨᠤᠲᠤᠭ ᠲᠤ ᠪᠡᠶᠡ ᠪᠡᠶᠡᠨ ᠢᠶᠡᠨ ᠳᠡᠮᠵᠢᠵᠦ ᠲᠤᠰᠠᠯᠠᠭᠰᠠᠨ ᠮᠣᠩᠭᠣᠯᠴᠤᠳ ᠤᠨ ᠲᠡᠦᠬᠡ ᠪᠠᠭᠲᠠᠵᠠᠢ᠃