ᠠᠮᠧᠷᠢᠺᠠ ᠶᠢᠨ ᠢᠦᠲ᠋ᠠ ᠮᠤᠵᠢ ᠳᠤ ᠣᠯᠠᠨ ᠤᠯᠤᠰ ᠤᠨ ᠲᠡᠰᠢᠭᠦᠷ ᠦᠨ ᠬᠣᠯᠪᠣᠭᠠᠨ ᠤ ᠳᠡᠯᠡᠬᠡᠢ ᠶᠢᠨ ᠴᠣᠮᠣ ᠶᠢᠨ ᠲᠡᠮᠡᠴᠡᠭᠡᠨ ᠦ ᠡᠨᠡ ᠤᠯᠠᠷᠢᠯ ᠤᠨ ᠭᠤᠷᠪᠠᠳᠠᠬᠢ ᠭᠠᠷᠤᠭᠠ ᠪᠣᠯᠤᠯᠠ᠃《ᠪᠡᠭᠡᠵᠢᠩ -2022》 ᠡᠪᠦᠯ ᠦᠨ ᠣᠯᠢᠮᠫ ᠤᠨ ᠡᠷᠬᠡ ᠶᠢᠨ ᠣᠨᠣᠭᠠ ᠣᠯᠭᠣᠬᠤ ᠡᠨᠡ ᠬᠦ ᠲᠡᠮᠡᠴᠡᠭᠡᠨ ᠳᠦ 36 ᠣᠷᠣᠨ ᠤ ᠡᠷᠡᠭᠲᠡᠢ 187᠂ ᠡᠮᠡᠭᠲᠡᠢ 127 ᠲᠡᠰᠢᠭᠦᠷᠴᠢᠨ ᠬᠤᠷᠳᠤ ᠪᠠᠨ ᠰᠣᠷᠢᠭᠰᠠᠨ ᠤ ᠳᠣᠲᠣᠷᠠ ᠮᠠᠨ ᠤ ᠤᠯᠤᠰ ᠤᠨ ᠬᠣᠶᠠᠷ ᠲᠠᠮᠢᠷᠴᠢᠨ ᠥᠷᠢᠰᠦᠯᠳᠦᠭᠰᠡᠨ ᠶᠤᠮ᠃
ᠡᠷᠡᠭᠲᠡᠢ ᠶᠢᠨ ᠪᠦᠭᠡᠮ ᠭᠠᠷᠤᠭᠠᠨ ᠳᠤ ᠢᠯᠠᠯᠲᠠ ᠶᠢᠨ ᠵᠣᠷᠢᠭᠲᠤᠪᠠᠭᠠᠲᠤᠷ 17 ᠣᠨᠣᠭᠠ ᠪᠠᠷ 24 ᠳ᠋ᠤᠭᠡᠷ ᠲᠤ ᠪᠢᠴᠢᠭᠳᠡᠯᠡ᠃ ᠳᠡᠯᠡᠬᠡᠢ ᠶᠢᠨ ᠴᠣᠮᠣ ᠶᠢᠨ ᠭᠤᠷᠪᠠᠨ ᠭᠠᠷᠤᠭᠠᠨ ᠤ ᠳᠠᠷᠠᠭᠠᠬᠢ ᠣᠨᠣᠭᠠ ᠪᠠᠷ ᠲᠡᠷᠡᠪᠡᠷ 53 ᠲᠠᠮᠢᠷᠴᠢᠨ ᠠᠴᠠ 44 ᠳ᠋ᠤᠭᠡᠷ ᠲᠦ ᠪᠢᠴᠢᠭᠳᠡᠵᠦ ᠪᠠᠶᠢᠨᠠ᠃
ᠡᠮᠡᠭᠲᠡᠢ ᠶᠢᠨ ᠪᠦᠭᠡᠮ ᠭᠠᠷᠤᠭᠠᠨ ᠳᠤ ᠠᠯᠲᠠᠨᠸᠴᠢᠷ ᠤᠨ ᠵᠤᠯᠠ ᠬᠠᠭᠠᠰ ᠰᠢᠭᠰᠢᠭᠡ ᠬᠡᠰᠡᠭ ᠲᠦ ᠪᠡᠨ 19 ᠳ᠋ᠤᠭᠡᠷ ᠪᠠᠶᠢᠷᠢ ᠳᠤ ᠪᠢᠴᠢᠭᠳᠡᠵᠦ᠂ 22 ᠣᠨᠣᠭᠠ ᠠᠪᠤᠯᠠ᠃ ᠳᠡᠯᠡᠬᠡᠢ ᠶᠢᠨ ᠴᠣᠮᠣ ᠶᠢᠨ ᠨᠡᠶᠢᠯᠡᠪᠦᠷᠢ ᠳ᠋ᠦᠩ ᠢᠶᠡᠷ 41 ᠲᠠᠮᠢᠷᠴᠢᠨ ᠠᠴᠠ 33 ᠳ᠋ᠤᠭᠠᠷ ᠲᠤ ᠡᠷᠡᠮᠪᠡᠯᠡᠭᠳᠡᠵᠦ ᠪᠠᠶᠢᠨᠠ᠃ ᠲᠡᠳᠡ ᠳᠡᠯᠡᠬᠡᠢ ᠶᠢᠨ ᠴᠣᠮᠣ ᠶᠢᠨ ᠭᠤᠷᠪᠠᠨ ᠭᠠᠷᠤᠭᠠᠨ ᠠᠴᠠ ᠬᠣᠶᠠᠷ ᠲᠤ ᠨᠢ ᠣᠷᠣᠯᠴᠠᠭᠰᠠᠨ ᠪᠥᠭᠡᠳ ᠣᠳᠣ ᠺᠠᠨᠠᠳᠠ ᠳᠤ ᠪᠣᠯᠬᠤ ᠳᠡᠯᠡᠬᠡᠢ ᠶᠢᠨ ᠴᠣᠮᠣ ᠶᠢᠨ ᠳᠦᠷᠪᠡᠳᠡᠬᠢ ᠭᠠᠷᠤᠭᠠᠨ ᠳᠤ ᠣᠷᠣᠯᠴᠠᠬᠤ ᠪᠠᠷ《ᠠᠭᠴᠢ ᠮᠣᠳᠣᠨ ᠤ ᠣᠷᠣᠨ 》 ᠢ ᠵᠣᠷᠢᠪᠠ᠃