《ᠲᠣᠨᠵᠢ ᠮᠠᠩᠯᠠᠢ》ᠴᠣᠯᠠᠴᠢᠨ ᠵᠠᠰᠠᠭᠤᠯᠴᠢ᠂ ᠣᠯᠠᠨ ᠤ ᠳᠤᠮᠳᠠ 《ᠭᠠᠩ ᠬᠣᠭᠣᠯᠠᠢ》 ᠨᠡᠷᠡ ᠪᠡᠷ ᠠᠯᠳᠠᠷᠰᠢᠭᠰᠠᠨ ᠳ∙ᠴᠣᠭᠵᠢᠯ ᠤᠨ ᠡᠳ᠋ᠯᠡᠵᠦ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠵᠦᠢᠯ ᠢ ᠥᠪᠦᠷᠬᠠᠩᠭᠠᠢ ᠠᠶᠢᠮᠠᠭ ᠤᠨ ᠮᠦᠽᠧᠢ ᠶᠢᠨ《ᠠᠯᠳᠠᠷ ᠤᠨ ᠲᠠᠩᠬᠢᠮ》 ᠳᠦ ᠬᠠᠳᠠᠭᠠᠯᠠᠬᠤ ᠪᠠᠷ ᠬᠦᠯᠢᠶᠡᠨ ᠠᠪᠤᠯᠠ᠃
ᠮᠣᠩᠭᠣᠯ ᠲᠥᠷᠥ ᠶᠢᠨ ᠦᠨᠳᠦᠰᠦᠨ ᠦ ᠶᠡᠬᠡ ᠪᠠᠶᠠᠷ ᠨᠠᠭᠠᠳᠤᠮ ᠤᠨ ᠬᠦᠴᠦᠲᠦ ᠪᠥᠬᠡ ᠶᠢᠨ ᠪᠠᠷᠢᠯᠳᠤᠭᠠᠨ ᠤ ᠵᠦᠯᠭᠡ ᠨᠣᠭᠣᠭᠠᠨ ᠳᠡᠪᠵᠢᠶᠡᠨ ᠳᠦ ᠵᠡᠭᠦᠨ᠂ ᠪᠠᠷᠠᠭᠤᠨ ᠲᠠᠯᠠ ᠶᠢᠨ ᠲᠡᠷᠢᠭᠦᠨ ᠮᠠᠩᠨᠠᠢ ᠳᠤ ᠳᠠᠶᠠᠭᠠᠷ ᠳᠤᠷᠠᠰᠤᠭᠳᠠᠬᠤ᠂ ᠳᠠᠯᠠᠢ᠂ ᠳᠠᠶᠠᠩ᠂ ᠳᠠᠷᠬᠠᠨ ᠠᠪᠤᠷᠭᠤ ᠨᠤᠭᠤᠳ ᠢ 30 ᠭᠠᠷᠤᠢ ᠵᠢᠯ ᠴᠣᠯᠠᠯᠠᠵᠤ᠂ ᠳᠣᠯᠣᠭᠠᠨ ᠦᠶᠡ ᠶᠢᠨ ᠠᠪᠤᠷᠭᠤ ᠨᠤᠭᠤᠳ ᠢ ᠲᠥᠷᠦᠭᠦᠯᠦᠭᠰᠡᠨ ᠬᠦᠮᠦᠨ ᠪᠣᠯ ᠪᠥᠬᠡ ᠴᠤᠯᠠᠯᠠᠭᠴᠢ᠂ ᠵᠠᠰᠠᠭᠤᠯ ᠳᠠᠰᠢᠳᠤᠨᠳᠤᠭ ᠤᠨ ᠴᠣᠭᠵᠢᠯ ᠭᠤᠸᠠᠢ ᠶᠤᠮ᠃ ᠲᠡᠷᠡ ᠪᠡᠷ ᠮᠣᠩᠭᠣᠯ ᠲᠥᠷᠥ ᠶᠢᠨ ᠢᠶᠡᠨ ᠶᠡᠬᠡ ᠪᠠᠶᠠᠷ ᠨᠠᠭᠠᠳᠤᠮ ᠳᠤ ᠠᠪᠤᠷᠭᠤ ᠨᠤᠭᠤᠳ ᠤᠨ ᠴᠣᠯᠠ ᠶᠢ 105 ᠤᠳᠠᠭᠠ᠂ ᠠᠶᠢᠮᠠᠭ ᠤᠨ ᠪᠣᠯᠤᠨ ᠴᠠᠭᠠᠨ ᠰᠠᠷᠠ ᠶᠢᠨ ᠪᠠᠷᠢᠯᠳᠤᠭᠠᠨ ᠳᠤ 900 ᠭᠠᠷᠤᠢ ᠤᠳᠠᠭᠠ ᠠᠪᠤᠷᠭᠤ᠂ ᠠᠷᠰᠯᠠᠨ ᠤ ᠴᠣᠯᠠ ᠶᠢ ᠳᠠᠭᠤᠳᠠᠵᠠᠢ᠃
