ᠳᠠᠷᠢᠭᠠᠩᠭᠠ ᠰᠤᠮᠤ ᠶᠢᠨ ᠭᠠᠩᠭᠠ ᠨᠠᠭᠤᠷ ᠲᠤ ᠵᠢᠯ ᠪᠦᠷᠢ ᠴᠢᠭᠤᠯᠳᠠᠭ ᠬᠤᠨ ᠤ ᠴᠢᠭᠤᠯᠭᠠᠨ ᠢ ᠡᠨᠡ ᠵᠢᠯ 12000 ᠭᠠᠷᠤᠢ ᠵᠢᠭᠤᠯᠴᠢᠨ ᠦᠵᠡᠭᠰᠡᠨ ᠭᠡᠰᠡᠨ ᠰᠤᠳᠤᠯᠭᠠ ᠭᠠᠷᠴᠠᠢ᠃ ᠡᠩ ᠦᠨ ᠵᠢᠭᠤᠯᠴᠢᠳ᠂ ᠰᠢᠪᠠᠭᠤ ᠰᠤᠳᠤᠯᠤᠭᠠᠴᠢᠳ᠂ ᠭᠡᠷᠡᠯ ᠵᠢᠷᠤᠭᠴᠢᠳ᠂ ᠡᠷᠳᠡᠮᠲᠡᠳ ᠭᠡᠳ ᠬᠤᠨ ᠤ ᠴᠢᠭᠤᠯᠭᠠᠨ ᠢ ᠵᠣᠷᠢᠨ ᠢᠷᠡᠬᠦ ᠵᠢᠭᠤᠯᠴᠢᠳ ᠤᠨ ᠲᠣᠭᠠ ᠡᠶᠢᠨᠬᠦᠦ ᠡᠷᠡᠰ ᠨᠡᠮᠡᠭᠳᠡᠭᠰᠡᠨ ᠨᠢ ᠭᠠᠩᠭᠠ ᠨᠠᠭᠤᠷ ᠤᠨ ᠬᠠᠮᠠᠭᠠᠯᠠᠯᠲᠠ ᠰᠠᠶᠢᠵᠢᠷᠠᠭᠰᠠᠨ ᠲᠠᠢ ᠬᠣᠯᠪᠣᠭᠠ ᠲᠠᠢ ᠃
2019 ᠣᠨ ᠠᠴᠠ ᠭᠠᠩᠭᠠ ᠨᠠᠭᠤᠷ ᠤᠨ ᠤᠰᠤᠨ ᠤ ᠲᠦᠪᠰᠢᠨ᠂ ᠡᠷᠭᠢ ᠶᠢᠨ ᠲᠣᠯᠢᠶᠠ ᠲᠡᠯᠡᠭᠰᠡᠨ ᠵᠡᠷᠭᠡ ᠨᠢ ᠬᠤᠨ ᠴᠢᠭᠤᠯᠬᠤ ᠳᠤ ᠡᠶᠡᠷᠭᠦ ᠪᠡᠷ ᠨᠥᠯᠦᠭᠡᠯᠡᠵᠦ᠂ ᠡᠨᠡ ᠵᠢᠯ ᠤᠷᠢᠳᠤ ᠵᠢᠯ ᠦᠳ ᠡᠴᠡ ᠣᠯᠠᠨ ᠬᠤᠨ ᠴᠢᠭᠤᠯᠤᠭᠰᠠᠨ᠃ ᠡᠮᠦᠨᠡ ᠨᠢ ᠳᠡᠭᠡᠳᠦ ᠲᠠᠯᠠ ᠨᠢ 2-3 ᠮᠢᠩᠭᠠᠨ ᠬᠤᠨ ᠴᠢᠭᠤᠯᠳᠠᠭ ᠪᠠᠶᠢᠭᠰᠠᠨ ᠪᠣᠯ ᠡᠨᠡ ᠵᠢᠯ 5000 ᠭᠠᠷᠤᠢ ᠬᠤᠨ ᠴᠢᠭᠤᠯᠤᠯᠠ᠃ ᠮᠥᠨ ᠴᠠᠭ ᠠᠭᠠᠷ ᠳᠤᠯᠠᠭᠠᠨ᠂ ᠤᠷᠲᠤ ᠨᠠᠮᠤᠷ ᠪᠠᠶᠢᠭᠰᠠᠨ ᠤᠴᠢᠷ ᠬᠤᠨ ᠰᠢᠪᠠᠭᠤᠳ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠰᠠᠷᠠ ᠶᠢᠨ ᠰᠡᠭᠦᠯ ᠢᠶᠡᠷ ᠪᠤᠶᠤ ᠶᠡᠬᠡ ᠣᠷᠣᠢ ᠪᠤᠴᠠᠭᠰᠠᠨ ᠭᠡᠵᠦ ᠳᠠᠷᠢᠭᠠᠩᠭᠠ ᠰᠤᠮᠤ ᠶᠢᠨ ᠵᠠᠰᠠᠭ ᠳᠠᠷᠤᠭᠠ ᠶᠢᠨ ᠲᠠᠮᠠᠭᠠ ᠶᠢᠨ ᠭᠠᠵᠠᠷ ᠤᠨ ᠪᠠᠶᠢᠭᠠᠯᠢ ᠣᠷᠴᠢᠨ ᠤ ᠬᠢᠨᠠᠯᠲᠠ ᠶᠢᠨ ᠤᠯᠤᠰ ᠤᠨ ᠪᠠᠶᠢᠴᠠᠭᠠᠭᠴᠢ ᠪ ∙ ᠴᠢᠯᠠᠭᠤᠨᠴᠢᠮᠡᠭ ᠮᠡᠳᠡᠭᠡᠯᠡᠯᠡ᠃
