ᠬᠥᠪᠰᠥᠭᠥᠯ ᠠᠶᠢᠮᠠᠭ ᠲᠤ ᠠᠩᠬᠠ ᠤᠳᠠᠭᠠ 《ᠬᠣᠶᠢᠮᠣᠷ ᠨᠤᠲᠤᠭ ᠤᠨ ᠵᠣᠭᠣᠭ-2021》 ᠬᠣᠭᠣᠯᠠᠨ ᠤ ᠦᠵᠡᠰᠬᠦᠯᠡᠩ ᠪᠣᠯᠤᠯᠠ᠃
ᠡᠨᠡ ᠤᠳᠠᠭᠠ ᠶᠢᠨ ᠦᠵᠡᠰᠬᠦᠯᠡᠩ ᠳᠦ ᠴᠢᠨᠳᠠᠮᠤᠨᠢ-ᠥᠨᠳᠥᠷ ᠰᠤᠮᠤ ᠠᠴᠠ ᠤᠷᠢᠶᠠᠩᠬᠠᠢ ᠬᠣᠭᠣᠯᠠ᠂ ᠷᠢᠨᠴᠢᠨᠯᠾᠦ᠋ᠮᠪᠤ ᠰᠤᠮᠤ ᠠᠴᠠ ᠳᠠᠷᠬᠠᠳ ᠬᠣᠭᠣᠯᠠ᠂ ᠭᠠᠯᠲᠤ ᠰᠤᠮᠤ ᠠᠴᠠ ᠬᠠᠯᠬᠠ ᠬᠣᠭᠣᠯᠠ᠂ ᠴᠠᠭᠠᠨᠨᠠᠭᠤᠷ ᠰᠤᠮᠤ ᠠᠴᠠ ᠴᠠᠲᠠᠨ ᠬᠣᠭᠣᠯᠠ᠂ ᠮᠥᠷᠡᠨ ᠰᠤᠮᠤ ᠠᠴᠠ ᠬᠣᠲᠣᠭᠣᠶᠢᠳ᠂ ᠪᠤᠷᠢᠶᠠᠳ ᠬᠣᠭᠣᠯᠠᠨ ᠤ ᠥᠪ ᠰᠤᠶᠤᠯ ᠤᠨ ᠲᠠᠯᠠ ᠪᠠᠷ ᠨᠡᠶᠢᠲᠡ 8 ᠪᠠᠭ ᠣᠷᠣᠯᠴᠠᠯᠠ᠃
ᠬᠠᠮᠤᠭ ᠤᠨ ᠭᠣᠣᠯ ᠨᠢ ᠳᠡᠭᠡᠷᠡ ᠦᠶᠡ ᠳᠦ ᠳᠡᠭᠡᠷᠡᠬᠢ ᠶᠠᠰᠤᠲᠠᠳ ᠰᠣᠩᠭᠢᠨᠠ᠂ ᠮᠠᠩᠭᠢᠷ ᠠᠴᠠ ᠥᠭᠡᠷᠡ ᠠᠮᠲᠠᠯᠠᠭᠴᠢ ᠦᠭᠡᠢ ᠬᠣᠭᠣᠯᠠ ᠶᠢ ᠢᠮᠠᠭᠠᠬᠠᠢ᠂ ᠭᠢᠴᠢᠭᠢᠨᠡ ᠪᠡᠷ ᠠᠮᠲᠠᠯᠠᠨ ᠵᠠᠷᠢᠮ ᠦᠶᠡ ᠳᠦ ᠴᠢᠯᠠᠭᠤᠨ ᠳᠡᠭᠡᠷᠡ ᠬᠠᠭᠠᠷᠢᠵᠤ ᠰᠢᠷᠠᠵᠤ ᠢᠳᠡᠳᠡᠭ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ ᠶᠡᠬᠡᠪᠴᠢᠯᠡᠨ ᠡᠪᠦᠯ ᠦᠨ ᠤᠯᠠᠷᠢᠯ ᠳᠤ ᠮᠢᠬᠠᠨ ᠬᠣᠭᠣᠯᠠ ᠬᠡᠷᠡᠭᠯᠡᠵᠦ᠂ ᠤᠷᠢᠨ ᠳᠤᠯᠠᠭᠠᠨ ᠵᠤᠨ ᠤ ᠴᠠᠭ ᠲᠤ ᠴᠠᠭᠠᠨ ᠢᠳᠡᠭᠡ ᠬᠡᠷᠡᠭᠯᠡᠳᠡᠭ ᠪᠠᠶᠢᠭᠰᠠᠨ ᠭᠡᠳᠡᠭ ᠢ ᠪᠠᠭ ᠤᠳ ᠣᠨᠴᠠᠯᠠᠵᠤ ᠪᠠᠶᠢᠯᠠ᠃