ᠬᠣᠪᠳᠣ ᠠᠶᠢᠮᠠᠭ ᠤᠨᠴᠠᠮᠪᠠᠭᠠᠷᠪᠤ ᠠᠭᠤᠯᠠ ᠠᠴᠠ ᠭᠠᠷᠤᠭᠠ ᠪᠠᠨ ᠡᠬᠢᠯᠡᠭᠦᠯᠦᠭᠰᠡᠨ ᠭ∙ᠡᠷᠳᠡᠨᠢᠪᠠᠶᠠᠷ᠂ ᠳ∙ᠳᠠᠸᠠᠵᠢᠷᠭᠠᠯ 33 ᠬᠣᠨᠣᠭ ᠤᠨ ᠲᠤᠷᠰᠢ 1700 ᠺᠢᠯᠣᠮᠧᠲ᠋ᠷ ᠵᠠᠮ ᠢ ᠵᠥᠪᠬᠡᠨ ᠳᠤᠭᠤᠢ ᠪᠠᠷ ᠠᠶᠠᠯᠠᠵᠤ᠂ ᠡᠮᠦᠨᠡᠭᠣᠪᠢ ᠠᠶᠢᠮᠠᠭ ᠤᠨ ᠲᠥᠪ ᠳᠠᠯᠠᠨᠵᠠᠳᠠᠭᠠᠢᠲᠤ ᠳᠤ ᠢᠷᠡᠵᠡᠢ᠃ ᠲᠡᠳᠡ《ᠡᠷᠡᠭᠦᠯ ᠬᠦᠮᠦᠨ ᠡᠷᠡᠭᠦᠯ ᠬᠦᠨᠡᠰᠦ》ᠭᠡᠰᠡᠨ ᠤᠷᠢᠶᠠ ᠲᠠᠢ ᠶᠤᠮ᠃
ᠭ∙ᠡᠷᠳᠡᠨᠢᠪᠠᠶᠠᠷ᠄ 1700 ᠺᠢᠯᠣᠮᠧᠲ᠋ᠷ ᠵᠠᠮ ᠢ ᠲᠤᠭᠤᠯᠬᠤ ᠳᠤ ᠪᠠᠨ ᠵᠣᠷᠢᠯᠭᠠ ᠲᠠᠢ ᠠᠮᠢᠳᠤᠷᠠᠯ ᠵᠠᠯᠠᠭᠤ ᠬᠦᠮᠦᠰ ᠲᠦ ᠶᠠᠮᠠᠷ ᠶᠡᠬᠡ ᠬᠡᠷᠡᠭᠲᠡᠢ᠂ ᠬᠦᠮᠦᠨ ᠡᠷᠡᠭᠦᠯ ᠪᠠᠶᠢᠬᠤ ᠶᠠᠮᠠᠷ ᠶᠡᠬᠡ ᠬᠡᠷᠡᠭᠲᠡᠢ ᠶᠢ ᠣᠶᠢᠯᠠᠭᠠᠵᠤ ᠤᠬᠠᠭᠠᠷᠠᠵᠤ ᠶᠠᠪᠤᠨᠠ ᠭᠡᠯᠡ᠃ ᠳ∙ᠳᠠᠸᠠᠵᠢᠷᠭᠠᠯ᠄ ᠴᠠᠷᠠ ᠲᠠᠬᠤᠯ ᠤᠨ ᠦᠶᠡ ᠳᠦ ᠮᠠᠰᠢ ᠶᠡᠬᠡ ᠪᠤᠬᠢᠨᠢᠲᠤᠭᠰᠠᠨ᠃ ᠡᠭᠦᠨ ᠡᠴᠡ ᠪᠡᠨ ᠰᠠᠯᠬᠤ ᠶᠢᠨ ᠲᠤᠯᠠᠳᠠ ᠳᠤᠭᠤᠢ ᠶᠢᠨ ᠠᠶᠠᠯᠠᠯ ᠳᠤ ᠭᠠᠷᠤᠭᠰᠠᠨ᠃ ᠪᠢᠳᠡᠨ ᠦ ᠠᠶᠠᠯᠠᠯ ᠤᠨ ᠭᠣᠣᠯ ᠵᠣᠷᠢᠯᠭᠠ ᠡᠷᠡᠭᠦᠯ ᠬᠦᠮᠦᠨ᠂ ᠡᠷᠡᠭᠦᠯ ᠬᠦᠨᠡᠰᠦ᠃ ᠡᠨᠡ ᠨᠢ ᠡᠪᠡᠳᠳᠡᠭ ᠦᠭᠡᠢ ᠬᠦᠮᠦᠨ ᠢ ᠡᠷᠡᠭᠦᠯ ᠭᠡᠬᠦ ᠦᠭᠡᠢ᠂ ᠪᠡᠶᠡ ᠮᠠᠬᠠᠪᠣᠳ ᠠᠴᠠ ᠭᠠᠳᠠᠨᠠ ᠣᠶᠤᠨ ᠰᠠᠨᠠᠭᠠ ᠨᠢ ᠬᠦᠷᠲᠡᠯᠡ ᠡᠷᠡᠭᠦᠯ ᠪᠠᠶᠢᠬᠤ ᠬᠡᠷᠡᠭ ᠲᠡᠢ ᠶᠢ ᠢᠷᠭᠡᠳ ᠲᠦ ᠪᠡᠨ ᠤᠷᠢᠶᠠᠯᠠᠵᠤ ᠪᠠᠶᠢᠨᠠ᠃ ᠮᠥᠨ ᠡᠷᠡᠭᠦᠯ ᠬᠦᠨᠡᠰᠦ ᠨᠢ ᠮᠣᠩᠭᠣᠯ ᠭᠠᠵᠠᠷ ᠤᠨ ᠬᠥᠷᠦᠭᠰᠡᠨ ᠳᠦ ᠲᠠᠷᠢᠵᠤ ᠤᠷᠭᠤᠭᠤᠯᠤᠭᠰᠠᠨ ᠬᠦᠨᠡᠰᠦ ᠶᠤᠮ᠃ ᠪᠢᠳᠡ ᠵᠠᠮ ᠢᠶᠠᠷ ᠢᠶᠠᠨ ᠣᠯᠠᠨ ᠬᠥᠳᠡᠯᠮᠦᠷᠢᠴᠢ ᠬᠦᠮᠦᠰ ᠲᠡᠢ ᠠᠭᠤᠯᠵᠠᠯᠠ᠃ ᠪᠠᠬᠠᠷᠬᠠᠯ ᠲᠠᠢ ᠰᠠᠨᠠᠭᠳᠠᠵᠤ ᠪᠠᠶᠢᠨᠠ ᠭᠡᠯᠡ᠃ ᠲᠡᠳᠡ ᠳᠣᠷᠣᠨᠠᠲᠤ ᠠᠶᠢᠮᠠᠭ ᠤᠨ ᠬᠠᠯᠬᠠ ᠭᠣᠣᠯ ᠰᠤᠮᠤ ᠶᠢᠨ ᠪᠤᠶᠢᠷ ᠨᠠᠭᠤᠷ ᠲᠤ ᠬᠦᠷᠴᠦ ᠤᠭ ᠠᠶᠠᠯᠠᠯ ᠢᠶᠠᠨ ᠳᠠᠭᠤᠰᠬᠠᠨᠠ᠃