ᠬᠥᠪᠰᠥᠭᠥᠯ ᠠᠶᠢᠮᠠᠭ ᠤᠨ ᠤᠯᠠᠭᠠᠨ-ᠠᠭᠤᠯᠠ ᠰᠤᠮᠤ ᠶᠢᠨ ᠣᠷᠴᠢᠮ ᠥᠯᠵᠡᠶᠢᠲᠦ ᠨᠠᠭᠤᠷ ᠲᠤ 5 ᠳᠡᠭᠳᠡᠭᠡᠬᠡᠢ ᠲᠡᠢ ᠬᠤᠨ ᠰᠢᠪᠠᠭᠤ ᠵᠤᠰᠠᠭᠰᠠᠨ ᠪᠠᠶᠢᠨᠠ᠃ ᠲᠡᠭᠦᠨ ᠦ ᠨᠢᠭᠡ ᠳᠡᠭᠳᠡᠭᠡᠬᠡᠢ ᠨᠢ ᠭᠡᠮᠲᠦᠵᠦ ᠨᠢᠰᠴᠦ ᠴᠢᠳᠠᠬᠤ ᠦᠭᠡᠢ ᠭᠠᠭᠴᠠᠭᠠᠷ ᠦᠯᠡᠳᠡᠭᠰᠡᠨ ᠪᠠᠶᠢᠨᠠ᠃ ᠨᠠᠭᠤᠷ ᠬᠥᠯᠳᠡᠵᠦ᠂ ᠠᠮᠢᠳᠤᠷᠠᠬᠤ ᠨᠥᠬᠥᠴᠡᠯ ᠨᠢ ᠬᠦᠨᠳᠦᠷᠡᠭᠰᠡᠨ ᠤᠴᠢᠷ ᠠᠴᠠ ᠤᠯᠠᠭᠠᠨ ᠲᠠᠶᠢᠭᠠ ᠶᠢᠨ ᠤᠯᠤᠰ ᠤᠨ ᠲᠤᠰᠬᠠᠢ ᠬᠠᠮᠠᠭᠠᠯᠠᠯᠲᠠ ᠲᠠᠢ ᠭᠠᠵᠠᠷ ᠤᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠵᠠᠬᠢᠷᠭᠠᠨ ᠤ ᠬᠢᠨ ᠳᠡᠭᠳᠡᠭᠡᠬᠡᠢ ᠶᠢ ᠪᠠᠷᠢᠵᠤ᠂ ᠪᠠᠶᠢᠭᠤᠯᠤᠯᠭᠠ ᠳᠡᠭᠡᠷᠡ ᠪᠡᠨ ᠠᠪᠴᠤ ᠢᠷᠡᠭᠰᠡᠨ ᠪᠠᠶᠢᠨᠠ᠃
ᠴᠠᠭᠠᠰᠢᠳᠠ ᠭᠠᠵᠠᠷ ᠦᠵᠡᠵᠦ ᠪᠠᠶᠢᠵᠤ ᠲᠠᠯᠪᠢᠬᠤ ᠡᠰᠡᠪᠡᠯ ᠳᠤᠯᠠᠭᠠᠨ ᠭᠡᠷ ᠪᠡᠯᠡᠳᠴᠦ ᠲᠡᠵᠢᠭᠡᠨ᠂ ᠳᠠᠷᠠᠭᠠ ᠬᠠᠪᠤᠷ ᠡᠬᠡ ᠲᠡᠢ ᠨᠢ ᠪᠠᠶᠠᠷ ᠲᠠᠢ ᠠᠭᠤᠯᠵᠠᠭᠤᠯᠬᠤ ᠬᠦᠰᠡᠯ ᠲᠤᠩ ᠴᠤ ᠶᠡᠬᠡ ᠪᠠᠶᠢᠨᠠ ᠭᠡᠳᠡᠭ ᠢ ᠤᠯᠠᠭᠠᠨ ᠲᠠᠶᠢᠭᠠ ᠶᠢᠨ ᠤᠯᠤᠰ ᠤᠨ ᠲᠤᠰᠬᠠᠢ ᠬᠠᠮᠠᠭᠠᠯᠠᠯᠲᠠ ᠲᠠᠢ ᠭᠠᠵᠠᠷ ᠤᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠵᠠᠬᠢᠷᠭᠠᠨ ᠤ ᠳᠠᠷᠤᠭᠠ ᠵ ∙ ᠲᠡᠮᠦᠷᠰᠦ᠋ᠬᠡ ᠬᠡᠯᠡᠵᠦ ᠪᠠᠶᠢᠯᠠ᠃