ᠤᠳᠠᠭᠠ ᠳᠠᠷᠠᠭᠠ ᠮᠠᠯ ᠬᠤᠯᠠᠭᠠᠶᠢᠯᠠᠭᠰᠠᠨ ᠪᠦᠯᠦᠭ ᠡᠲᠡᠭᠡᠳ ᠢ ᠴᠠᠭᠳᠠᠭᠠ ᠶᠢᠨ ᠠᠯᠪᠠ ᠬᠠᠭᠠᠭᠴᠢᠳ ᠥᠴᠥᠭᠡᠳᠦᠷ ᠦᠢᠯᠡᠳᠦᠯ ᠳᠡᠭᠡᠷᠡ ᠨᠢ ᠢᠯᠡᠷᠡᠭᠦᠯᠵᠡᠢ᠃ ᠲᠣᠳᠣᠷᠠᠭᠤᠯᠪᠠᠯ᠂ ᠨᠠᠯᠠᠶᠢᠬᠤ ᠳᠡᠭᠦᠷᠭᠡ ᠶᠢᠨ ᠨᠤᠲᠤᠭ ᠳᠡᠪᠢᠰᠬᠡᠷ ᠲᠦ ᠥᠴᠥᠭᠡᠳᠦᠷ 22᠄00 ᠴᠠᠭ ᠤᠨ ᠣᠷᠴᠢᠮ ᠡᠷᠡᠭᠦᠦ ᠶᠢᠨ ᠴᠠᠭᠳᠠᠭᠠ ᠶᠢᠨ ᠠᠯᠪᠠ᠂ ᠲᠥᠪ᠂ ᠬᠡᠨᠲᠡᠢ ᠠᠶᠢᠮᠠᠭ ᠳᠠᠬᠢ ᠴᠠᠭᠳᠠᠭᠠ ᠶᠢᠨ ᠭᠠᠵᠠᠷ ᠪᠣᠯᠤᠨ ᠨᠠᠯᠠᠶᠢᠬᠤ ᠳᠡᠭᠦᠷᠭᠡ ᠳ᠋ᠡᠬᠢ ᠴᠠᠭᠳᠠᠭᠠ ᠶᠢᠨ ᠬᠡᠯᠲᠡᠰ ᠦᠨ ᠠᠯᠪᠠ ᠬᠠᠭᠠᠭᠴᠢᠳ ᠬᠠᠮᠲᠤᠷᠠᠨ ᠠ᠂ ᠳ᠂ ᠮ᠂ ᠠ᠂ ᠪ ᠨᠠᠷ ᠤᠨ ᠪᠦᠯᠦᠭ ᠡᠲᠡᠭᠡᠳ ᠦᠳ ᠢ ᠪᠤᠰᠤᠳ ᠤᠨ ᠵᠢᠷᠭᠤᠭᠠᠨ ᠪᠣᠳᠠ ᠮᠠᠯ ᠢ ᠬᠤᠯᠠᠭᠠᠶᠢᠯᠠᠨ ᠲᠡᠭᠡᠭᠡᠪᠦᠷᠢᠯᠡᠵᠦ ᠶᠠᠪᠤᠬᠤ ᠳᠤ ᠰᠠᠭᠠᠳᠠᠭᠤᠯᠤᠨ ᠦᠢᠯᠡᠳᠦᠯ ᠳᠡᠭᠡᠷᠡ ᠨᠢ ᠪᠠᠷᠢᠪᠴᠢᠯᠠᠭᠰᠠᠨ ᠪᠠᠶᠢᠨᠠ᠃
ᠮᠥᠨ ᠤᠷᠢᠳᠴᠢᠯᠠᠭᠰᠠᠨ ᠪᠠᠶᠢᠳᠠᠯ ᠢᠶᠠᠷ ᠤᠭ ᠪᠦᠯᠦᠭ ᠡᠲᠡᠭᠡᠳ 10 ᠬᠣᠨᠣᠭ ᠤᠨ ᠡᠮᠦᠨᠡ ᠬᠡᠨᠲᠡᠢ ᠠᠶᠢᠮᠠᠭ ᠤᠨ ᠳᠡᠯᠭᠡᠷᠬᠠᠨ ᠰᠤᠮᠤ ᠶᠢᠨ ᠨᠤᠲᠤᠭ ᠳᠡᠪᠢᠰᠬᠡᠷ ᠡᠴᠡ ᠶᠢᠰᠦᠨ ᠦᠬᠡᠷ ᠬᠤᠯᠠᠭᠠᠶᠢᠯᠠᠵᠤ᠂ ᠨᠢᠳᠤᠯᠠᠵᠤ ᠵᠠᠷᠤᠭᠰᠠᠨ ᠨᠢ ᠲᠣᠭᠲᠠᠭᠠᠭᠳᠠᠵᠠᠢ᠃ ᠬᠦᠢᠲᠡᠨ ᠦ ᠤᠯᠠᠷᠢᠯ ᠡᠬᠢᠯᠡᠵᠦ᠂ ᠢᠷᠭᠡᠳ ᠢᠳᠡᠰᠢ ᠪᠡᠨ ᠪᠡᠯᠡᠳᠬᠡᠬᠦ ᠡᠨᠡ ᠦᠶᠡ ᠳᠦ ᠮᠠᠯ ᠤᠨ ᠬᠤᠯᠠᠭᠠᠢ ᠶᠢᠨ ᠭᠡᠮᠲᠦ ᠬᠡᠷᠡᠭ ᠥᠰᠬᠦ ᠬᠠᠨᠳᠤᠯᠭᠠ ᠲᠠᠢ ᠪᠠᠶᠢᠳᠠᠭ ᠲᠤᠯᠠ ᠢᠷᠭᠡᠳ ᠥᠪᠡᠷᠰᠡᠳ ᠦᠨ ᠡᠳ᠋ ᠬᠥᠷᠥᠩᠭᠡ᠂ ᠴᠠᠭᠠᠰᠢᠯᠠᠭᠠᠳ ᠦᠨᠳᠦᠰᠦᠨ ᠦ ᠪᠠᠶᠠᠯᠢᠭ ᠪᠣᠯᠤᠭᠰᠠᠨ ᠮᠠᠯ ᠰᠦᠷᠦᠭ ᠢᠶᠡᠨ ᠪᠠᠶᠢᠩᠭᠤ ᠶᠢᠨ ᠬᠠᠷᠢᠭᠤᠯᠭᠠ᠂ ᠮᠠᠯᠯᠠᠭᠠ ᠲᠠᠢ ᠪᠠᠶᠢᠯᠭᠠᠬᠤ ᠶᠢ ᠴᠠᠭᠳᠠᠭᠠ ᠶᠢᠨ ᠪᠠᠶᠢᠭᠤᠯᠤᠯᠭᠠ ᠠᠴᠠ ᠠᠩᠬᠠᠷᠤᠭᠤᠯᠤᠯᠠ᠃
