ᠳᠣᠷᠣᠨᠠᠲᠤ ᠠᠶᠢᠮᠠᠭ ᠤᠨ ᠵᠠᠷᠢᠮ ᠰᠤᠮᠤᠨ ᠳᠤ ᠴᠠᠭᠠᠨ ᠵᠡᠭᠡᠷᠡ ᠣᠯᠠᠨ ᠢᠶᠠᠷ ᠢᠶᠠᠨ ᠦᠬᠦᠵᠦ ᠪᠠᠶᠢᠭᠠ ᠲᠤᠬᠠᠢ ᠨᠤᠲᠤᠭ ᠤᠨ ᠢᠷᠭᠡᠳ ᠶᠠᠷᠢᠵᠤ ᠪᠠᠶᠢᠨᠠ᠃ ᠲᠣᠳᠣᠷᠠᠭᠤᠯᠪᠠᠯ᠂ ᠭᠤᠷᠪᠠᠨᠵᠠᠭᠠᠯ᠂ ᠴᠣᠶᠢᠪᠠᠯᠰᠠᠩ᠂ ᠰᠡᠷᠭᠦᠯᠡᠩ᠂ ᠴᠢᠯᠠᠭᠤᠨᠬᠦ᠋ᠷᠢᠶᠡᠲᠦ᠂ ᠳᠠᠰᠢᠪᠠᠯᠪᠠᠷ ᠰᠤᠮᠤ ᠶᠢᠨ ᠨᠤᠲᠤᠭ ᠲᠤ ᠵᠡᠭᠡᠷᠡ ᠶᠢᠨ ᠰᠡᠭ ᠣᠯᠠᠨ ᠢᠶᠠᠷ ᠢᠶᠠᠨ ᠲᠠᠭᠠᠷᠠᠬᠤ ᠪᠣᠯᠵᠠᠢ᠃
ᠡᠨᠡ ᠲᠠᠯᠠ ᠪᠠᠷ ᠠᠶᠢᠮᠠᠭ ᠤᠨ ᠮᠠᠯ ᠡᠮᠨᠡᠯᠭᠡ ᠶᠢᠨ ᠭᠠᠵᠠᠷ ᠠᠴᠠ ᠲᠣᠳᠣᠷᠠᠭᠤᠯᠬᠤ ᠳᠤ᠂ ᠵᠡᠭᠡᠷᠡ ᠳᠣᠭᠣᠯᠠᠵᠤ ᠪᠠᠶᠢᠭᠠᠳ ᠦᠬᠦᠬᠦ ᠪᠠᠶᠢᠳᠠᠯ ᠶᠡᠬᠡ ᠪᠡᠷ ᠠᠵᠢᠭᠯᠠᠭᠳᠠᠵᠤ ᠪᠠᠶᠢᠭᠠ᠃ ᠵᠡᠭᠡᠷᠡ ᠶᠢᠨ ᠰᠦᠷᠦᠭ ᠲᠦ ᠱᠦᠯᠬᠦᠭᠡ ᠡᠪᠡᠳᠴᠢᠨ ᠭᠠᠷᠤᠭᠰᠠᠨ ᠪᠠᠶᠢᠬᠤ ᠮᠠᠭᠠᠳᠯᠠᠯ ᠲᠠᠢ ᠭᠡᠵᠦ ᠦᠵᠡᠭᠰᠡᠨ ᠤᠴᠢᠷ ᠰᠢᠨᠵᠢᠯᠡᠭᠡ ᠠᠪᠴᠤ ᠳᠡᠭᠡᠵᠢ ᠶᠢ ᠲᠥᠪ ᠯᠠᠪᠤᠷᠠᠲ᠋ᠣᠷᠢ ᠳᠤ ᠢᠯᠡᠭᠡᠭᠰᠡᠨᠭᠡᠪᠡ᠃ ᠭᠤᠷᠪᠠᠨᠵᠠᠭᠠᠯ ᠰᠤᠮᠤᠨ ᠳᠤ 270 ᠵᠡᠭᠡᠷᠡ ᠶᠢᠨ ᠰᠡᠭ ᠢ ᠤᠰᠠᠳᠬᠠᠬᠤ ᠠᠵᠢᠯ ᠢ ᠬᠢᠵᠦ ᠪᠠᠶᠢᠭᠠ ᠠᠵᠠᠢ᠃