《Diaries》ᠦᠵᠡᠰᠬᠦᠯᠡᠩ︽ᠰᠡᠩᠭᠡᠷᠠᠭᠢ ᠠᠷᠲ︾ᠭᠠᠯᠧᠷᠧᠢ ᠳᠦ ᠨᠡᠭᠡᠭᠡᠯᠲᠡ ᠪᠡᠨ ᠬᠢᠯᠡ᠃ ᠺᠤᠨᠲᠸᠮᠫᠤᠷᠠᠷᠢ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠪᠣᠯᠬᠤ ᠪ∙ᠡᠩᠬᠡᠲᠤᠶᠠᠭᠠ᠂ ᠼ∙ᠰᠣᠯᠣᠩᠭᠠ ᠨᠠᠷ ᠬᠠᠮᠲᠤᠷᠠᠨ ᠤᠷᠠᠨ ᠵᠢᠷᠤᠭ ᠤᠨ ᠦᠵᠡᠰᠬᠦᠯᠡᠩ ᠭᠠᠷᠭᠠᠭᠰᠠᠨ ᠨᠢ ᠰᠣᠨᠢᠷᠬᠠᠯᠲᠠᠢ᠃ ᠤᠷᠠᠨ ᠪᠦᠲᠦᠭᠡᠯᠴᠢ ᠪ∙ᠡᠩᠬᠡᠲᠤᠶᠠᠭᠠ ᠮᠣᠩᠭᠣᠯ ᠤᠨ ᠡᠷᠲᠡᠨ ᠦ ᠲᠦᠷᠦᠭ᠂ ᠤᠶᠢᠭᠤᠷ ᠤᠨ ᠦᠶᠡ ᠶᠢᠨ ᠲᠦᠷᠫᠠᠨ ᠤ ᠬᠠᠨᠠ ᠶᠢᠨ ᠵᠢᠷᠤᠭ ᠢ ᠰᠠᠨᠠᠭᠳᠠᠭᠤᠯᠤᠮᠠ ᠭᠡᠭᠡᠨ ᠳᠦᠷᠢ ᠨᠦᠭᠦᠳ ᠢ ᠪᠦᠲᠦᠭᠡᠵᠡᠢ᠃ ᠵᠢᠷᠤᠭ ᠲᠡᠬᠢ ᠪᠢᠰᠢᠯᠭᠠᠯ ᠬᠢᠵᠦ ᠪᠤᠢ ᠡᠮᠡᠭᠲᠡᠢ ᠨᠢ ᠣᠷᠴᠢᠯᠠᠩ ᠤᠨ ᠣᠯᠠᠨ ᠦᠢᠯᠡ ᠡᠴᠡ ᠠᠩᠭᠢᠵᠢᠷᠠᠭᠰᠠᠨ ᠮᠡᠲᠦ ᠠᠮᠤᠭᠤᠯᠠᠩ ᠳᠦᠷᠢ ᠨᠦᠭᠦᠳ ᠪᠠᠶᠢᠯᠠ᠃
ᠬᠠᠷᠢᠨ ᠬᠠᠵᠠᠭᠤᠬᠠᠨ ᠲᠠᠯᠠ ᠳᠤ ᠨᠢ ᠪᠠᠶᠢᠷᠢᠯᠠᠬᠤ ᠠᠪᠰᠲᠷᠠᠺᠲ ᠤᠷᠠᠨ ᠪᠦᠲᠦᠭᠡᠯ ᠦᠳ ᠼ∙ᠰᠣᠯᠣᠩᠭᠠ ᠶᠢᠨ ᠵᠢᠷᠤᠭ ᠤᠳ᠃ ᠲᠡᠭᠦᠨ ᠦ ᠪᠦᠲᠦᠭᠡᠯ ᠦᠳ ᠤᠷᠠᠨ ᠪᠦᠲᠦᠭᠡᠯᠴᠢ ᠪ∙ᠡᠩᠬᠡᠲᠤᠶᠠᠭᠠ ᠶᠢᠨ ᠪᠦᠲᠦᠭᠡᠯ ᠡᠴᠡ ᠡᠷᠡᠰ ᠢᠯᠭᠠᠭᠠ ᠲᠠᠢ ᠪᠠᠶᠢᠯᠠ᠃ ᠮᠡᠳᠡᠷᠡᠮᠵᠢ ᠶᠢ ᠭᠣᠣᠯᠴᠢᠯᠠᠬᠤ᠂ ᠰᠡᠳᠬᠢᠭᠳᠡᠯ ᠢ ᠪᠠᠭᠤᠯᠭᠠᠬᠤ᠂ ᠲᠤᠬᠠᠢ ᠶᠢᠨ ᠭᠱᠠᠨ ᠢ ᠴᠢᠬᠤᠯᠠᠴᠢᠯᠠᠬᠤ ᠠᠪᠰᠲᠷᠠᠺᠲ ᠤᠷᠠᠨ ᠪᠦᠲᠦᠭᠡᠯᠴᠢ ᠼ∙ᠰᠣᠯᠣᠩᠭᠠ ᠡᠨᠡ ᠤᠳᠠᠭᠠ ᠪᠢᠳᠡᠨ ᠦ ᠨᠢᠳᠦ ᠪᠡᠷ ᠬᠠᠷᠠᠬᠤ ᠳᠤ ᠲᠣᠳᠣᠷᠬᠠᠢ ᠳᠦᠷᠰᠦᠯᠡᠯ ᠦᠭᠡᠢ ᠴᠤ ᠮᠣᠩᠭᠣᠯ ᠣᠷᠣᠨ ᠤ ᠡᠷᠡᠰ ᠲᠡᠰᠦ ᠠᠭᠤᠷ ᠠᠮᠢᠰᠬᠤᠯ᠂ ᠡᠭᠡᠯᠵᠢᠯᠡᠨ ᠰᠣᠯᠢᠭᠳᠠᠬᠤ ᠤᠯᠠᠷᠢᠯ ᠢ ᠦᠪᠡᠷ ᠦᠨ ᠡᠷᠬᠡ ᠦᠭᠡᠢ ᠰᠠᠨᠠᠭᠳᠠᠭᠤᠯᠬᠤ ᠦᠩᠭᠡ ᠶᠢᠨ ᠵᠣᠬᠢᠴᠠᠯ ᠪᠦᠬᠦᠢ ᠪᠦᠲᠦᠭᠡᠯ ᠦᠳ ᠦᠵᠡᠰᠬᠦᠯᠡᠩ ᠳᠦ ᠲᠠᠯᠪᠢᠵᠠᠢ᠃