ᠪᠠᠶᠠᠨ-ᠥᠯᠥᠭᠡᠢ ᠠᠶᠢᠮᠠᠭ ᠤᠨ ᠠᠷᠠᠳ ᠢᠷᠭᠡᠳ ᠡᠪᠦᠯᠵᠢᠯᠲᠡ ᠶᠢᠨ ᠪᠡᠯᠡᠳᠬᠡᠯ ᠠᠵᠢᠯ ᠢᠶᠠᠨ ᠡᠬᠢᠯᠡᠭᠦᠯᠵᠦ᠂ ᠠᠭᠤᠯᠠ ᠶᠢᠨ ᠬᠠᠳᠤᠯᠠᠩ ᠳᠤ ᠭᠠᠷᠴᠤ ᠡᠬᠢᠯᠡᠯᠡ᠃ ᠲᠣᠳᠣᠷᠠᠭᠤᠯᠵᠤ ᠬᠡᠯᠡᠪᠡᠯ᠂ ᠠᠭᠤᠯᠠᠷᠬᠠᠭ ᠪᠥᠰᠡ ᠨᠤᠲᠤᠭ ᠲᠤ ᠣᠷᠣᠰᠢᠳᠠᠭ ᠠᠯᠲᠠᠢ᠂ ᠪᠤᠶᠠᠨᠲᠤ᠂ ᠰᠠᠭᠰᠠᠢ᠂ ᠴᠡᠩᠭᠡᠯ ᠵᠡᠷᠭᠡ ᠰᠤᠮᠤ ᠨᠤᠭᠤᠳ ᠤᠨ ᠮᠠᠯᠴᠢᠳ ᠡᠨᠡ ᠰᠠᠷᠠ ᠶᠢᠨ 25 ᠠᠴᠠ ᠠᠭᠤᠯᠠᠨ ᠬᠠᠳᠤᠯᠠᠩ ᠳᠤ ᠪᠠᠨ ᠭᠠᠷᠤᠭᠠᠳ ᠪᠠᠶᠢᠨᠠ᠃
ᠲᠤᠰ ᠠᠶᠢᠮᠠᠭ ᠨᠢ ᠥᠨᠳᠥᠷ ᠠᠭᠤᠯᠠ ᠶᠢᠨ ᠪᠥᠰᠡ ᠳᠦ ᠣᠷᠣᠰᠢᠳᠠᠭ᠂ ᠵᠤᠨ ᠤ ᠤᠯᠠᠷᠢᠯ ᠪᠣᠭᠣᠨᠢ ᠲᠤᠯᠠ ᠠᠷᠠᠳ ᠢᠷᠭᠡᠳ ᠬᠠᠳᠤᠯᠠᠩ ᠪᠡᠯᠡᠳᠬᠡᠬᠦ ᠠᠵᠢᠯ ᠳᠤ ᠪᠤᠰᠤᠳ ᠠᠶᠢᠮᠠᠭ ᠤᠳ ᠠᠴᠠ ᠡᠷᠲᠡ ᠪᠤᠶᠤ ᠠᠭᠤᠯᠠ ᠶᠢᠨ ᠬᠠᠳᠤᠯᠠᠩ ᠳᠤ ᠳᠣᠯᠣᠳᠤᠭᠠᠷ ᠰᠠᠷᠠ ᠶᠢᠨ 25 ᠠᠴᠠ ᠨᠠᠢ᠌ᠮᠠᠳᠤᠭᠠᠷ ᠰᠠᠷᠠ ᠶᠢᠨ ᠨᠢᠭᠡᠨ ᠦ ᠬᠣᠭᠣᠷᠣᠨᠳᠣ᠂ ᠭᠣᠣᠯ ᠤᠨ ᠬᠠᠳᠤᠯᠠᠩ ᠳᠤ 15 ᠠᠴᠠ ᠪᠠᠭᠤᠳᠠᠭ ᠤᠯᠠᠮᠵᠢᠯᠠᠯ ᠲᠠᠢ᠃ ᠬᠠᠪᠤᠷ ᠤᠷᠲᠤ᠂ ᠵᠤᠨ ᠤ ᠡᠬᠢᠨ ᠦ ᠰᠠᠷᠠ ᠳᠤ ᠭᠠᠩᠳᠠᠭᠤ᠂ ᠰᠠᠯᠬᠢ ᠲᠠᠢ ᠪᠠᠶᠢᠭᠰᠠᠨ ᠲᠤᠯᠠ ᠬᠠᠳᠤᠯᠠᠩ ᠤᠨ ᠭᠠᠷᠴᠠ ᠡᠮᠦᠨᠡᠬᠢ ᠵᠢᠯ ᠦᠳ ᠡᠴᠡ ᠪᠠᠭᠠ ᠪᠠᠶᠢᠭᠠ ᠶᠢ ᠢᠷᠭᠡᠳ ᠬᠡᠯᠡᠵᠦ ᠪᠠᠶᠢᠨᠠ᠃
