ᠮᠣᠩᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠶᠢᠯᠡᠭᠴᠢ ᠤ᠊ · ᠬᠦᠷᠡᠯᠰᠦ᠋ᠬᠡ ︽ᠲᠤᠤᠺᠢᠣ᠋ 2020︾ ᠤᠯᠢᠮᠫᠢᠺ ᠤᠨ ᠨᠠᠭᠠᠳᠤᠮ ᠳᠤ ᠣᠷᠣᠯᠴᠠᠵᠤ ᠪᠤᠶ ᠲᠠᠮᠢᠷᠴᠢᠳ ᠲᠤ ᠠᠮᠵᠢᠯᠲᠠ ᠬᠦᠰᠡᠵᠦ᠂ ᠮᠡᠨᠳᠦᠴᠢᠯᠡᠭᠡ ᠳᠡᠪᠰᠢᠭᠦᠯᠵᠡᠢ᠃
ᠮᠡᠨᠳᠤᠴᠢᠯᠡᠭᠡᠨ ᠳᠤ᠄ ᠮᠣᠩᠭᠣᠯ ᠤᠨ ᠤᠯᠢᠮᠫᠢᠺ ᠤᠨ ᠲᠠᠮᠢᠷᠴᠢᠳ ᠡ᠂ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠤ ᠡᠪ ᠨᠢᠭᠡᠳᠦᠯ ᠤᠨ ᠢᠯᠡᠷᠬᠡᠶᠢᠯᠡᠯ᠂ ᠰᠫᠣᠷᠲ ᠤᠨ ᠴᠡᠩᠭᠡᠯ ᠤᠨ ᠮᠡᠩᠯᠡᠢ ᠵᠤᠨ ᠤ ᠭᠤᠴᠢᠨ ᠬᠤᠶᠠᠳᠤᠭᠠᠷ ᠤᠯᠢᠮᠫᠢᠺ ᠤᠨ ᠨᠠᠭᠠᠳᠤᠮ ᠡᠨᠡ ᠡᠳᠦᠷ ᠤᠳ ᠲᠤ ᠲᠣᠬᠢᠶᠠᠵᠤ ᠪᠠᠶᠢᠨᠡ᠃ ᠮᠣᠩᠭᠣᠯ ᠤᠨ ᠲᠠᠮᠢᠷᠴᠢᠳ ᠵᠤᠨ ᠤ ᠤᠯᠢᠮᠫᠢᠺ ᠲᠤ ᠣᠷᠣᠯᠴᠠᠵᠤ ᠡᠬᠢᠯᠡᠭᠰᠡᠨ ᠠᠴᠠ ᠬᠤᠶᠢᠰᠢᠬᠢ 57 ᠵᠢᠯ ᠤᠨ ᠳᠣᠲᠣᠷᠠ︽ᠲᠤᠤᠺᠢᠣ᠋ 1964︾ ᠠᠴᠠ ︽ᠲᠤᠤᠺᠢᠣ᠋ 2020︾ ᠬᠦᠷᠲᠡᠯᠡᠬᠢ ᠵᠠᠮ ᠢ ᠲᠤᠭᠤᠯᠵᠤ᠂ ᠵᠤᠨ ᠤ 13 ᠤᠳᠠᠭᠠ ᠶᠢᠨ ᠤᠯᠢᠮᠫᠢᠺ ᠲᠤ ᠣᠷᠣᠯᠴᠠᠨ 2 ᠠᠯᠳᠠ᠂ 10 ᠮᠦᠡᠭᠬᠦ᠂ 14 ᠬᠦᠷᠡᠯ ᠮᠧᠳᠠᠯ ᠬᠦᠷᠲᠡᠨ᠂ ᠤᠯᠢᠮᠫᠢᠺ ᠤᠨ ᠲᠩᠷᠢ ᠳᠤ ᠲᠥᠷᠦ ᠶᠢᠨ ᠳᠠᠭᠤᠯᠠᠯ ᠢᠶᠠᠨ ᠡᠭᠡᠰᠢᠭᠯᠡᠭᠦᠯᠵᠦ᠂ ᠠᠯᠲᠠᠨ ᠰᠣᠶᠣᠮᠪᠤᠲᠤ ᠳᠠᠯᠪᠠᠭᠠ ᠪᠠᠨ ᠮᠠᠨᠳᠤᠭᠤᠯᠤᠭᠰᠠᠨ ᠲᠡᠦᠬᠡ ᠲᠠᠢ᠃
ᠳᠡᠯᠡᠬᠡᠢ ᠳ᠋ᠠᠬᠢᠨ ᠢ ᠬᠠᠮᠤᠷᠤᠭᠰᠠᠨ ᠴᠠᠷᠠ ᠲᠠᠬᠤᠯ ᠤᠨ ᠠᠮᠠᠷ ᠦᠭᠡᠢ ᠴᠠᠬ ᠦᠶᠡ ᠳᠤ ᠮᠣᠩᠭᠣᠯ ᠤᠨ ᠪᠠᠭ ᠲᠠᠮᠢᠷᠴᠢᠳ ᠢᠳᠡᠪᠬᠢᠲᠡᠢ ᠪᠡᠯᠡᠦᠡᠭᠡᠯ ᠰᠤᠷᠭᠠᠭᠤᠯᠢᠯᠲᠠ ᠪᠠᠨ ᠪᠠᠵᠠᠭᠠᠵᠤ᠂ ᠴᠤᠴᠠᠯᠲᠠ ᠦᠭᠡᠶ ᠬᠥᠳᠡᠯᠮᠦᠷᠢᠯᠡᠵᠦ ᠰᠫᠣᠷᠲ ᠤᠨ 10 ᠲᠥᠷᠥᠯ ᠢᠶᠠᠷ 43 ᠲᠠᠮᠢᠷᠴᠢᠨ ᠡᠷᠬᠡ ᠪᠠᠨ ᠠᠪᠤᠨ ᠣᠷᠣᠯᠴᠠᠵᠤ ᠪᠠᠶᠢᠭᠠ ᠶᠢ ᠣᠨᠴᠠᠯᠠᠨ ᠲᠡᠮᠳᠡᠭᠯᠡᠵᠦ ᠪᠠᠶᠢᠨᠡ᠃ ᠮᠠᠨ ᠤ ᠪᠠᠭ ᠲᠠᠮᠢᠷᠴᠢᠳ ᠲᠤᠭᠤᠷᠭᠠ ᠲᠤᠰᠠᠭᠠᠷ ᠮᠣᠩᠭᠤᠯ ᠣᠷᠣᠨ ᠤ ᠪᠠᠨ ᠨᠡᠷᠡ ᠬᠦᠨᠳᠦ ᠶᠢ ᠤᠯᠢᠮᠫᠢᠺ ᠤᠨ ᠲᠠᠪᠴᠠᠩ ᠳᠤ ᠥᠨᠳᠥᠷ ᠲᠤ ᠡᠷᠭᠦᠨᠡ ᠭᠡᠳᠡᠭ ᠲᠤ ᠢᠲᠡᠭᠡᠯ ᠲᠠᠢ ᠪᠠᠶᠢᠨᠡ᠃ ᠳᠡᠯᠡᠬᠡᠢ ᠳ᠋ᠠᠬᠢᠨ ᠬᠦᠰᠡᠨ ᠬᠦᠯᠢᠶᠡᠭᠰᠡᠨ ᠤᠯᠢᠮᠫᠢᠺ ᠤᠨ ᠡᠨᠡ ᠨᠠᠭᠠᠳᠤᠮ ᠳᠤ ︽ ᠬᠤᠷᠳᠤᠨ ᠠᠴᠠ ᠬᠤᠷᠳᠦᠠ᠂ ᠥᠨᠳᠥᠷ ᠠᠴᠠ ᠦᠡᠳᠦᠷ᠂ ᠬᠦᠴᠦᠲᠡᠢ ᠠᠴᠠ ᠬᠦᠴᠦᠲᠡᠢ᠂ ᠬᠠᠮᠲᠤ ᠳᠤ ᠪᠠᠨ︾ ᠤᠷᠢᠶᠠᠨ ᠳ᠋ᠤᠷ ᠨᠢᠭᠡᠳᠴᠦ ᠠᠮᠵᠢᠯᠲᠠ ᠢᠯᠠᠯᠲᠠ ᠪᠠᠷ ᠲᠦᠬᠦᠷᠡᠩ ᠣᠷᠣᠯᠴᠠᠬᠤ ᠶᠢ ᠪᠠᠭ ᠲᠠᠮᠢᠷᠴᠢᠳ ᠲᠠ ᠪᠦᠬᠦᠨ ᠳᠡᠭᠡᠨ ᠬᠦᠰᠡᠨ ᠢᠷᠦᠭᠡᠶᠡ᠃ ᠲᠣᠣᠺᠢᠣ᠋ ᠶᠢᠨ ᠲᠩᠷᠢ ᠳᠤ ᠮᠣᠩᠭᠤᠯ ᠤᠯᠤᠰ ᠤᠨ ᠲᠥᠷᠦ ᠶᠢᠨ ᠳᠠᠯᠪᠠᠭᠠ ᠣᠯᠠᠨᠲᠠ ᠮᠠᠨᠳᠤᠬᠤ ᠪᠤᠯᠲᠦᠭᠠᠢ᠃ ᠮᠣᠩᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠶᠢᠯᠡᠭᠴᠢ ᠤᠬᠤᠨᠠ ᠶᠢᠨ ᠬᠦᠷᠡᠯᠰᠦ᠋ᠬᠡ ᠭᠡᠰᠡᠨ ᠪᠠᠶᠢᠨᠡ᠃