ᠲᠣᠣᠺᠢᠣ᠋ ᠶᠢᠨ ᠤᠯᠢᠮᠫᠢᠺ ᠤᠨ ᠨᠠᠭᠠᠳᠤᠮ ᠤᠨ ᠨᠡᠭᠡᠭᠡᠯᠲᠡ ᠳᠤ ᠮᠣᠩᠭᠤᠯᠴᠤᠳ ᠤᠨ ᠡᠮᠦᠰᠦᠭᠰᠡᠨ ᠬᠤᠪᠴᠠᠰᠤ ᠭᠠᠳᠠᠭᠠᠳᠤ ᠶᠢᠨ ᠬᠢᠨ ᠤ ᠠᠩᠬᠠᠷᠤᠯ ᠢ ᠶᠡᠬᠡᠬᠡᠨ ᠲᠠᠲᠠᠵᠤ ᠪᠠᠶᠢᠨᠡ᠃ ᠮᠣᠩᠭᠣᠯ ᠤᠨ ᠲᠠᠮᠢᠷᠴᠢᠳ ᠮᠢᠰᠢᠶᠡᠯ ᠠᠮᠠᠽᠤᠨᠺᠠ ᠪᠷᠧᠨ᠋ᠳ᠋ ᠤᠨ ᠤᠷᠠᠯᠠᠭᠰᠠᠨ ᠶᠣᠰᠣᠯᠠᠯ ᠤᠨ ᠬᠤᠪᠴᠠᠰᠤ ᠪᠠᠷ ᠭᠤᠶᠣᠭᠰᠠᠨ᠃ ᠲᠡᠳᠡᠨ ᠦ ᠬᠤᠪᠴᠠᠰᠤ ᠶᠢ ᠬᠠᠷᠠᠭᠰᠠᠨ ᠶᠠᠫᠤᠨᠴᠤᠳ᠄ ᠮᠣᠩᠭᠣᠯ ᠤᠨ ᠲᠠᠮᠢᠷᠴᠢᠳ ᠤᠨ ᠬᠤᠪᠴᠠᠰᠤ ᠬᠠᠮᠤᠬ ᠤᠨ ᠵᠠᠭᠪᠤᠷ ᠰᠠᠶᠢᠲᠠᠶ᠂ ᠦᠨᠡᠬᠡᠷ ᠭᠤᠶᠣ᠂ ᠬᠡᠯᠪᠡᠷᠢ ᠬᠢᠴᠡ᠂ ᠬᠡ ᠬᠤᠸᠡᠷ ᠨᠢ ᠶᠡᠮᠡᠷ ᠲᠠᠩᠰᠤᠭ ᠶᠤᠮ ᠪᠤᠢ ᠭᠡᠵᠡᠢ᠃
ᠮᠣᠩᠭᠤᠯ ᠤᠯᠤᠰ ᠤᠨ ᠰᠢᠭᠰᠢᠭᠡ ᠪᠠᠭ ᠲᠤ ᠵᠣᠷᠢᠭᠤᠯᠤᠨ ᠪᠦᠲᠦᠭᠡᠭᠰᠡᠨ ᠫᠠᠷᠠᠳ᠋ ᠬᠤᠪᠴᠠᠰᠤᠨ ᠤ ᠡᠳ᠋ ᠰᠢᠷᠬᠡᠭ ᠪᠦᠷᠢ ᠤᠳᠬᠠ ᠤᠴᠢᠷ ᠲᠠᠢ᠃ ᠡᠩᠭᠡᠷ ᠳᠡᠭᠡᠷᠡᠬᠢ ᠠᠯᠲᠠᠯᠢᠭ ᠬᠡ ᠨᠢ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠬᠡᠶᠢᠮᠣᠷᠢ ᠯᠤᠨᠳᠠᠭᠠ᠂ ᠴᠤᠭ ᠵᠢᠪᠬᠤᠯᠠᠩ ᠡᠷᠴᠢ ᠬᠦᠴᠦᠨ ᠤ ᠢᠯᠡᠷᠬᠡᠶᠢᠯᠡᠯ ᠪᠣᠯᠭᠠᠵᠤ ᠰᠢᠪᠬᠠᠭᠳᠠᠰᠢ ᠦᠭᠡᠢ ᠬᠤᠷᠳᠤ ᠬᠦᠴᠦ᠂ ᠲᠡᠰᠪᠦᠷᠢ ᠲᠡᠪᠴᠢᠶᠡᠷᠢ ᠶᠢᠨ ᠪᠡᠯᠭᠡᠳᠡᠯ ᠪᠣᠯᠣᠭᠰᠠᠨ ᠳᠠᠪᠬᠢᠵᠤ ᠪᠤᠶ ᠮᠣᠷᠢ ᠶᠢ ᠴᠠᠩ ᠬᠦᠦᠷᠭᠡ ᠲᠠᠲᠠᠭᠤᠯᠤᠭᠰᠠᠨ ᠪᠠᠶᠢᠳᠠᠯ ᠲᠠᠢ ᠪᠠᠷ ᠳᠦᠷᠰᠦᠯᠡᠨ᠂ ᠦᠨᠳᠦᠰᠦᠨ ᠤ ᠡᠭᠦᠯᠡᠨ ᠬᠡ ᠤᠭᠠᠯᠵᠠᠨ ᠤ ᠬᠡᠪ ᠮᠠᠶ᠋ᠢᠭ ᠢᠶᠠᠷ ᠠᠪᠰᠲᠷᠠᠻᠲ ᠳᠦᠷᠰᠦᠯᠡᠯ ᠢᠶᠠᠷ ᠪᠦᠲᠦᠭᠡᠵᠡᠢ᠃ ᠡᠭᠦᠯᠡᠨ ᠬᠡ ᠨᠢ ᠤᠳᠬᠠ ᠠᠭᠤᠯᠭᠠ ᠪᠠᠷ ᠢᠶᠠᠨ ᠳᠡᠭᠡᠷᠡ ᠠᠴᠠ ᠲᠡᠳᠬᠦᠬᠦ ᠬᠤᠷᠮᠤᠰᠲᠠ ᠲᠡᠭᠷᠢ ᠶᠢᠨ ᠬᠤᠷᠠ ᠶᠢᠨ ᠰᠢᠮᠡ ᠪᠠᠷ ᠪᠠᠶᠢᠭᠠᠯᠢ ᠳᠡᠯᠡᠬᠡᠢ ᠰᠡᠷᠭᠦᠨ᠂ ᠬᠦᠮᠦᠨ ᠪᠦᠷᠢ ᠵᠣᠯ ᠵᠢᠷᠭᠠᠯ ᠲᠠᠢ ᠠᠵᠤ ᠲᠥᠷᠦᠬᠦ ᠵᠣᠯ ᠵᠢᠷᠭᠠᠯ ᠤᠨ ᠬᠡ ᠭᠡᠵᠦ ᠪᠡᠯᠭᠡᠳᠡᠳᠡᠭ᠃
