ᠮᠣᠩᠭᠣᠯ ᠤᠯᠤᠰ ᠤᠨ ᠭᠠᠳᠠᠭᠠᠳᠤ ᠬᠠᠷᠢᠯᠴᠠᠭᠠᠨ ᠤ ᠰᠠᠶᠢᠳ ᠪ∙ᠪᠠᠲᠤᠴᠡᠴᠡᠭ ᠦᠨ ᠣᠷᠣᠰ ᠤᠨ ᠭᠠᠳᠠᠭᠠᠳᠤ ᠬᠡᠷᠡᠭ ᠦᠨ ᠰᠠᠶᠢᠳ ᠰ∙ᠸ∙ᠯᠠᠪᠠᠷᠤᠸ᠋ ᠤᠨ ᠤᠷᠢᠯᠭᠠ ᠪᠠᠷ ᠣᠷᠣᠰ ᠲᠤ ᠬᠢᠬᠦ ᠠᠶᠢᠯᠴᠢᠯᠠᠯ 5 ᠳ᠋ᠤᠭᠠᠷ ᠰᠠᠷᠠ ᠶᠢᠨ 30 ᠡᠳᠦᠷ ᠡᠬᠢᠯᠡᠯᠡ᠃ ᠪ∙ᠪᠠᠲᠤᠴᠡᠴᠡᠭ ᠲᠡᠷᠢᠭᠦᠲᠡᠢ ᠲᠥᠯᠥᠭᠡᠯᠡᠭᠴᠢᠳ ᠢ ᠮᠣᠩᠭᠣᠯ᠂ ᠣᠷᠣᠰ ᠤᠨ ᠠᠯᠲᠠᠨᠪᠤᠯᠠᠭ-ᠬᠢᠶᠠᠭᠲᠤ ᠪᠣᠭᠣᠮᠲᠠ ᠪᠠᠷ ᠬᠢᠯᠢ ᠨᠡᠪᠲᠡᠷᠡᠬᠦ ᠳᠦ ᠣᠷᠣᠰ ᠤᠨ ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠪᠤᠷᠢᠶᠠᠳ ᠤᠯᠤᠰ ᠤᠨ ᠰᠤᠶᠤᠯ ᠤᠨ ᠰᠠᠶᠢᠳ ᠰ∙ᠪ∙ ᠳ᠋ᠠᠭᠠᠶ᠋ᠸᠸᠠ᠂ ᠮᠣᠩᠭᠣᠯ ᠤᠯᠤᠰ ᠲᠠᠢ ᠬᠠᠮᠲᠤᠷᠠᠨ ᠠᠵᠢᠯᠯᠠᠬᠤ ᠠᠰᠠᠭᠤᠳᠠᠯ ᠬᠠᠷᠢᠭᠤᠴᠠᠭᠰᠠᠨ ᠰᠠᠶᠢᠳ ᠳ∙ᠱ∙ᠴᠢᠷᠢᠫᠣᠪ ᠨᠠᠷ ᠤᠭᠲᠤᠨ ᠠᠪᠴᠤ᠂ ᠣᠷᠣᠰ ᠵᠠᠩᠰᠢᠯ ᠢᠶᠠᠷ ᠬᠦᠨᠳᠦᠳᠬᠡᠯ ᠦᠵᠡᠭᠦᠯᠪᠡ᠃
ᠪ∙ᠪᠠᠲᠤᠴᠡᠴᠡᠭ ᠲᠡᠷᠢᠭᠦᠲᠡᠢ ᠲᠥᠯᠥᠭᠡᠯᠡᠭᠴᠢᠳ ᠬᠢᠶᠠᠭᠲᠤ ᠪᠣᠭᠣᠮᠲᠠ ᠳᠡᠭᠡᠷᠡ ᠶᠠᠪᠤᠭᠳᠠᠵᠤ ᠪᠤᠢ ᠥᠷᠭᠡᠳᠬᠡᠯ ᠰᠢᠨᠡᠴᠢᠯᠡᠯ ᠦᠨ ᠠᠵᠢᠯ ᠤᠨ ᠶᠠᠪᠤᠴᠠ ᠲᠠᠢ ᠲᠠᠨᠢᠯᠴᠠᠭᠰᠠᠨ ᠤ ᠳᠠᠷᠠᠭᠠ ᠪᠠᠷ ᠬᠢᠶᠠᠭᠲᠤ ᠬᠣᠲᠠ ᠳᠠᠬᠢ 《ᠮᠣᠩᠭᠣᠯ-ᠣᠷᠣᠰ ᠤᠨ ᠨᠠᠶᠢᠷᠠᠮᠳᠠᠯ ᠤᠨ ᠮᠦᠽᠧᠢ》ᠪᠣᠯᠤᠨ《ᠳ∙ᠰᠦᠬᠡᠪᠠᠭᠠᠲᠤᠷ ᠤᠨ ᠨᠢᠭᠤᠴᠠ ᠪᠠᠶᠢᠷᠢ ᠪᠣᠯᠬᠤ ᠭᠡᠷ ᠮᠦᠽᠧᠢ》ᠲᠡᠢ ᠲᠠᠨᠢᠯᠴᠠᠨ᠂ ᠵᠠᠩᠵᠤᠨ ᠳ∙ᠰᠦᠬᠡᠪᠠᠭᠠᠲᠤᠷ ᠤᠨ ᠬᠦᠰᠢᠶᠡᠨ ᠳᠦ ᠴᠡᠴᠡᠭ ᠡᠷᠭᠦᠪᠡ᠃
ᠪ∙ᠪᠠᠲᠤᠴᠡᠴᠡᠭ ᠠᠶᠢᠯᠴᠢᠯᠠᠯ ᠬᠢᠬᠦ ᠶᠢᠨ ᠵᠡᠷᠭᠡᠴᠡᠭᠡ ᠫᠸᠲᠸᠷᠪᠦ᠋ᠷᠡᠭ ᠦᠨ ᠣᠯᠠᠨ ᠤᠯᠤᠰ ᠤᠨ ᠡᠳ᠋ ᠦᠨ ᠵᠠᠰᠠᠭ ᠤᠨ ᠴᠢᠭᠤᠯᠭᠠ ᠠᠭᠤᠯᠵᠠᠯᠲᠠ ᠳᠤ ᠣᠷᠣᠯᠴᠠᠨᠠ᠃