ᠤᠯᠤᠰ ᠤᠨ ᠬᠡᠮᠵᠢᠶᠡᠨ ᠳ᠋ᠥ 197 ᠮᠢᠩᠭᠠᠨ ᠭᠠ ᠳ᠋ᠥ ᠦᠷᠡ ᠲᠠᠷᠢᠶᠠ ᠂ ᠡᠭᠦᠨ ᠡᠴᠡ 191 ᠮᠢᠩᠭᠠᠨ ᠭᠠ ᠳ᠋ᠥ ᠤᠯᠠᠭᠠᠨ ᠪᠤᠭᠤᠳᠠᠢ ᠂ 7.2 ᠮᠢᠩᠭᠠᠨ ᠭᠠ ᠳ᠋ᠥ ᠲᠥᠮᠥᠰᠥ ᠂ 1.8 ᠮᠢᠩᠭᠠᠨ ᠭᠠ ᠳ᠋ᠥ ᠬᠦᠨᠡᠰᠦᠨ ᠤ ᠨᠣᠭᠣᠭᠠ ᠂ 2.2 ᠮᠢᠩᠭᠠᠨ ᠭᠠ ᠳ᠋ᠥ ᠮᠠᠯ ᠤᠨ ᠲᠡᠵᠢᠭᠡᠯ ᠂ 5.7 ᠮᠢᠩᠭᠠᠨ ᠭᠠ ᠳ᠋ᠥ ᠲᠣᠰᠣᠨ ᠤ ᠤᠷᠭᠤᠮᠠᠯ ᠂ ᠨᠡᠶᠢᠲᠡ ᠳ᠋ᠦ ᠪᠡᠨ 216 ᠮᠢᠩᠭᠠᠨ ᠭᠠ ᠳ᠋ᠥ ᠲᠠᠷᠢᠶᠠᠯᠠᠯᠲᠠ ᠬᠢᠨᠡ᠃ ᠤᠳᠤ ᠪᠠᠷ ᠦᠷᠡ ᠲᠠᠷᠢᠶᠠᠨ ᠤ ᠲᠠᠷᠢᠶᠠᠯᠠᠯᠲᠠ 50.8 ᠬᠤᠪᠢ ᠲᠠᠢ ᠂ ᠡᠭᠦᠨ ᠡᠴᠡ ᠤᠯᠠᠭᠠᠨ ᠪᠤᠭᠤᠳᠠᠢ ᠶ᠋ᠢᠨ ᠲᠠᠷᠢᠶᠠᠯᠠᠯᠲᠠ 52 ᠬᠤᠪᠢ ᠂ ᠲᠥᠮᠥᠰᠥ 40 ᠬᠤᠪᠢ ᠂ ᠬᠦᠨᠡᠰᠦᠨ ᠤ ᠨᠣᠭᠣᠭᠠ 23 ᠬᠤᠪᠢ ᠂ ᠮᠠᠯ ᠤᠨ ᠲᠡᠵᠢᠭᠡᠯ 2.3 ᠬᠤᠪᠢ ᠂ ᠲᠣᠰᠣᠨ ᠤ ᠤᠷᠭᠤᠮᠠᠯ 14 ᠬᠤᠪᠢ ᠲᠠᠢ ᠪᠠᠶᠢᠨᠠ ᠃
︽ᠬᠦᠨᠡᠰᠦᠨ ᠤ ᠨᠣᠭᠣᠭᠠ ︾ᠦᠨᠳᠦᠰᠦᠨ ᠤ ᠬᠥᠲᠥᠯᠪᠦᠷᠢ ᠶ᠋ᠢᠨ ᠬᠦᠷᠢᠶᠡᠨ ᠳ᠋ᠥ ︽ᠡᠷᠦᠬᠡ ᠶ᠋ᠢᠨ ᠲᠠᠷᠢᠶᠠᠯᠠᠩ ︾ᠬᠥᠳᠡᠯᠭᠡᠭᠡᠨ ᠥᠷᠨᠢᠭᠦᠯᠵᠦ ᠲᠠᠷᠢᠶᠠᠯᠠᠬᠤ ᠲᠠᠯᠠᠪᠠᠢ ᠂ ᠬᠤᠷᠢᠶᠠᠨ ᠠᠪᠬᠤ ᠤᠷᠭᠤᠴᠠ ᠶ᠋ᠢᠨ ᠬᠡᠮᠵᠢᠶᠡ ᠶ᠋ᠢ ᠨᠡᠮᠡᠭᠳᠡᠭᠦᠯᠦᠨ ᠂ ᠬᠠᠩᠭᠠᠮᠵᠢ ᠶ᠋ᠢ ᠲᠣᠭᠲᠠᠪᠤᠷᠢᠵᠢᠭᠤᠯᠬᠤ ᠵᠣᠷᠢᠯᠭᠠ ᠪᠡᠷ ᠤᠯᠤᠰ ᠤᠨ ᠲᠥᠰᠥᠪ ᠤᠨ 1.89 ᠲᠡᠷᠪᠤᠮ ᠲᠥᠭᠥᠷᠢᠭ ᠤᠨ ᠬᠥᠷᠥᠩᠭᠡ ᠪᠡᠷ 10 ᠨᠡᠷᠡ ᠲᠥᠷᠥᠯ ᠤᠨ 176 ᠲᠣᠨ ᠢᠯᠡ ᠲᠠᠯᠠᠪᠠᠢ ᠪᠣᠯᠣᠨ ᠬᠦᠯᠡᠮᠵᠢ ᠶ᠋ᠢᠨ ᠨᠣᠭᠣᠭᠠᠨ ᠤ ᠦᠷᠡ ᠬᠤᠳᠠᠯᠳᠤᠨ ᠠᠪᠴᠤ ᠂ ᠨᠣᠭᠣᠭᠠᠨ ᠤ ᠦᠷᠡ ᠶ᠋ᠢᠨ ᠦᠨᠡ ᠶ᠋ᠢ 80 ᠬᠤᠪᠢ ᠪᠡᠷ ᠬᠥᠩᠭᠡᠯᠡᠵᠦ ᠲᠠᠷᠢᠶᠠᠯᠠᠩ ᠪᠦᠬᠦᠢ ᠢᠷᠭᠡᠨ ᠂ ᠠᠵᠤ ᠠᠬᠤᠢ ᠶ᠋ᠢᠨ ᠨᠢᠭᠡᠴᠢ ᠳ᠋ᠥ ᠣᠯᠭᠣᠭᠰᠠᠨ ᠶᠤᠮ᠃