ᠡᠸᠦ᠋ᠷᠦᠫᠡ ᠶ᠋ᠢᠨ ᠠᠶᠤᠯᠭᠦᠢ ᠪᠠᠶᠢᠳᠠᠯ ᠂ ᠬᠠᠮᠲᠤ ᠶ᠋ᠢᠨ ᠠᠵᠢᠯᠯᠠᠭᠠᠨ ᠤ ᠪᠠᠢᠭᠤᠯᠤᠯᠭᠠ ᠶᠢᠨ ᠠᠷᠠᠳᠴᠢᠯᠠᠭᠰᠠᠨ ᠢᠨᠰᠲ᠋ᠢᠲ᠋ᠤᠲ ᠂ ᠬᠥᠮᠥᠨ ᠤ ᠡᠷᠬᠡ ᠶ᠋ᠢᠨ ᠭᠠᠵᠠᠷ ᠡᠴᠠ ᠰᠣᠩᠭᠣᠭᠤᠯᠢ ᠠᠵᠢᠭᠯᠠᠬᠤ ᠲᠤᠰᠬᠠᠢ ᠬᠣᠷᠢᠶᠠ ᠶ᠋ᠢ ᠲᠠᠪᠤᠳᠤᠭᠠᠷ ᠰᠠᠷᠠ ᠶ᠋ᠢᠨ 25 ᠳ᠋ᠥ ᠪᠠᠶᠢᠭᠤᠯᠤᠭᠰᠠᠨ ᠃ ᠬᠣᠷᠢᠶᠠᠨ ᠤ ᠪᠦᠷᠢᠯᠳᠦᠬᠦᠨ ᠳ᠋ᠦ ᠰᠣᠩᠭᠣᠭᠤᠯᠢ ᠠᠵᠢᠭᠯᠠᠬᠤ ᠬᠣᠷᠢᠶᠠᠨ ᠤ ᠳᠡᠳ᠋ ᠲᠡᠷᠢᠭᠦᠨ ᠵᠢᠯᠯ ᠰᠠᠹᠢ ᠂ ᠰᠣᠩᠭᠣᠭᠤᠯᠢ ᠶ᠋ᠢᠨ ᠰᠢᠨᠵᠢᠭᠡᠴᠢ ᠮᠠᠷᠼᠸᠯᠠ ᠮᠠᠰᠺᠤᠸᠠ ᠂ ᠬᠠᠤᠯᠢ ᠶ᠋ᠢᠨ ᠰᠢᠨᠵᠢᠭᠡᠴᠢ ᠷᠸᠨᠠᠲ᠋ᠠ ᠲᠠᠷᠳᠢᠤᠯᠢ ᠂ ᠤᠯᠤᠰ ᠲᠥᠷᠥ ᠶ᠋ᠢᠨ ᠰᠢᠨᠵᠢᠭᠡᠴᠢ ᠮᠠᠤᠷᠤ᠋ ᠺᠠᠯᠪᠤ ᠂ ᠬᠡᠪᠯᠡᠯ ᠮᠡᠳᠡᠭᠡᠯᠡᠯ ᠤᠨ ᠰᠢᠨᠵᠢᠭᠡᠴᠢ ᠫᠸᠲᠷᠤ᠋ ᠲᠸᠰᠹᠠᠮᠠᠷᠢᠶᠠᠮ᠂ ᠰᠣᠩᠭᠣᠭᠤᠯᠢ ᠶ᠋ᠢᠨ ᠵᠥᠪᠯᠡᠬᠦ ᠺᠸᠷᠠ ᠺᠠᠰᠲ᠋ᠠᠯᠳᠤ᠋ ᠨᠠᠷ ᠪᠠᠭᠲᠠᠵᠠᠢ ᠃ ᠡᠳᠡᠭᠡᠷ ᠰᠢᠨᠵᠢᠭᠡᠴᠢᠳ ᠨᠢ ᠯᠠᠲ᠋ᠸᠢᠶᠠ ᠂ ᠹᠷᠠᠨᠼᠢ ᠂ ᠢᠲ᠋ᠠᠯᠢ ᠂ ᠴᠧᠬᠤ᠋ ᠂ ᠢᠰᠫᠠᠨᠢ ᠂ ᠠᠮᠧᠷᠢᠺᠠ ᠡᠴᠠ ᠢᠷᠠᠵᠤ ᠠᠵᠢᠯᠯᠠᠵᠤ ᠪᠠᠶᠢᠭᠠ ᠶᠤᠮ ᠃
ᠲᠤᠰᠬᠠᠢ ᠬᠣᠷᠢᠶᠠ ᠨᠢ ᠶᠡᠷᠦᠩᠬᠡᠶᠢᠯᠡᠭᠴᠢ ᠶ᠋ᠢᠨ ᠰᠣᠩᠭᠣᠭᠤᠯᠢ ᠶ᠋ᠢ ᠠᠵᠢᠭᠯᠠᠬᠤ ᠳ᠋ᠤ ᠪᠠᠨ ᠡᠸᠦ᠋ᠷᠦᠫᠡ ᠶᠢᠨ ᠠᠶᠤᠯᠭᠦᠢ ᠪᠠᠢᠳᠠᠯ ᠤᠨ ᠬᠠᠮᠲᠤ ᠶᠢᠨ ᠠᠵᠢᠯᠯᠠᠭᠠᠨ ᠤ ᠪᠠᠢᠭᠤᠯᠤᠯᠭᠠ ᠶ᠋ᠢᠨ ᠭᠡᠰᠢᠭᠦᠨ ᠣᠷᠣᠨ ᠨᠣᠭᠣᠳ ᠤᠨ ᠬᠦᠯᠢᠶᠡᠭᠰᠡᠨ ᠡᠭᠦᠷᠭᠡ ᠠᠮᠠᠯᠠᠯᠲᠠ ᠂ ᠠᠷᠠᠳᠴᠢᠯᠠᠭᠰᠠᠨ ᠰᠣᠩᠭᠣᠭᠤᠯᠢ ᠲᠠᠢ ᠬᠤᠯᠪᠤᠭᠠ ᠲᠠᠢ ᠣᠯᠠᠨ ᠤᠯᠤᠰ ᠤᠨ ᠬᠡᠮ ᠬᠡᠮᠵᠢᠶᠡ ᠂ ᠦᠨᠳᠦᠰᠦᠨ ᠤ ᠬᠠᠤᠯᠢ ᠲᠣᠭᠲᠠᠭᠠᠮᠵᠢ ᠲᠠᠢ ᠬᠡᠷᠬᠢᠨ ᠨᠡᠶᠢᠴᠡᠵᠦ ᠪᠤᠢ ᠡᠰᠡᠬᠦ ᠶ᠋ᠢ ᠠᠵᠢᠭᠯᠠᠨ ᠦᠨᠡᠯᠡᠯᠲᠡ ᠳ᠋ᠦᠩᠨᠡᠯᠲᠡ ᠥᠭᠴᠦ ᠂ ᠵᠥᠪᠯᠡᠮᠵᠢ ᠭᠠᠷᠭᠠᠨ ᠂ ᠠᠵᠢᠭᠯᠠᠯᠲᠠ ᠶ᠋ᠢᠨ ᠲᠠᠶᠢᠯᠤᠨ ᠢᠶᠡᠨ ᠣᠯᠠᠨ ᠤᠯᠤᠰ ᠲᠤ ᠨᠡᠭᠡᠭᠡᠯᠲᠡ ᠲᠠᠢ ᠲᠠᠨᠢᠯᠴᠠᠭᠤᠯᠤᠨᠠ ᠃
ᠰᠣᠩᠭᠣᠭᠤᠯᠢ ᠶ᠋ᠢᠨ ᠶᠡᠷᠦᠩᠬᠡᠢ ᠬᠣᠷᠢᠶᠠᠨ ᠤ ᠳᠠᠷᠤᠭᠠ ᠫ᠊ · ᠳᠡᠯᠭᠡᠷᠨᠠᠷᠠᠨ ᠥᠴᠥᠭᠡᠳᠦᠷ ᠲᠡᠳᠡᠨ ᠲᠠᠢ ᠴᠠᠬᠢᠮ ᠠᠭᠤᠯᠵᠠᠯᠲᠠ ᠬᠢᠵᠡᠢ ᠃
