ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠴᠢᠭᠤᠯᠭᠠᠨ ᠤ ᠬᠤᠷᠠᠯᠳᠤᠭᠠᠨ ᠢᠶᠠᠷ︽ᠤᠭ᠍ᠶᠤᠲᠤᠯᠤᠭᠠᠢ ᠣᠷᠳᠣ ᠶ᠋ᠢᠨ ᠠᠰᠢᠭᠯᠠᠯᠲᠠ ᠳᠦ ᠮᠣᠩᠭᠣᠯ ᠤᠯᠤᠰ ᠤᠨ ᠡᠷᠬᠡ ᠠᠰᠢᠭ ᠢ ᠬᠠᠩᠭᠠᠭᠤᠯᠬᠤ ᠲᠤᠬᠠᠢ︾ 92 ᠳ᠋ᠤᠭᠠᠷ ᠲᠣᠭᠲᠠᠭᠠᠯ ᠤᠨ ᠬᠡᠷᠡᠭᠵᠢᠯᠲᠡ ᠶ᠋ᠢᠨ ᠲᠠᠯᠠ ᠪᠡᠷ ᠲᠠᠯᠪᠢᠭᠰᠠᠨ ᠠᠰᠠᠭᠤᠯᠭᠠ ᠶ᠋ᠢᠨ ᠬᠠᠷᠢᠭᠤ ᠶ᠋ᠢ ᠰᠣᠨᠣᠰᠴᠤ ᠪᠠᠶᠢᠨᠠ ᠃
︽ᠤᠭ᠍ᠶᠤᠲᠤᠯᠤᠭᠠᠢ︾ᠺᠣᠮᠫᠠᠨᠢ 2013 ᠣᠨ ᠡᠴᠠ ᠬᠣᠶᠢᠰᠢ ᠣᠯᠪᠤᠷᠢᠯᠠᠯᠲᠠ ᠶᠠᠪᠤᠭᠤᠯᠵᠤ ᠡᠬᠢᠯᠡᠭᠰᠡᠨ ᠃ ᠡᠭᠦᠨ ᠡᠴᠡ ᠬᠣᠶᠢᠰᠢ 2019 ᠣᠨ ᠬᠦᠷᠲᠡᠯᠡ ᠣᠯᠪᠤᠷᠢᠯᠠᠭᠰᠠᠨ ᠠᠰᠢᠭᠲᠤ ᠮᠠᠯᠲᠠᠮᠠᠯ ᠢ ᠨᠢ ︽ᠡᠷᠳᠡᠨᠢᠲᠦ ︾ ᠦᠢᠯᠡᠳᠪᠦᠷᠢ ᠶ᠋ᠢᠨ ᠬᠢ ᠲᠠᠢ ᠬᠠᠷᠢᠴᠠᠭᠤᠯᠵᠤ ᠦᠵᠡᠭᠰᠡᠨ ᠃ ︽ᠡᠷᠳᠡᠨᠢᠲᠦ ︾ ᠦᠢᠯᠡᠳᠪᠦᠷᠢ ᠡᠨᠡ ᠬᠤᠭᠤᠴᠠᠭᠠᠨ ᠳᠦ ᠳᠥᠷᠪᠡᠨ ᠰᠠᠶᠠ 531.8 ᠮᠢᠩᠭᠠᠨ ᠲᠣᠨ ᠪᠠᠶᠠᠵᠢᠮᠠᠯ ᠣᠯᠪᠤᠷᠢᠯᠠᠭᠰᠠᠨ ᠃ ᠡᠭᠦᠨ ᠡᠴᠡ ᠵᠡᠰ ᠨᠢᠭᠡ ᠰᠠᠶᠠ 36.4 ᠮᠢᠩᠭᠠᠨ ᠲᠣᠨ ᠂ ᠮᠥᠩᠭᠥ 347.6 ᠮᠢᠩᠭᠠᠨ ᠲᠣᠨ ᠂ ᠮᠤᠯᠢᠪᠳ᠋ᠸᠨ 20.1 ᠮᠢᠩᠭᠠᠨ ᠲᠣᠨ ᠢ ᠣᠯᠪᠤᠷᠢᠯᠠᠭᠰᠠᠨ ᠪᠠᠶᠢᠨᠠ ᠃ ︽ᠤᠭ᠍ᠶᠤᠲᠤᠯᠤᠭᠠᠢ︾ ᠺᠣᠮᠫᠠᠨᠢ ᠲᠠᠪᠤᠨ ᠰᠠᠶᠠ 305.4 ᠮᠢᠩᠭᠠᠨ ᠲᠣᠨ ᠪᠠᠶᠠᠵᠢᠮᠠᠯ ᠣᠯᠪᠤᠷᠢᠯᠠᠭᠰᠠᠨ ᠃ ᠡᠭᠦᠨ ᠤ 1242.5 ᠮᠢᠩᠭᠠᠨ ᠲᠣᠨ ᠨᠢ ᠵᠡᠰ ᠂ 77.1 ᠲᠣᠨ ᠨᠢ ᠠᠯᠲᠠ ᠂ 239.1 ᠲᠣᠨ ᠨᠢ ᠮᠥᠩᠭᠥ ᠪᠠᠢᠨᠠ ᠃