ᠮᠣᠩᠭᠣᠯ ᠠᠷᠠᠳ ᠤᠨ ᠨᠠᠮ ᠲᠠᠢ ᠨᠢᠭᠡᠳᠬᠦ ᠪᠡᠷ ᠪᠣᠯᠵᠤ ᠭᠡᠷᠡ ᠪᠠᠢᠭᠤᠯᠤᠭᠰᠠᠨ ᠮᠣᠩᠭᠣᠯ ᠠᠷᠠᠳ ᠤᠨ ᠬᠤᠪᠢᠰᠬᠠᠯᠲᠤ ᠨᠠᠮ ᠡᠴᠠ ᠮᠡᠳᠡᠭᠡᠯᠡᠯ ᠬᠢᠯᠡ ᠃ ᠲᠤᠰ ᠨᠠᠮ ᠥᠴᠥᠭᠡᠳᠦᠷ ᠪᠠᠭᠠ ᠴᠢᠭᠤᠯᠭᠠᠨ ᠢᠶᠡᠨ ᠬᠤᠷᠠᠯᠳᠤᠭᠤᠯᠵᠤ ᠂ ᠶᠡᠷᠦᠩᠬᠡᠶᠢᠯᠡᠭᠴᠢ ᠶ᠋ᠢᠨ ᠰᠣᠩᠭᠣᠭᠤᠯᠢ ᠳᠤ ᠨᠡᠷᠡ ᠳᠡᠪᠰᠢᠭᠴᠢ ᠮᠣᠩᠭᠣᠯ ᠠᠷᠠᠳ ᠤᠨ ᠨᠠᠮ ᠤᠨ ᠳᠠᠷᠤᠭᠠ ᠤ᠊ · ᠬᠦᠷᠡᠯᠰᠦ᠋ᠬᠡ ᠶ᠋ᠢ ᠳᠡᠮᠵᠢᠵᠦ ᠠᠵᠢᠯᠯᠠᠬᠤ ᠰᠢᠢᠳᠪᠦᠷᠢ ᠭᠠᠷᠭᠠᠵᠠᠢ ᠃ ᠮᠥᠨ ᠨᠠᠮ ᠤᠨ ᠢᠶᠡᠨ ᠡᠭᠡᠯᠵᠢᠲᠦ ᠪᠤᠰᠤ ᠶᠡᠬᠡ ᠴᠢᠭᠤᠯᠭᠠᠨ ᠢ ᠡᠨᠡ ᠰᠠᠷᠠ ᠶ᠋ᠢᠨ 16 ᠳ᠋ᠥ ᠬᠤᠷᠠᠯᠳᠤᠭᠤᠯᠬᠤ ᠪᠠᠷ ᠪᠣᠯᠣᠭᠰᠠᠨ ᠪᠠᠶᠢᠨᠠ ᠃ ᠶᠡᠬᠡ ᠴᠢᠭᠤᠯᠭᠠᠨ ᠢᠶᠠᠷ ᠢᠶᠡᠨ ᠮᠣᠩᠭᠣᠯ ᠠᠷᠠᠳ ᠤᠨ ᠨᠠᠮ ᠲᠠᠢ ᠨᠢᠭᠡᠳᠬᠦ ᠰᠢᠢᠳᠪᠦᠷᠢ ᠪᠡᠨ ᠪᠠᠲᠤᠯᠠᠭᠠᠵᠢᠭᠤᠯᠬᠤ ᠶᠤᠮ ᠪᠠᠶᠢᠨᠠ ᠃
ᠮᠡᠳᠡᠭᠡᠯᠡᠯ ᠤᠨ ᠦᠶᠡ ᠪᠡᠷ ᠮᠣᠩᠭᠣᠯ ᠠᠷᠠᠳ ᠤᠨ ᠬᠤᠪᠢᠰᠬᠠᠯᠲᠤ ᠨᠠᠮ ᠤᠨ ᠳᠠᠷᠤᠭᠠ ᠨ᠊ · ᠡᠩᠬᠡᠪᠠᠶᠠᠷ ᠰᠡᠳᠬᠦᠯᠴᠢᠳ ᠦᠨ ᠠᠰᠠᠭᠤᠯᠲᠠ ᠳᠤ ᠬᠠᠷᠢᠭᠤᠯᠬᠤ ᠳ᠋ᠤ ᠪᠠᠨ᠄ ᠮᠣᠩᠭᠣᠯ ᠠᠷᠠᠳ ᠤᠨ ᠨᠠᠮ ᠤᠨ ᠤᠳᠤᠷᠢᠳᠬᠤ ᠵᠥᠪᠯᠡᠯ ᠳ᠋ᠥ ᠮᠠᠨ ᠤ ᠨᠠᠮ ᠡᠴᠠ ᠨᠠᠢᠮᠠ ᠂ ᠪᠠᠭᠠ ᠬᠤᠷᠠᠯ ᠳᠦ 110 ᠬᠥᠮᠥᠨ ᠣᠷᠣᠬᠤ ᠪᠡᠷ ᠲᠣᠬᠢᠷᠠᠯᠴᠠᠭᠰᠠᠨ ᠃ ᠮᠥᠨ ᠠᠶᠢᠮᠠᠭ ᠂ ᠨᠡᠶᠢᠰᠯᠡᠯ ᠦᠨ ᠲᠡᠷᠢᠭᠦᠯᠡᠭᠴᠢᠳ ᠲᠦ ᠵᠢᠷᠭᠤᠭᠠ ᠂ ᠳᠡᠭᠦᠷᠭᠡ ᠂ ᠰᠤᠮᠤ ᠶ᠋ᠢᠨ ᠨᠠᠮ ᠤᠨ ᠲᠡᠷᠢᠭᠦᠯᠡᠭᠴᠢᠳ ᠲᠦ ᠳᠥᠷᠪᠡᠨ ᠬᠥᠮᠥᠨ ᠮᠠᠨ ᠤ ᠨᠠᠮ ᠡᠴᠠ ᠣᠷᠣᠵᠤ ᠠᠵᠢᠯᠯᠠᠨᠠ ᠃ ᠡᠨᠡ ᠮᠡᠲᠦ ᠪᠡᠷ ᠨᠠᠮ ᠤᠨ ᠢᠶᠡᠨ ᠪᠦᠲᠦᠴᠡ ᠪᠦᠷᠢᠯᠳᠦᠬᠦᠨ ᠢ ᠶᠠᠮᠠᠷ ᠪᠠᠶᠢᠯᠭᠠᠬᠤ ᠲᠠᠯᠠ ᠪᠡᠷ ᠲᠣᠬᠢᠷᠠᠯᠴᠠᠭᠰᠠᠨ ᠃ ᠭᠡᠬᠦ ᠳ᠋ᠦ ᠪᠡᠨ ᠵᠥᠪᠬᠡᠨ ᠲᠣᠭᠠ ᠯᠡ ᠲᠣᠬᠢᠷᠠᠭᠰᠠᠨ ᠃ ᠲᠡᠭᠦᠨ ᠡᠴᠡ ᠪᠤᠰᠤ ᠬᠡᠨ ᠨᠢᠭᠡᠨ ᠬᠥᠮᠥᠨ ᠤ ᠲᠠᠯᠠ ᠪᠡᠷ ᠲᠣᠬᠢᠷᠠᠭᠠ ᠬᠢᠭᠡ ᠦᠭᠡᠢ ᠃ ᠪᠢ ᠬᠤᠪᠢ ᠳ᠋ᠤ ᠪᠠᠨ ᠶᠠᠮᠠᠷ ᠨᠢᠭᠡᠨ ᠰᠤᠩᠭᠤᠭᠤᠯᠢᠲᠤ ᠠᠵᠢᠯ ᠬᠢᠬᠦ ᠦᠭᠡᠢ ᠭᠡᠵᠦ ᠪᠣᠳᠣᠵᠤ ᠪᠠᠶᠢᠭᠠ ᠃ ᠮᠣᠩᠭᠣᠯ ᠠᠷᠠᠳ ᠤᠨ ᠨᠠᠮ ᠤᠨ ᠤᠳᠤᠷᠢᠳᠬᠤ ᠵᠥᠪᠯᠡᠯ ᠂ ᠪᠠᠭᠠ ᠬᠤᠷᠠᠯ ᠳᠤ ᠣᠷᠣᠶᠠ ᠭᠡᠪᠡᠯ ᠨᠠᠮᠠ ᠶ᠋ᠢ ᠬᠦᠨᠳᠦᠳᠬᠡᠭᠡᠳ ᠣᠷᠣᠭᠤᠯᠬᠤ ᠯᠡ ᠪᠠᠶᠢᠬᠠ ᠃ ᠭᠡᠬᠦ ᠳ᠋ᠦ ᠪᠡᠨ ᠪᠢ ᠣᠷᠣᠬᠤ ᠦᠭᠡᠢ ᠃ ᠰᠣᠩᠭᠢᠨᠠ ᠬᠠᠶᠢᠷᠬᠠᠨ ᠲᠡᠭᠦᠷᠭᠡ ᠶ᠋ᠢᠨ ᠨᠥᠬᠥᠨ ᠰᠣᠩᠭᠣᠭᠤᠯᠢ ᠳᠤ ᠬᠡᠨ ᠢᠯᠠᠬᠤ ᠮᠠᠭᠠᠳᠯᠠᠯ ᠲᠠᠢ ᠨᠢ ᠯᠡ ᠣᠷᠣᠬᠤ ᠬᠡᠷᠡᠭᠲᠡᠢ ᠃ ᠲᠡᠭᠦᠨ ᠡᠴᠡ ᠪᠢᠰᠢ ᠵᠠᠪᠠᠯ ᠪᠠᠲᠤᠱᠤᠭᠠᠷᠠ ᠶᠢ ᠡᠰᠡᠪᠡᠯ ᠲᠤᠯᠭᠠ ᠶ᠋ᠢ ᠨᠡᠷᠡ ᠳᠡᠪᠰᠢᠭᠦᠯᠦᠨᠡ ᠭᠡᠵᠦ ᠲᠣᠬᠢᠷᠠᠯᠴᠠᠭᠰᠠᠨ ᠵᠦᠢᠯ ᠪᠠᠶᠢᠬᠤ ᠦᠭᠡᠢ ᠭᠡᠯᠡ ᠃