ᠡᠮᠦᠨᠡᠭᠣᠪᠢ ᠠᠶᠢᠮᠠᠭ ᠤᠨ ᠫᠷᠤᠺᠤᠷᠤᠷ ᠤᠨ ᠭᠠᠵᠠᠷ ᠡᠴᠠ ᠲᠤᠰ ᠠᠶᠢᠮᠠᠭ ᠤᠨ ᠮᠠᠨᠳᠤᠯ ᠣᠪᠣᠭᠠ ᠰᠤᠮᠤ ᠶ᠋ᠢᠨ ᠮᠠᠨᠳᠤᠯ ᠪᠠᠭ ᠤᠨ ᠨᠤᠲᠤᠭ ᠳᠡᠪᠢᠰᠬᠡᠷ ᠲᠥ ᠬᠣᠪᠣᠷ ᠠᠮᠢᠲᠠᠨ ᠤ ᠵᠢᠭᠰᠠᠭᠠᠯᠲᠠ ᠳᠤ ᠣᠷᠣᠭᠰᠠᠨ ᠬᠣᠶᠠᠷ ᠲᠣᠭᠠᠨ ᠤ ᠬᠠᠷᠠ ᠰᠡᠭᠦᠯᠲᠦ ᠵᠡᠭᠡᠷᠡ ᠶ᠋ᠢ ᠬᠠᠤᠯᠢ ᠪᠤᠰᠤ ᠪᠡᠷ ᠠᠩᠨᠠᠭᠰᠠᠨ ᠲᠠᠪᠤᠨ ᠢᠷᠭᠡᠨ ᠳ᠋ᠥ ᠬᠣᠯᠪᠣᠭᠳᠠᠬᠤ ᠬᠡᠷᠡᠭ ᠢ ᠰᠢᠭᠦᠬᠦ ᠪᠡᠷ ᠰᠢᠢᠳᠪᠤᠷᠢᠯᠡᠭᠦᠯᠵᠡᠢ ᠃
ᠰᠢᠭᠦᠬᠦ ᠬᠡᠷᠡᠭ ᠢ 2021 ᠣᠨ ᠤ ᠳᠥᠷᠪᠡᠳᠦᠭᠡᠷ ᠰᠠᠷᠠ ᠶ᠋ᠢᠨ 28 ᠤ ᠡᠳᠦᠷ ᠬᠢᠨᠠᠨ ᠬᠡᠯᠡᠯᠴᠡᠭᠡᠳ ᠰᠢᠭᠦᠭᠳᠡᠭᠴᠢ ᠨᠠᠷ ᠢ ᠤᠭ ᠭᠡᠮᠲᠦ ᠬᠡᠷᠡᠭ ᠢ ᠦᠢᠯᠡᠳᠦᠭᠰᠡᠨ ᠭᠡᠮᠲᠦ ᠪᠤᠷᠤᠭᠤ ᠲᠠᠢ ᠳᠤ ᠲᠣᠭᠠᠴᠠᠵᠤ ᠂ 5.5 7 ᠰᠠᠶᠠ ᠬᠦᠷᠲᠡᠯᠡ ᠲᠥᠭᠥᠷᠢᠭ ᠢᠶ᠋ᠡᠷ ᠲᠣᠷᠭᠠᠬᠤ ᠰᠢᠢᠳᠬᠡᠯ ᠣᠨᠣᠭᠳᠠᠭᠤᠯᠤᠭᠰᠠᠨ ᠪᠠᠶᠢᠨᠠ ᠃ ᠮᠥᠨ ᠪᠠᠶᠢᠭᠠᠯᠢ ᠣᠷᠴᠢᠨ ᠳᠤ ᠤᠴᠠᠷᠠᠭᠤᠯᠤᠭᠰᠠᠨ ᠬᠣᠬᠢᠷᠠᠯ ᠪᠣᠯᠬᠤ 6.4 ᠰᠠᠶᠠ ᠲᠥᠭᠥᠷᠢᠭ ᠢ ᠨᠥᠬᠥᠨ ᠲᠥᠯᠥᠭᠦᠯᠵᠦ ᠂ ᠭᠡᠮᠲᠦ ᠬᠡᠷᠡᠭ ᠦᠢᠯᠡᠳᠬᠦ ᠳ᠋ᠦ ᠪᠡᠨ ᠠᠰᠢᠭᠯᠠᠭᠰᠠᠨ ᠲᠡᠭᠡᠭᠡᠪᠦᠷᠢ ᠶ᠋ᠢᠨ ᠬᠡᠷᠡᠭᠰᠡᠯ ᠂ ᠠᠩ ᠤᠨ ᠫᠤᠤ ᠶ᠋ᠢ ᠤᠯᠤᠰ ᠤᠨ ᠣᠷᠣᠯᠭᠠ ᠪᠣᠯᠭᠠᠵᠠᠢ ᠃