ᠬᠣᠪᠳᠣ ᠠᠶᠢᠮᠠᠭ ᠤᠨ ᠵᠡᠷᠭᠡ ᠰᠤᠮᠤ ᠶᠢᠨ ᠡᠬᠢᠨ ᠪᠠᠭ ᠤᠨ ᠵᠠᠯᠠᠭᠤ ᠮᠠᠯᠴᠢᠨ ᠭ∙ᠮᠥᠩᠬᠡ-ᠡᠷᠳᠡᠨᠢ ᠶᠢᠨ ᠰᠠᠭᠠᠯᠢ ᠶᠢᠨ ᠢᠮᠠᠭᠠ ᠶᠢ ᠳᠠᠭᠠᠨ ᠨᠢᠭᠡ ᠶᠠᠩᠭᠢᠷ ᠤᠨ ᠢᠰᠢᠭᠡ ᠭᠦᠶᠦᠵᠦ ᠢᠷᠡᠵᠡᠢ᠃ ᠶᠠᠩᠭᠢᠷ ᠤᠨ ᠢᠰᠢᠭᠡ ᠶᠢ ᠢᠮᠠᠭᠠ ᠬᠦᠬᠦᠭᠦᠯᠦᠨ ᠲᠡᠵᠢᠭᠡᠵᠦ ᠪᠠᠶᠢᠭᠠ ᠪᠥᠭᠡᠳ ᠢᠰᠢᠭᠡ ᠨᠦᠭᠦᠳ ᠲᠡᠢ ᠲᠣᠭᠯᠠᠵᠤ᠂ ᠪᠡᠯᠴᠢᠭᠡᠷᠯᠡᠵᠦ ᠪᠠᠶᠢᠭᠠ ᠭᠡᠵᠦ ᠲᠤᠰ ᠮᠠᠯᠴᠢᠨ ᠤ ᠭᠡᠷᠭᠡᠢ ᠪ∙ᠨᠠᠷᠠᠨᠴᠢᠮᠡᠭ ᠬᠡᠯᠡᠯᠡ᠃
ᠮᠠᠯᠴᠢᠨ ᠭ∙ᠮᠥᠩᠬᠡ-ᠡᠷᠳᠡᠨᠢ ᠬᠡᠯᠡᠬᠦ ᠳᠦ ᠪᠡᠨ᠄ ᠶᠠᠩᠭᠢᠷ ᠤᠨ ᠢᠰᠢᠭᠡ ᠠᠩᠬᠠ ᠢᠷᠡᠬᠦ ᠳᠦ ᠪᠡᠨ ᠡᠬᠡ ᠡᠴᠡ ᠭᠠᠷᠤᠭᠠᠳ ᠨᠢᠭᠡ ᠬᠣᠨᠣᠭᠰᠠᠨ ᠪᠣᠯᠤᠯᠲᠠᠢ ᠪᠠᠶᠢᠭᠰᠠᠨ᠃ ᠮᠠᠨ ᠤ ᠨᠤᠲᠤᠭ ᠠᠭᠤᠯᠠᠷᠬᠠᠭ ᠪᠥᠰᠡ ᠤᠴᠢᠷ ᠠᠴᠠ ᠵᠡᠷᠯᠢᠭ ᠠᠩ ᠠᠮᠢᠲᠠᠳ ᠡᠯᠪᠡᠭ ᠪᠤᠢ᠃ ᠢᠵᠢᠯᠢ ᠰᠦᠷᠦᠭ᠂ ᠡᠬᠡ ᠡᠴᠡ ᠪᠡᠨ ᠲᠥᠭᠡᠷᠢᠭᠰᠡᠨ ᠶᠠᠩᠭᠢᠷ ᠤᠨ ᠢᠰᠢᠭᠡ ᠶᠢ ᠴᠢᠨᠣᠠ᠂ ᠨᠣᠬᠠᠢ᠂ ᠰᠢᠪᠠᠭᠤ ᠪᠠᠷᠢᠴᠢᠬᠠᠳᠠᠭ᠂ ᠲᠡᠶᠢᠮᠦ ᠡᠴᠡ ᠵᠡᠷᠯᠢᠭ ᠠᠮᠢᠲᠠᠨ ᠢ ᠬᠠᠮᠠᠭᠠᠯᠠᠬᠤ ᠵᠣᠷᠢᠯᠭᠠ ᠪᠠᠷ ᠲᠡᠵᠢᠭᠡᠵᠦ ᠪᠠᠶᠢᠨᠠ᠃ ᠢᠮᠠᠭᠠᠨ ᠤ ᠰᠦ ᠥᠭᠬᠦ ᠪᠡᠷ ᠪᠠᠭᠠᠰᠤ ᠠᠯᠳᠠᠳᠠᠭ ᠭᠡᠵᠦ ᠵᠠᠷᠢᠮ ᠬᠦᠮᠦᠰ ᠶᠠᠷᠢᠳᠠᠭ᠃ ᠣᠳᠣ ᠪᠠᠷ ᠲᠡᠶᠢᠮᠦ ᠵᠦᠢᠯ ᠪᠠᠶᠢᠬᠤ ᠦᠭᠡᠢ᠂ ᠡᠷᠡᠭᠦᠯ ᠪᠠᠶᠢᠨᠠ᠃ ᠠᠵᠢᠭᠯᠠᠬᠤ ᠳᠤ ᠬᠠᠳᠠᠨ ᠳᠡᠭᠡᠷᠡ ᠭᠠᠷᠬᠤ᠂ ᠢᠰᠢᠭᠡ ᠲᠡᠢ ᠲᠣᠭᠯᠠᠬᠤ ᠳᠤᠷᠠᠲᠠᠢ ᠭᠡᠪᠡ