ᠭᠷᠦᠽᠢᠶᠡ ᠶᠢᠨ ᠨᠡᠶᠢᠰᠯᠡᠯ ᠳᠦ ᠣᠯᠠᠨ ᠤᠯᠤᠰ ᠤᠨ ᠵᠢᠦ᠋ᠳᠣ᠋ ᠪᠥᠬᠡ ᠶᠢᠨ ᠬᠣᠯᠪᠣᠭᠠᠨ ᠤ ᠳᠡᠯᠡᠬᠡᠢ ᠶᠢᠨ ᠴᠤᠪᠤᠷᠠᠯ ᠲᠡᠮᠡᠴᠡᠭᠡᠨ ᠭᠷᠡᠨᠳ᠋ ᠰᠯᠠᠮ ᠠᠩᠭᠢᠯᠠᠯ ᠢᠶᠠᠷ ᠠᠩᠬᠠ ᠤᠳᠠᠭᠠ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠭᠳᠠᠵᠤ ᠪᠠᠶᠢᠨᠠ᠃ ᠨᠠᠶᠠᠨ ᠣᠷᠣᠨ ᠤ ᠡᠷᠡᠭᠲᠡᠢ 253᠂ ᠡᠮᠡᠭᠲᠡᠢ 211 ᠨᠡᠶᠢᠲᠡ 464 ᠪᠦᠬᠡᠴᠢᠨ ᠣᠷᠣᠯᠴᠠᠵᠤ ᠪᠤᠢ ᠲᠤᠰ ᠲᠡᠮᠡᠴᠡᠭᠡᠨ ᠦ ᠡᠬᠢᠨ ᠦ ᠡᠳᠦᠷ ᠮᠥᠩᠬᠡᠪᠠᠲᠤ ᠶᠢᠨ ᠤᠷᠠᠨᠴᠡᠴᠡᠭ ᠠᠯᠲᠠᠨ ᠮᠧᠳᠠᠯ ᠬᠦᠷᠲᠡᠭᠰᠡᠨ ᠢᠶᠡᠷ ᠳᠠᠷᠠᠭᠠᠯᠠᠨ ᠬᠣᠶᠠᠷ ᠲᠡᠮᠡᠴᠡᠭᠡᠨ ᠳᠦ ᠲᠦᠷᠦᠭᠦᠯᠡᠵᠦ᠂ ᠴᠢᠨᠰᠠᠭᠠ ᠪᠠᠨ 1000 ᠣᠨᠣᠭᠠ ᠪᠠᠷ ᠨᠡᠮᠡᠵᠦ᠂ ᠶᠠᠫᠣᠨ ᠤ ᠹᠦᠨᠠ ᠲᠤᠨᠠᠺ ᠢ ᠭᠦᠢᠴᠡᠵᠦ ᠭᠤᠷᠪᠠᠳᠤᠭᠠᠷ ᠪᠠᠶᠢᠷᠢ ᠤᠷᠤᠭᠤ ᠳᠡᠪᠰᠢᠵᠡᠢ᠃
ᠠ ᠬᠡᠰᠡᠭ ᠦᠨ ᠠᠪᠤᠷᠭᠤ ᠶᠢᠨ ᠲᠥᠯᠥᠭᠡ ᠧᠦ᠋ᠷᠣᠫᠠ ᠶᠢᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ ᠲᠡᠮᠡᠴᠡᠭᠡᠨ ᠦ ᠬᠦᠷᠡᠯ ᠮᠸᠳᠡᠯᠲᠦ ᠷᠤᠮᠠᠨᠢᠶᠠ ᠶᠢᠨ ᠮᠣᠨᠢᠺᠠ ᠤᠩᠭᠤᠷᠢᠶ᠋ᠸᠨᠤ᠋ ᠶᠢ 2᠄58 ᠮᠢᠨᠦ᠋ᠲ ᠲᠤ ᠥᠴᠢᠬᠦ ᠮᠡᠬᠡ ᠪᠡᠷ ᠢᠯᠠᠭᠰᠠᠨ ᠪᠣᠯ ᠬᠠᠭᠠᠰ ᠰᠢᠭᠰᠢᠭᠡ ᠳᠦ ᠳᠡᠯᠡᠬᠡᠢ ᠶᠢᠨ ᠮᠠᠰᠲ᠋ᠸᠷ ᠤᠳ ᠤᠨ ᠲᠡᠮᠡᠴᠡᠭᠡᠨ ᠦ ᠬᠦᠷᠡᠯ ᠮᠸᠳᠠᠯᠲᠦ ᠰᠯᠤᠸᠢᠨᠢᠶᠠ ᠶᠢᠨ ᠮᠠᠷᠤᠰᠠ ᠰᠲ᠋ᠠᠩᠭᠠᠷ ᠢ 2᠄50 ᠮᠢᠨᠦ᠋ᠲ ᠲᠤ ᠴᠡᠪᠡᠷ ᠢᠯᠠᠭᠰᠠᠨ᠃ ᠠᠪᠤᠷᠭᠤ ᠶᠢᠨ ᠲᠥᠯᠥᠭᠡ ᠧᠦ᠋ᠷᠣᠫᠠ ᠶᠢᠨ ᠨᠡᠭᠡᠭᠡᠯᠲᠡ ᠲᠡᠢ ᠲᠡᠮᠡᠴᠡᠭᠡᠨ ᠦ ᠠᠯᠲᠠ᠂ ᠮᠥᠩᠭᠥ᠂ ᠬᠦᠷᠡᠯ ᠮᠸᠳᠠᠯᠲᠦ ᠹᠷᠠᠨᠴᠧᠰᠺᠠ ᠮᠢᠯᠠᠨ ᠢ ᠳᠠᠷᠤᠯᠲᠠ ᠳᠤ ᠣᠷᠣᠭᠤᠯᠵᠤ᠂ ᠳᠠᠪᠬᠤᠷ ᠪᠣᠭᠣᠬᠤ ᠮᠡᠬᠡ ᠬᠢᠵᠦ ᠴᠡᠪᠡᠷ ᠢᠯᠠᠯᠠ᠃ ᠢᠩᠭᠢᠭᠰᠡᠨ ᠢᠶᠡᠷ ᠲᠡᠷᠡᠪᠡᠷ ᠰᠡᠭᠦᠯ ᠦᠨ ᠬᠣᠶᠠᠷ ︽ᠶᠡᠬᠡ ᠳᠤᠭᠤᠯᠠᠭᠠ︾ ᠍ ᠳᠦ ᠲᠦᠷᠦᠭᠦᠯᠡᠵᠡᠢ᠃