ᠶᠠᠫᠣᠨ ᠤ ᠮᠡᠷᠭᠡᠵᠢᠯ ᠦᠨ ᠰᠦᠮᠦᠦ ᠪᠥᠬᠡ ᠶᠢᠨ 71 ᠳ᠋ᠡᠬᠢ ᠶᠡᠬᠡ ᠠᠪᠤᠷᠭᠤ ᠺᠠᠺᠤᠷᠢᠤ᠋ ᠬᠡᠮᠡᠬᠦ ᠮᠠᠩᠭᠤᠯᠵᠠᠪ ᠤᠨ ᠠᠨᠠᠨᠳᠠ ᠵᠣᠳᠣᠭ ᠲᠠᠶᠢᠯᠵᠠᠢ᠃ 2020 ᠣᠨ ᠤ ᠳᠣᠯᠣᠳᠤᠭᠠᠷ ᠰᠠᠷᠠ᠍ ᠠᠴᠠ ᠬᠣᠶᠢᠰᠢ ᠡᠬᠢᠯᠡᠨ ᠳᠥᠷᠪᠡᠨ ᠲᠡᠮᠡᠴᠡᠭᠡᠨ ᠳᠠᠷᠠᠭᠠᠯᠠᠨ ᠪᠠᠷᠢᠯᠳᠤᠯ ᠦᠭᠡᠢ ᠥᠨᠵᠢᠭᠰᠡᠨ ᠮ∙ᠠᠨᠠᠨᠳᠠ ᠬᠠᠷᠦ᠋ ᠪᠠᠱᠶᠤ᠋ ᠳᠤ ᠣᠷᠣᠯᠴᠠᠬᠤ ᠪᠠᠷ ᠪᠡᠯᠡᠳᠬᠡᠯ ᠬᠢᠵᠦ ᠪᠠᠶᠢᠭᠰᠠᠨ ᠴᠤ ᠵᠡᠭᠦᠨ ᠬᠥᠯ ᠢᠶᠡᠨ ᠭᠡᠮᠲᠦᠭᠡᠨ ᠪᠠᠷᠢᠯᠳᠤᠵᠤ ᠴᠢᠳᠠᠭᠠ ᠦᠭᠡᠢ ᠶᠤᠮ᠃ ᠤᠯᠠᠮ ᠢᠶᠠᠷ ᠰᠦᠮᠦᠦ ᠪᠥᠬᠡ ᠶᠢᠨ ᠬᠣᠯᠪᠣᠭᠠᠨ ᠤ ᠬᠢᠨ ᠤ ᠰᠢᠬᠠᠯᠲᠠ ᠳᠤ ᠤᠷᠤᠵᠤ ᠵᠣᠳᠣᠭ ᠲᠠᠶᠢᠯᠤᠭᠰᠠᠨ ᠪᠣᠯᠤᠯᠲᠠᠢ᠃
ᠮ∙ᠠᠨᠠᠨᠳᠠ ᠳᠡᠭᠡᠳᠦ ᠵᠢᠨᠳᠠᠭᠠᠨ ᠳᠤ ᠵᠢᠷᠭᠤᠭᠠᠨ ᠤᠳᠠᠭᠠ ᠲᠦᠷᠦᠭᠦᠯᠡᠭᠰᠡᠨ᠃ ᠮᠡᠷᠭᠡᠵᠢᠯ ᠦᠨ ᠰᠦᠮᠦᠦ ᠳᠤ ᠨᠡᠶᠢᠲᠡ 785 ᠪᠠᠷᠢᠯᠳᠤᠵᠤ᠂ 497 ᠳᠠᠪᠠᠵᠤ᠂ 236 ᠤᠨᠠᠵᠠᠢ᠃ 20 ᠵᠢᠯ ᠪᠠᠷᠢᠯᠳᠤᠬᠤ ᠳᠤ ᠪᠠᠨ ᠲᠤᠰᠬᠠᠢ ᠱᠠᠩᠨᠠᠯ ᠢ 9 ᠤᠳᠠᠭᠠ ᠬᠦᠷᠲᠡᠭᠰᠡᠨ ᠰᠠᠶᠢᠬᠠᠨ ᠠᠪᠤᠷᠭᠤ ᠪᠠᠶᠢᠯᠠ᠃ ᠲᠡᠷᠡ ᠪᠡᠷ ᠴᠢᠨᠠᠭᠰᠢᠳᠠ ᠺᠠᠺᠤᠷᠢᠤ᠋ ᠨᠡᠷᠡ ᠪᠡᠷ ᠢᠶᠡᠨ ᠰᠦᠮᠦᠦ ᠶᠢᠨ ᠬᠣᠯᠪᠣᠭᠠᠨ ᠳᠤ ᠠᠵᠢᠯᠯᠠᠨᠠ᠃ ᠶᠣᠺᠣᠽᠦᠨᠠ ᠴᠣᠯᠠᠲᠠᠨ ᠵᠣᠳᠣᠭ ᠲᠠᠶᠢᠯᠤᠭᠠᠳ ᠨᠡᠷᠡ ᠪᠡᠷ ᠢᠶᠡᠨ ᠲᠠᠪᠤᠨ ᠵᠢᠯ ᠬᠣᠯᠪᠣᠭᠠᠨ ᠳᠤ ᠠᠵᠢᠯᠯᠠᠬᠤ ᠡᠷᠬᠡ ᠲᠡᠢ ᠪᠠᠶᠢᠳᠠᠭ᠃