ᠨᠠᠢ᠌ᠮᠠᠳᠠᠬᠢ ᠤᠳᠠᠭᠠ ᠶᠢᠨ︽ᠶᠡᠬᠡ ᠴᠠᠢ ᠶᠢᠨ ᠵᠠᠮ ᠳᠡᠭᠡᠷᠡ︾ᠣᠯᠠᠨ ᠤᠯᠤᠰ ᠤᠨ ᠹᠧᠰᠲ᠋ᠢᠸᠠᠯ ᠤᠨ ᠡᠬᠢᠨ ᠦ ᠱᠠᠲᠤᠨ ᠤ ᠰᠢᠯᠭᠠᠷᠠᠭᠤᠯᠤᠯᠲᠠ ᠡᠨᠡ ᠣᠨ ᠤ ᠨᠢᠭᠡ᠂ ᠬᠣᠶᠠᠳᠤᠭᠠᠷ ᠰᠠᠷᠠ ᠳᠤ ᠪᠣᠯᠵᠤ ᠥᠴᠥᠭᠡᠳᠦᠷ ᠥᠨᠳᠥᠷᠯᠡᠵᠡᠢ᠃ ᠹᠧᠰᠲ᠋ᠢᠸᠠᠯ ᠳᠤ ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠ᠂ ᠵᠠᠮ ᠤᠨ ᠡᠭᠦᠳᠡ ᠰᠤᠮᠤ᠂ ᠬᠥᠪᠰᠥᠭᠥᠯ ᠠᠶᠢᠮᠠᠭ ᠠᠴᠠ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠣᠷᠣᠯᠴᠠᠵᠠᠢ᠃
ᠡᠬᠢᠨ ᠦ ᠱᠠᠲᠤᠨ ᠤ ᠰᠢᠯᠭᠠᠷᠠᠭᠤᠯᠤᠯᠲᠠ ᠠᠴᠠ ᠵᠢᠷᠭᠤᠭᠠᠨ ᠨᠤᠮᠢᠨᠠᠼ ᠢᠶᠠᠷ ᠲᠡᠷᠢᠭᠦᠨ ᠪᠠᠶᠢᠷᠢ ᠲᠣᠳᠣᠷᠠᠭᠤᠯᠬᠤ ᠳᠤ ᠲᠢᠶᠠᠲ᠋ᠷ ᠤᠨ ︽ᠤᠷᠠ︾ᠬᠠᠮᠲᠤᠯᠢᠭ᠂ ᠪᠦᠵᠢᠭ ᠦᠨ︽ᠰᠢᠦ᠋ᠫᠷᠢᠽ︾ᠴᠢᠭᠤᠯᠭᠠ ᠶᠢᠨ ᠬᠠᠮᠲᠤᠷᠠᠭᠰᠠᠨ ᠪᠦᠲᠦᠭᠡᠯ᠂ ᠳᠠᠭᠤᠤ ᠶᠢᠨ︽ᠲᠩᠷᠢ︾᠂ ᠲᠢᠶᠠᠲ᠋ᠷ ᠤᠨ ︽ᠢᠨᠢᠶᠡᠮᠰᠦᠭᠯᠡᠯ︾ᠬᠠᠮᠲᠤᠯᠢᠭ ᠤᠨ ᠬᠠᠮᠲᠤᠷᠠᠭᠰᠠᠨ︽ᠣᠷᠣᠰ ᠤᠨ ᠶᠠᠭᠠᠷᠮᠠᠭ︾ᠪᠦᠲᠦᠭᠡᠯ ᠦᠳ ᠰᠢᠯᠭᠠᠷᠠᠵᠠᠢ᠃ ᠮᠥᠨ ᠳᠡᠭᠡᠷᠡ ᠨᠡᠷᠡ ᠳᠤᠷᠠᠳᠤᠭᠰᠠᠨ ᠬᠠᠮᠲᠤᠯᠢᠭ ᠤᠳ ᠪᠦᠭᠦᠳᠡ ᠣᠷᠣᠯᠴᠠᠨ ᠲᠣᠭᠯᠠᠭᠰᠠᠨ ᠡᠨᠡᠳᠬᠡᠭ ᠴᠠᠢ ᠶᠢᠨ ᠶᠣᠰᠣᠯᠠᠯ ᠵᠣᠬᠢᠶᠠᠮᠵᠢ ᠲᠡᠷᠢᠭᠦᠨ ᠪᠠᠶᠢᠷᠢ ᠡᠵᠡᠯᠡᠵᠡᠢ᠃ ︽ᠶᠡᠬᠡ ᠴᠠᠢ ᠶᠢᠨ ᠵᠠᠮ ᠳᠡᠭᠡᠷᠡ︾ ᠤᠯᠠᠮᠵᠢᠯᠠᠯᠲᠤ ᠹᠧᠰᠲ᠋ᠢᠸᠠᠯ ᠡᠨᠡ ᠵᠢᠯ ᠪᠤᠷᠢᠶᠠᠳ ᠤᠨ ᠨᠡᠶᠢᠰᠯᠡᠯ ᠡᠭᠦᠰᠬᠡᠨ ᠪᠠᠢᠭᠤᠯᠤᠭᠳᠠᠭᠰᠠᠨ ᠤ 355 ᠵᠢᠯ ᠦᠨ ᠣᠢ ᠶᠢᠨ ᠬᠦᠷᠢᠶᠡᠨ ᠳᠤ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠭᠳᠠᠵᠤ ᠪᠠᠶᠢᠭᠠ ᠠᠵᠠᠢ᠃
