ᠮᠣᠩᠭᠣᠯ ᠤᠯᠤᠰ ᠨᠥᠭᠥᠭᠡᠳᠦᠷ ᠡᠴᠡ ᠲᠠᠬᠤᠯ ᠤᠨ ᠡᠰᠡᠷᠭᠦ ᠪᠦᠬᠦ ᠨᠡᠶᠢᠲᠡ ᠶᠢᠨ ᠳᠠᠷᠬᠠᠯᠠᠭᠠᠵᠢᠭᠤᠯᠤᠯᠲᠠ ᠶᠢᠨ ᠬᠥᠲᠥᠯᠪᠦᠷᠢ ᠶᠢ ᠡᠬᠢᠯᠡᠨᠡ᠃ ᠵᠠᠰᠠᠭ ᠤᠨ ᠭᠠᠵᠠᠷ ᠠᠴᠠ ᠡᠨᠡ ᠠᠵᠢᠯ ᠳᠤ 226 ᠲᠡᠷᠪᠤᠮ ᠲᠥᠭᠥᠷᠢᠭ ᠵᠠᠷᠤᠴᠠᠭᠤᠯᠬᠤ ᠪᠠᠷ ᠲᠥᠰᠥᠪᠯᠡᠭᠰᠡᠨ ᠢ ᠥᠴᠥᠭᠡᠳᠦᠷ ᠵᠠᠷᠯᠠᠭᠰᠠᠨ᠃ ᠡᠭᠦᠨ ᠢ ᠳ᠋ᠣᠯᠯᠠᠷ ᠢᠶᠠᠷ ᠲᠣᠭᠠᠴᠠᠪᠠᠯ 79.3 ᠰᠠᠶᠠ ᠳ᠋ᠣᠯᠯᠠᠷ ᠪᠥᠭᠡᠳ ᠵᠣᠷᠢᠯᠲᠠᠲᠤ ᠪᠦᠯᠦᠭ ᠦᠨ 1.9 ᠰᠠᠶᠠ ᠬᠦᠮᠦᠨ ᠳᠦ ᠪᠡᠨ ᠬᠤᠪᠢᠶᠠᠵᠤ ᠦᠵᠡᠬᠦ ᠳᠦ ᠨᠢᠭᠡ ᠬᠦᠮᠦᠨ ᠳᠦ 41.3 ᠳ᠋ᠣᠯᠯᠠᠷ ᠨᠣᠭᠳᠠᠵᠤ ᠪᠠᠶᠢᠭᠠ ᠶᠤᠮ᠃ ᠸᠠᠺᠼᠢᠨ ᠬᠤᠳᠠᠯᠳᠤᠵᠤ ᠠᠪᠬᠤ ᠠᠴᠠ ᠡᠬᠢᠯᠡᠭᠡᠳ ᠬᠠᠳᠠᠭᠠᠯᠠᠬᠤ᠂ ᠬᠡᠷᠡᠭᠯᠡᠭᠴᠢ ᠳᠦ ᠬᠦᠷᠭᠡᠬᠦ ᠪᠦᠬᠦ ᠵᠠᠷᠤᠳᠠᠯ ᠡᠭᠦᠨ ᠳᠦ ᠪᠠᠭᠲᠠᠭᠰᠠᠨ ᠢ ᠡᠷᠡᠭᠦᠯ ᠮᠡᠨᠳᠦ ᠶᠢᠨ ᠰᠠᠶᠢᠳ ᠰ ∙ ᠡᠩᠬᠡᠪᠣᠯᠤᠳ ᠣᠨᠴᠠᠯᠠᠭᠰᠠᠨ᠃