ᠤᠯᠤᠰ ᠤᠨ ᠠᠪᠤᠷᠭᠤ ᠡ᠊ ∙ᠤᠶᠤᠨᠪᠤᠯᠤᠳ᠂ ᠤᠯᠤᠰ ᠤᠨ ᠵᠠᠭᠠᠨ ᠮ ∙ ᠪᠠᠳᠢᠷᠴᠢ᠂ ᠤᠯᠤᠰ ᠤᠨ ᠬᠠᠷᠴᠠᠭᠠᠢ ᠣ᠊ ∙ ᠬᠠᠩᠭᠠᠢ᠂ ᠳ ∙ ᠠᠨᠠᠷ ᠨᠠᠷ 15 ᠰᠠᠶᠠ ᠲᠥᠭᠥᠷᠢᠭ ᠦᠨ ᠪᠣᠭᠣᠴᠠᠭᠠ ᠲᠠᠢ ᠲᠣᠭᠣᠷᠢᠭ ᠢᠶᠠᠷ ᠪᠠᠷᠢᠯᠳᠤᠬᠤ ᠪᠠᠷ ᠪᠣᠯᠵᠠᠢ᠃ ᠡᠨᠡ ᠲᠠᠯᠠ ᠪᠠᠷ ᠪᠤᠭᠤᠴᠠᠭᠠᠲᠤ ᠪᠠᠷᠢᠯᠳᠤᠭᠠᠨ ᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠤᠭᠴᠢ ᠰ ∙ᠵᠢᠷᠭᠠᠯ ergelt.mn ᠰᠠᠢᠲ ᠲᠤ ᠶᠠᠷᠢᠬᠤ ᠳᠤ ᠪᠠᠨ ᠄ ᠪᠤᠭᠤᠴᠠᠭᠠᠲᠤ ᠪᠠᠷᠢᠯᠳᠤᠭᠠᠨ ᠢ ᠬᠡᠵᠢᠶᠡ ᠪᠠᠶᠢᠭᠤᠯᠬᠤ ᠡᠰᠡᠬᠦ ᠶᠢ ᠡᠨᠡ ᠰᠠᠷᠠ ᠶᠢᠨ 23 ᠍ ᠢ ᠬᠦᠯᠢᠶᠡᠵᠦ ᠪᠠᠶᠢᠵᠤ ᠰᠢᠢᠳᠦᠨᠡ᠃ ᠶᠠᠮᠠᠷ ᠲᠠᠢ ᠴᠤ ᠢᠷᠡᠬᠦ ᠭᠤᠷᠪᠠᠳᠤᠭᠠᠷ ᠰᠠᠷᠠ ᠶᠢᠨ ᠡᠬᠢᠨ ᠳᠦ ᠵᠣᠬᠢᠶᠠᠨ ᠪᠠᠶᠢᠭᠤᠯᠬᠤ ᠪᠣᠳᠣᠯ ᠲᠠᠢ ᠪᠠᠶᠢᠭᠠ᠃ ᠠᠩᠬᠠ ᠡ᠊ ∙ ᠤᠶᠤᠨᠪᠤᠯᠤᠳ᠂ ᠮ ∙ ᠪᠠᠳᠢᠷᠴᠢ ᠬᠣᠶᠠᠷ ᠤᠨ ᠳᠤᠮᠳᠠ ᠬᠠᠯᠵᠠ ᠪᠠᠷᠢᠯᠳᠤᠭᠠᠨ ᠬᠢᠶᠡ ᠭᠡᠵᠦ ᠶᠠᠷᠢᠭᠰᠠᠨ ᠶᠤᠮ᠃ ᠲᠡᠭᠡᠲᠡᠯᠡ ᠣ᠊ ∙ ᠬᠠᠩᠭᠠᠢ᠂ ᠳ ∙ ᠠᠨᠠᠷ ᠨᠠᠷ ᠪᠠᠷᠢᠯᠳᠤᠬᠤ ᠰᠠᠨᠠᠯ ᠲᠠᠯᠪᠢᠭᠰᠠᠨ᠃ ᠲᠡᠭᠦᠨ ᠡᠴᠡ ᠬᠣᠶᠢᠰᠢ ᠤᠯᠤᠰ ᠤᠨ ᠴᠣᠯᠠ ᠲᠠᠢ ᠣᠯᠠᠨ ᠪᠥᠬᠡᠴᠦᠳ ᠬᠣᠯᠪᠣᠭᠳᠠᠵᠤ᠂ ᠬᠠᠯᠵᠠ ᠪᠠᠷᠢᠯᠳᠤᠭᠠᠨ ᠳᠤ ᠣᠷᠣᠯᠴᠠᠶᠠ ᠭᠡᠰᠡᠨ᠃
ᠬᠠᠷᠢᠨ ᠪᠢᠳᠡ ᠶᠠᠷᠢᠯᠴᠠᠭᠠᠳ ᠳᠡᠭᠡᠷᠡᠬᠢ ᠳᠥᠷᠪᠡᠨ ᠪᠥᠬᠡ ᠶᠢᠨ ᠳᠤᠮᠳᠠ ᠬᠠᠯᠵᠠ ᠪᠠᠷᠢᠯᠳᠤᠭᠠᠨ ᠬᠢᠬᠦ ᠪᠡᠷ ᠪᠣᠯᠤᠭᠰᠠᠨ᠃ ᠡᠨᠡ ᠳᠥᠷᠪᠡ ᠮᠠᠨᠢ ᠵᠢᠦ᠋ᠳᠣ᠋᠂ ᠦᠨᠳᠦᠰᠦᠨ᠂ ᠦᠪᠦᠷ ᠮᠣᠩᠭᠣᠯ ᠭᠡᠰᠡᠨ ᠭᠤᠷᠪᠠᠨ ᠲᠥᠷᠥᠯ ᠢᠶᠡᠷ 15 ᠰᠠᠶᠠ ᠲᠥᠭᠥᠷᠢᠭ ᠦᠨ ᠪᠣᠭᠣᠴᠠᠭᠠ ᠲᠠᠢ᠂ ᠲᠣᠭᠣᠷᠢᠭ ᠢᠶᠠᠷ ᠪᠠᠷᠢᠯᠳᠤᠨᠠ᠃ ᠢᠯᠠᠭᠰᠠᠨ ᠪᠥᠬᠡ ᠨᠢ ᠤᠭ ᠪᠠᠷᠢᠯᠳᠤᠭᠠᠨ ᠠᠴᠠ ᠣᠯᠤᠭᠰᠠᠨ ᠠᠰᠢᠭ ᠢᠶᠠᠨ ᠨᠡᠩ ᠶᠠᠳᠠᠭᠤ ᠠᠶᠢᠯ ᠳᠤ ᠮᠣᠩᠭᠣᠯ ᠭᠡᠷ ᠠᠪᠴᠤ ᠥᠭᠬᠦ᠂ ᠬᠦᠨᠡᠰᠦ ᠪᠡᠷ ᠲᠤᠰᠠᠯᠠᠬᠤ ᠵᠡᠷᠭᠡ ᠪᠡᠷ ᠰᠠᠶᠢᠨ ᠦᠢᠯᠡᠰ ᠲᠦ ᠵᠣᠷᠢᠭᠤᠯᠬᠤ ᠪᠠᠷ ᠪᠣᠯᠤᠭᠰᠠᠨ ᠭᠡᠵᠦ ᠮᠡᠳᠡᠭᠡᠯᠡᠵᠡᠢ᠃