ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠡᠭᠡᠯᠵᠢᠲᠦ ᠪᠤᠰᠤ ᠬᠤᠷᠠᠯᠳᠤᠭᠠᠨ 2021 ᠣᠨ ᠤ ᠨᠢᠭᠡᠳᠦᠭᠡᠷ ᠰᠠᠷᠠ ᠶᠢᠨ 30 ᠍ ᠤ ᠡᠳᠦᠷ ᠪᠣᠯᠵᠤ᠂ ᠲᠠᠬᠤᠯ ᠠᠴᠠ ᠤᠷᠢᠳᠴᠢᠯᠠᠨ ᠰᠡᠷᠭᠡᠶᠢᠯᠡᠬᠦ ᠴᠢᠭᠯᠡᠯ ᠢᠶᠡᠷ ᠬᠢᠵᠦ ᠪᠠᠶᠢᠭᠠ ᠠᠵᠢᠯ ᠤᠨ ᠲᠠᠯᠠ ᠪᠠᠷ ᠮᠡᠳᠡᠭᠡᠯᠡᠯ ᠰᠤᠨᠤᠰᠪᠠ᠃ 2021 ᠣᠨ ᠤ 02 ᠳ᠋ᠤᠭᠠᠷ ᠰᠠᠷᠠ ᠶᠢᠨ 03᠂ 26 ᠍ ᠤ ᠡᠳᠦᠷ ᠰᠸᠦ᠋ᠯ᠂ 02 ᠳ᠋ᠤᠭᠠᠷ ᠰᠠᠷᠠ ᠶᠢᠨ 10 ᠍ ᠳᠦ ᠲᠤᠤᠺᠢᠤ᠋᠂ 02 ᠳ᠋ᠤᠭᠠᠷ ᠰᠠᠷᠠ ᠶᠢᠨ 24 ᠍ ᠳᠦ ᠢᠰᠲ᠋ᠠᠨᠪᠤᠯ ᠬᠣᠲᠠ ᠤᠷᠤᠭᠤ ᠲᠤᠰᠬᠠᠢ ᠡᠭᠦᠷᠭᠡ ᠶᠢᠨ ᠨᠢᠰᠦᠯᠭᠡ ᠦᠢᠯᠡᠳᠴᠦ 850 ᠣᠷᠴᠢᠮ ᠢᠷᠭᠡᠨ ᠢᠶᠡᠨ ᠲᠠᠲᠠᠵᠤ ᠠᠪᠤᠨᠠ᠃ ᠴᠢᠨᠠᠭᠰᠢᠳᠠ ᠳᠣᠯᠣᠭᠠ ᠬᠣᠨᠣᠭ ᠲᠤᠲᠤᠮ ᠳᠤᠤᠷᠠᠳᠤ ᠲᠠᠯᠠ ᠨᠢ ᠨᠢᠭᠡ ᠤᠳᠠᠭᠠ ᠨᠢᠰᠦᠯᠭᠡ ᠬᠢᠵᠦ᠂ ᠰᠠᠷᠠ ᠳᠤ ᠪᠠᠨ 800-1000 ᠢᠷᠭᠡᠨ ᠢᠶᠡᠨ ᠠᠪᠴᠢᠷᠠᠬᠤ ᠪᠠᠷ ᠲᠥᠯᠥᠪᠯᠡᠵᠦ ᠪᠠᠶᠢᠨᠠ᠃
ᠤᠯᠤᠰ ᠤᠨ ᠬᠡᠮᠵᠢᠶᠡᠨ ᠳᠦ ᠨᠡᠶᠢᠲᠡ 24 ᠲᠤᠰᠠᠭᠠᠷᠯᠠᠬᠤ ᠪᠠᠶᠢᠷᠢᠨ ᠳᠤ 1344 ᠢᠷᠭᠡᠨ ᠪᠠᠶᠢᠨᠠ᠃ 2021 ᠣᠨ ᠤ ᠨᠢᠭᠡᠳᠦᠭᠡᠷ ᠰᠠᠷᠠ ᠶᠢᠨ 30 ᠍ ᠤ ᠪᠠᠶᠢᠳᠠᠯ ᠢᠶᠠᠷ ᠨᠢᠭᠡ ᠰᠠᠶᠠ 555 ᠮᠢᠩᠭᠠ ᠭᠠᠷᠤᠢ ᠢᠷᠭᠡᠨ ᠲᠦᠷᠭᠡᠪᠴᠢᠯᠡᠭᠰᠡᠨ ᠪᠣᠯᠤᠨ PCR ᠰᠢᠨᠵᠢᠯᠡᠭᠡᠨ ᠳᠦ ᠬᠠᠮᠤᠷᠤᠭᠳᠠᠵᠠᠢ᠃ ᠨᠡᠶᠢᠰᠯᠡᠯ ᠳᠦ ᠲᠠᠪᠤᠨ ᠦᠶᠡ ᠱᠠᠲᠤ ᠲᠠᠢ ᠳᠡᠯᠭᠡᠬᠦ 4640 ᠣᠷᠣ ᠪᠠᠶᠢᠭᠠ ᠪᠥᠭᠡᠳ 1470 ᠨᠢ ᠪᠡᠯᠡᠨ ᠪᠠᠶᠢᠳᠠᠯ ᠳᠤ ᠪᠠᠶᠢᠨᠠ᠃