ᠮᠣᠩᠭᠣᠯ ᠤᠨ ᠵᠣᠬᠢᠶᠠᠯᠴᠢᠳ ᠤᠨ ᠡᠪᠯᠡᠯ ᠪᠣᠯᠤᠨ ᠭ∙ᠰᠸᠷᠠᠤᠳᠤ ᠶᠢᠨ ᠨᠡᠷᠡᠮᠵᠢᠲᠦ ᠱᠠᠩᠨᠠᠯᠲᠤ ᠭᠣᠪᠢ-ᠠᠯᠲᠠᠢ ᠠᠶᠢᠮᠠᠭ ᠤᠨ ᠵᠢᠷᠭᠠᠯᠠᠩ ᠰᠤᠮᠤ ᠶᠢᠨ ᠤᠤᠭᠠᠯ᠂ ᠢᠷᠠᠭᠤ ᠨᠠᠶᠢᠷᠠᠭᠴᠢ ᠷ∙ᠯᠾᠠᠮᠤᠷᠠᠭᠴᠠ《ᠰᠦᠪᠡᠭᠡᠳᠡᠢ ᠪᠠᠭᠠᠲᠤᠷ》 ᠲᠡᠦᠬᠡᠨ ᠲᠤᠤᠯᠢᠰ ᠢᠶᠠᠷ ᠢᠶᠠᠨ《ᠠᠯᠲᠠᠨ ᠥᠳᠥ-2020》 ᠨᠠᠭᠠᠳᠤᠮ ᠤᠨ ᠲᠡᠷᠢᠭᠦᠨ ᠪᠠᠶᠢᠷᠢ ᠡᠵᠡᠯᠡᠵᠡᠢ᠃ ᠷ∙ᠯᠾᠠᠮᠤᠷᠠᠭᠴᠠ ᠨᠢ 1976 ᠣᠨ ᠳᠤ ᠭᠣᠪᠢ-ᠠᠯᠲᠠᠢ ᠠᠶᠢᠮᠠᠭ ᠤᠨ ᠵᠢᠷᠭᠠᠯᠠᠩ ᠰᠤᠮᠤ ᠶᠢᠨ ᠪᠦᠷᠢᠨ ᠪᠠᠭ ᠤᠨ ᠰᠠᠯᠠᠭᠠ ᠨᠠᠭᠤᠷ ᠬᠡᠮᠡᠬᠦ ᠭᠠᠵᠠᠷ ᠮᠡᠨᠳᠦᠯᠡᠵᠡᠢ᠃ ᠡᠳᠦᠭᠡ ᠳᠠᠷᠬᠠᠨ ᠬᠤᠲᠠ ᠳᠤ ᠠᠮᠢᠳᠤᠷᠠᠵᠤ ᠪᠠᠶᠢᠨᠠ᠃
ᠲᠡᠭᠦᠨ ᠦ《ᠤᠨᠠᠭᠰᠠᠨ ᠨᠤᠲᠤᠭ ᠲᠤ ᠪᠠᠨ ᠡᠷᠭᠦᠬᠦ ᠰᠢᠯᠦᠭ》᠂ 《ᠰᠢᠯᠦᠭ ᠦᠨ ᠭᠡᠷᠡᠭᠡ ᠮᠢᠨᠤ》 ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠨᠣᠮ ᠨᠢ ᠮᠤᠩᠭᠤᠯ ᠤᠨ ᠵᠤᠬᠢᠶᠠᠯᠴᠢᠳ ᠤᠨ ᠡᠪᠯᠡᠯ᠍ ᠦᠨ ᠳᠠᠷᠬᠠᠨ-ᠠᠭᠤᠯᠠ ᠠᠶᠢᠮᠠᠭ ᠳᠠᠬᠢ ᠰᠠᠯᠪᠤᠷᠢ ᠶᠢᠨ《ᠣᠨ ᠤ ᠰᠢᠯᠢᠳᠡᠭ ᠨᠣᠮ》 ᠢᠶᠡᠷ᠂ ᠳᠠᠷᠬᠠᠨ-ᠠᠭᠤᠯᠠ ᠠᠶᠢᠮᠠᠭ ᠤᠨ ᠣᠨ ᠤ ᠰᠢᠯᠢᠳᠡᠭ ᠰᠢᠯᠦᠭ ᠰᠢᠯᠭᠠᠷᠠᠭᠤᠯᠬᠤ 《ᠠᠯᠲᠠᠨ ᠥᠳᠥ》ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠨᠠᠭᠠᠳᠤᠮ ᠤᠨ ᠬᠣᠱᠣᠢ ᠲᠡᠷᠢᠭᠦᠨ ᠪᠠᠶᠢᠷᠢ ᠳᠤ ᠲᠤᠰ ᠲᠤᠰ ᠰᠢᠯᠭᠠᠷᠠᠵᠤ ᠪᠠᠶᠢᠭᠰᠠᠨ ᠤᠳᠠᠭᠠ ᠲᠠᠢ᠃ 2010 ᠣᠨ ᠳᠤ 《ᠴᠢᠨᠠᠳᠤ ᠭᠢᠯᠲᠠᠷᠠᠭᠴᠢ》ᠨᠣᠮ ᠢᠶᠠᠨ ᠣᠯᠠᠨ ᠤ ᠬᠦᠷᠲᠡᠭᠡᠯ ᠪᠣᠯᠭᠠᠭᠰᠠᠨ ᠶᠤᠮ᠃ ᠷ∙ᠯᠾᠠᠮᠤᠷᠠᠭᠴᠠ ᠄ ᠮᠣᠩᠭᠣᠯ ᠬᠡᠮᠡᠭᠴᠢ ᠲᠦᠷᠦᠲᠦ ᠤᠯᠤᠰ ᠢ ᠳᠡᠯᠡᠬᠡᠢ ᠳ᠋ᠠᠬᠢᠨ ᠳᠤ ᠢᠳᠡᠷᠬᠡᠭ ᠬᠦᠴᠦᠷᠬᠡᠭ ᠢᠶᠡᠷ ᠮᠠᠨᠳᠤᠭᠠᠨ ᠪᠠᠳᠠᠷᠠᠭᠠᠭᠰᠠᠨ ᠮᠣᠩᠭᠣᠯ ᠦᠨᠳᠦᠰᠦ ᠤᠭᠰᠠᠭᠠᠲᠤ ᠬᠥᠮᠥᠨ ᠪᠢᠳᠡ ᠪᠦᠬᠦᠨ ᠦ ᠪᠠᠭᠠᠲᠤᠷᠯᠢᠭ᠂ ᠮᠡᠷᠭᠡᠨ ᠡᠪᠦᠭᠡ ᠳᠡᠭᠡᠳᠦᠰ ᠦᠨ ᠢᠯᠠᠭᠤᠭᠰᠠᠨ ᠠᠤᠭᠠ ᠶᠡᠬᠡ ᠭᠠᠪᠢᠶᠠ᠂ ᠵᠢᠳᠬᠦᠯ ᠢ ᠡᠶᠢᠨᠬᠦᠦ ᠮᠥᠷ ᠪᠣᠯᠭᠠᠨ ᠪᠢᠴᠢᠯᠡ ᠬᠡᠮᠡᠨ ᠪᠦᠲᠦᠭᠡᠯ ᠦᠨ ᠢᠶᠡᠨ ᠲᠤᠬᠠᠢ ᠲᠡᠮᠳᠡᠭᠯᠡᠨ ᠬᠡᠯᠡᠭᠰᠡᠨ ᠶᠤᠮ᠃
