ᠪᠤᠷᠢᠶᠠᠳ ᠬᠦᠪᠡᠭᠦᠳ ᠪᠠᠳᠮᠠ᠂ ᠴᠠᠭᠳᠠᠷ ᠬᠣᠶᠠᠷ ᠤᠨ ᠬᠥᠭᠵᠢᠶᠡᠨ ᠲᠡᠢ ᠲᠡᠦᠬᠡ ᠶᠢᠨ ᠰᠢᠨᠡ ᠠᠩᠭᠢ ᠭᠠᠷᠤᠯᠠ᠃ ᠬᠥᠯ ᠬᠣᠷᠢᠭᠠ ᠲᠠᠢ᠂ ᠬᠦᠢᠲᠡᠨ ᠵᠢᠪᠡᠷᠡᠭᠦᠨ ᠡᠨᠡ ᠴᠠᠭ ᠲᠤ ᠮᠣᠩᠭᠣᠯᠴᠤᠳ ᠢ ᠬᠥᠭᠵᠢᠭᠡᠵᠦ ᠪᠤᠢ ᠬᠡᠦᠬᠡᠯᠳᠡᠢ ᠶᠢᠨ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠴᠤᠪᠤᠷᠠᠯ ᠤᠨ ᠰᠢᠨᠡ ᠠᠩᠭᠢ ᠶᠢ ︽ᠰᠢᠨᠡ ᠵᠢᠯ︾᠍ ᠦᠨ ᠰᠡᠳᠦᠪ ᠢᠶᠡᠷ ᠪᠦᠲᠦᠭᠡᠭᠰᠡᠨ ᠪᠠᠶᠢᠨᠠ᠃ ᠭᠡᠷ ᠪᠦᠯᠢ ᠶᠢᠨ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠣᠳᠣ ᠪᠠᠷ ᠳᠣᠯᠣᠭᠠᠨ ᠴᠤᠪᠤᠷᠠᠯ ᠬᠢᠭᠰᠡᠨ ᠪᠠ ᠪᠠᠳᠮᠠ᠂ ᠴᠠᠭᠳᠠᠷ ᠬᠣᠶᠠᠷ ᠤᠨ ᠲᠡᠦᠬᠡ ᠶᠢ ᠴᠤᠪᠤᠷᠠᠯ ᠪᠣᠯᠭᠠᠬᠤ ᠳᠤ ᠮᠣᠩᠭᠣᠯᠴᠤᠳ ᠤᠨ ᠳᠡᠮᠵᠢᠯᠭᠡ ᠴᠤ ᠮᠥᠨ ᠨᠥᠯᠦᠭᠡᠯᠡᠭᠰᠡᠨ ᠭᠡᠨᠡ᠃
ᠤᠭ ᠬᠡᠦᠬᠡᠯᠳᠡᠢ ᠶᠢ ᠪᠤᠷᠢᠶᠠᠳ ᠤᠳ ᠠᠴᠠ ᠢᠯᠡᠭᠦᠦ ᠮᠣᠩᠭᠣᠯᠴᠤᠳ ᠴᠠᠬᠢᠮ ᠬᠠᠭᠤᠳᠠᠰᠤᠨ ᠳᠦ ᠣᠯᠠᠨ ᠮᠢᠩᠭᠠ ᠪᠠᠷ ᠬᠤᠪᠢᠶᠠᠯᠴᠠᠵᠤ᠂ ᠦᠵᠡᠵᠦ ᠰᠣᠨᠢᠷᠬᠠᠭᠰᠠᠨ ᠪᠠᠶᠢᠨᠠ᠃ ᠪᠢᠳᠡ ᠤᠯᠠᠭᠠᠨ-ᠦᠳᠡ ᠬᠤᠲᠠ ᠳᠤ ᠰᠠᠭᠤᠭᠠ ᠡᠷᠳᠡᠨᠢ ᠵᠠᠯᠼᠠᠨᠨᠤᠸ᠋ ᠤᠨ ᠭᠡᠷ ᠪᠦᠯᠢ ᠲᠠᠢ ᠬᠣᠯᠪᠣᠭᠳᠠᠵᠤ᠂ ᠲᠡᠳᠡᠨ ᠦ ᠰᠢᠨᠡ ᠤᠷᠠᠨ ᠪᠦᠲᠦᠭᠡᠯ ᠦᠨ ᠲᠠᠯᠠ ᠪᠠᠷ ᠰᠣᠨᠢᠷᠬᠠᠬᠤ ᠳᠤ᠄
– ᠰᠠᠶ᠋ᠢᠬᠠᠨ ᠪᠢᠳᠡ ᠪᠢᠴᠢᠬᠠᠨ ᠥᠭᠦᠯᠡᠮᠵᠢ ᠲᠡᠢ ᠵᠢᠷᠤᠭ ᠤᠳ ᠵᠢᠷᠤᠵᠤ ᠡᠬᠢᠯᠡᠭᠰᠡᠨ ᠶᠤᠮ᠃ ᠲᠡᠭᠦᠨ ᠢᠶᠡᠷ ᠬᠢᠭᠰᠡᠨ ᠪᠤᠭᠤᠨᠢ ᠺᠢᠨᠤ᠋ ᠨᠢ ᠰᠠᠨᠠᠭᠠᠨ ᠳᠤ ᠣᠷᠣᠭᠠ ᠦᠭᠡᠢ ᠦᠷᠡ ᠳ᠋ᠦᠩ ᠭᠠᠷᠤᠭᠰᠠᠨ ᠨᠢ ᠭᠠᠶᠢᠬᠠᠯᠲᠠᠢ᠃ ᠢᠯᠠᠩᠭᠤᠶᠠ ᠮᠣᠩᠭᠣᠯ ᠤᠨ ᠦᠵᠡᠭᠴᠢᠳ ᠥᠨᠳᠥᠷ ᠢᠶᠡᠷ ᠦᠨᠡᠯᠡᠭᠰᠡᠨ ᠳᠦ ᠮᠠᠰᠢ ᠶᠡᠬᠡ ᠪᠠᠶᠠᠷᠲᠠᠢ ᠪᠠᠶᠢᠨᠠ ᠭᠡᠪᠡ᠃