ᠲᠥᠷᠥ ᠶᠢᠨ ᠰᠤᠶᠤᠷᠬᠠᠯᠲᠤ ᠳᠠᠭᠤᠴᠢᠨ ᠳ ∙ ᠪᠣᠯᠣᠳ᠂ 440HZ ᠷᠧᠺᠣᠷᠳᠤᠰ ᠤᠨ ᠤᠷᠠᠨ ᠪᠦᠲᠦᠭᠡᠯᠴᠢ Nene ᠨᠠᠷ ᠤᠨ ᠬᠠᠮᠲᠤᠷᠠᠭᠰᠠᠨ 《One shot》ᠳᠠᠭᠤᠤ ᠶᠢᠨ ᠺᠯᠢᠫ ᠰᠠᠴᠤᠭᠳᠠᠵᠠᠢ᠃ Youtube ᠬᠠᠭᠤᠳᠠᠰᠤᠨ ᠳᠦ ᠨᠡᠶᠢᠲᠡᠯᠡᠭᠳᠡᠭᠰᠡᠨ ᠳᠠᠷᠤᠢ ᠳᠤ ᠪᠠᠨ 140 ᠮᠢᠩᠭᠠ ᠭᠠᠷᠤᠢ ᠦᠵᠡᠭᠴᠢ ᠳᠦ ᠬᠦᠷᠴᠡᠢ᠃《One shot》ᠳᠠᠭᠤᠤ ᠶᠢᠨ ᠦᠭᠡ ᠶᠢ Nene ᠪᠢᠴᠢᠭᠰᠡᠨ ᠪᠠ ᠬᠥᠭᠵᠢᠮ ᠢ ᠳ ∙ ᠪᠣᠯᠣᠳ ᠨᠠᠶᠢᠷᠠᠭᠤᠯᠵᠠᠢ᠃ ᠰᠢᠨᠡ ᠤᠷᠠᠨ ᠪᠦᠲᠦᠭᠡᠯ ᠦᠨ ᠢᠶᠡᠨ ᠲᠠᠯᠠ ᠪᠠᠷ ᠳ∙ᠪᠣᠯᠣᠳ ᠥᠪᠡᠷ ᠦᠨ ᠰᠤᠽᠢᠶᠠᠯ ᠬᠠᠭᠤᠳᠠᠰᠤᠨᠠ᠄ ᠪᠢᠳᠡ ᠪᠦᠭᠦᠳᠡ ᠯᠠ ᠳᠤᠷᠠᠰᠤᠮᠵᠢ ᠪᠠᠷ ᠢᠶᠠᠨ ᠵᠢᠷᠭᠠᠵᠤ ᠠᠮᠢᠳᠤᠷᠠᠳᠠᠭ᠃ ᠨᠠᠶᠢᠵᠠ ᠨᠥᠬᠥᠳ ᠪᠣᠯᠵᠤ᠂ ᠵᠢᠷᠦᠬᠡ ᠰᠡᠳᠬᠢᠯ ᠦᠨ ᠨᠠᠨᠳᠢᠨ ᠳᠤᠷᠠᠰᠤᠮᠵᠢ ᠨᠤᠭᠤᠳ ᠪᠦᠲᠦᠭᠡᠯᠴᠡᠵᠦ ᠪᠠᠶᠢᠭᠠ ᠬᠦᠮᠦᠨ ᠪᠦᠷᠢ ᠳᠦ ᠡᠨᠡ ᠳᠠᠭᠤᠤ ᠶᠢ ᠵᠣᠷᠢᠭᠤᠯᠤᠯᠠ᠃ ᠵᠢᠷᠭᠠᠯᠲᠠᠢ ᠦᠶᠡ ᠳᠦ ᠪᠡᠨ ᠦᠷᠭᠦᠯᠵᠢ ᠰᠣᠨᠣᠰᠴᠤ ᠪᠠᠰᠠ ᠪᠦᠵᠢᠭᠯᠡᠵᠦ ᠪᠠᠶᠢᠭᠠᠷᠠᠢ᠃ ᠶᠠᠭᠠᠬᠢᠭᠠᠳ ᠭᠡᠪᠡᠯ ᠪᠢ ᠨᠠᠢᠵᠠ ᠨᠠᠷ ᠲᠠᠢ ᠪᠠᠨ ᠵᠢᠷᠭᠠᠯ ᠲᠠᠢ ᠪᠠᠶᠢᠬᠤ ᠦᠶᠡ ᠳᠦ ᠪᠡᠨ ᠡᠨᠡ ᠳᠠᠭᠤᠤ ᠶᠢ ᠵᠣᠬᠢᠶᠠᠭᠰᠠᠨ ᠶᠤᠮ ᠭᠡᠰᠡᠨ ᠪᠠᠶᠢᠨᠠ᠃
ᠺᠯᠢᠫ ᠲᠤ ᠮᠣᠩᠭᠣᠯ ᠤᠨ ᠤᠷᠠᠯᠢᠭ ᠰᠤᠶᠤᠯ ᠤᠨ ᠠᠯᠳᠠᠷᠲᠠᠳ ᠠᠴᠠ ᠭᠠᠳᠠᠨᠠ ᠪᠢᠽᠢᠨᠧᠰ ᠦᠨ ᠰᠠᠯᠪᠤᠷᠢ ᠶᠢᠨ ᠮᠠᠩᠯᠠᠶᠢᠯᠠᠭᠴᠢᠳ ᠣᠷᠣᠯᠴᠠᠵᠠᠢ᠃ ᠲᠤᠬᠠᠶᠢᠯᠠᠪᠠᠯ᠂ 《The Voice of Mongolia》 ᠴᠡᠩᠭᠡᠬᠦᠨ ᠤ ᠰᠢᠭᠦᠭᠴᠢᠳ ᠪᠦᠷᠢᠨ ᠪᠦᠷᠢᠯᠳᠦᠬᠦᠨ ᠢᠶᠡᠷ ᠢᠶᠡᠨ ᠳᠦᠷᠢ ᠪᠦᠲᠦᠭᠡᠭᠰᠡᠨ ᠪᠥᠭᠡᠳ ᠳᠠᠭᠤᠴᠢᠨ ᠤᠺᠠ ᠨᠥᠬᠥᠷ ᠦᠨ ᠬᠠᠮᠲᠤ ᠬᠣᠣᠰ ᠤᠨ ᠳᠦᠷᠢ ᠶᠢ ᠪᠦᠲᠦᠭᠡᠭᠰᠡᠨ ᠪᠠᠶᠢᠨᠠ᠃ ᠮᠥᠨ 《ᠬᠤᠷᠳᠤ》 ᠬᠠᠮᠲᠤᠯᠢᠭ ᠤᠨ ᠭᠢᠲ᠋ᠠᠷᠴᠢᠨ ᠳ ∙ ᠣᠳᠬᠣᠨᠪᠠᠶᠠᠷ 《ᠠᠲ᠋ᠠᠮᠠᠨ》 ᠪᠣᠯᠤᠭᠰᠠᠨ ᠪᠣᠯ ᠨᠠᠶᠢᠷᠠᠭᠤᠯᠤᠭᠴᠢ ᠰ ∙ ᠤᠨᠤᠨᠪᠠᠲᠤ ᠬᠠᠭᠤᠷᠴᠠᠭ ᠤᠨ ᠬᠤᠳᠠᠯᠳᠤᠭᠠᠴᠢᠨ ᠤ ᠳᠦᠷᠢ ᠪᠦᠲᠦᠭᠡᠵᠡᠢ᠃ ᠬᠠᠷᠢᠨ ᠺᠯᠢᠫ ᠦᠨ ᠬᠠᠮᠤᠭ ᠤᠨ ᠺᠦᠦᠯ ᠭᠱᠠᠨ ᠳᠠᠭᠤᠴᠢᠨ ᠳ ∙ ᠪᠣᠯᠣᠳ ᠤᠨ ᠭᠡᠷᠭᠡᠢ ᠵ ∙ ᠪᠢᠮᠪᠠᠰᠦ᠋ᠷᠦᠩ ᠪᠠᠶᠢᠭᠰᠠᠨ ᠶᠤᠮ᠃