《ᠦᠨᠳᠦᠰᠦᠨ ᠦ ᠦᠰᠦᠭᠯᠡᠯ ᠦᠨ ᠠᠪᠤᠷᠭᠤ-2021》ᠴᠡᠩᠭᠡᠭᠦᠨᠲᠦ ᠨᠡᠪᠲᠡᠷᠡᠭᠦᠯᠭᠡ ᠶᠢᠨ ᠳᠦᠷᠪᠡᠳᠡᠬᠢ ᠳ᠋ᠤᠭᠠᠷ ᠥᠴᠥᠭᠡᠳᠦᠷ ᠦᠵᠡᠭᠴᠢᠳ ᠲᠦ ᠬᠦᠷᠦᠯᠡ᠃ ᠦᠰᠦᠭᠯᠡᠭᠴᠢᠳ ᠳ᠋ᠤᠭᠠᠷ ᠠᠬᠢᠬᠤ ᠲᠤᠰᠤᠮ ᠮᠣᠩᠭᠣᠯ ᠬᠡᠯᠡᠨ ᠦ ᠪᠡᠨ ᠦᠭᠡᠰ ᠦᠨ ᠰᠠᠩ᠂ ᠵᠥᠪ ᠪᠢᠴᠢᠭ ᠦᠨ ᠳᠦᠷᠢᠮ ᠦᠨ ᠮᠡᠳᠡᠯᠭᠡ ᠶᠢ ᠲᠡᠯᠡᠬᠦ ᠶᠢᠨ ᠰᠠᠴᠠᠭᠤ ᠬᠠᠷᠢᠯᠴᠠᠨ ᠥᠷᠢᠰᠦᠯᠳᠦᠵᠦ᠂ ᠳᠣᠲᠣᠨᠣ ᠨᠥᠬᠥᠷᠯᠡᠵᠦ ᠪᠠᠶᠢᠭᠠ ᠨᠢ ᠬᠠᠷᠠᠭᠳᠠᠵᠤ ᠪᠠᠶᠢᠪᠠ᠃
ᠲᠡᠳᠡ ᠭᠠᠭᠴᠠᠭᠠᠷ ᠪᠣᠯᠤᠨ ᠪᠠᠭ ᠢᠶᠠᠷ ᠦᠨᠳᠦᠰᠦᠨ ᠦᠰᠦᠭᠯᠡᠯ ᠦᠨ ᠦᠶᠡ ᠳᠦ ᠦᠷᠢᠰᠦᠯᠳᠦᠬᠦ ᠡᠴᠡ ᠭᠠᠳᠠᠨᠠ ᠬᠡᠨ ᠨᠢ ᠬᠠᠮᠤᠭ ᠤᠨ ᠬᠤᠷᠳᠤᠨ ᠦᠰᠦᠭᠯᠡᠵᠦ᠂ ᠪᠢᠴᠢᠬᠦ ᠪᠡᠨ ᠲᠣᠳᠣᠷᠠᠭᠤᠯᠳᠠᠭ ᠤᠯᠠᠮᠵᠢᠯᠠᠯ ᠲᠠᠢ᠃ ᠨᠡᠪᠲᠡᠷᠡᠭᠦᠯᠭᠡ ᠶᠢᠨ ᠡᠬᠢᠨ ᠦ ᠳ᠋ᠤᠭᠠᠷ ᠰᠠᠴᠤᠭᠳᠠᠭᠰᠠᠨ ᠤ ᠳᠠᠷᠠᠭᠠ ᠮᠣᠩᠭᠣᠯ ᠬᠡᠯᠡᠨ ᠦ ᠳᠦᠷᠢᠮ᠂ ᠦᠭᠡᠰ ᠦᠨ ᠰᠠᠩ ᠤᠨ ᠲᠠᠯᠠ ᠪᠠᠷ ᠣᠯᠠᠨ ᠲᠥᠷᠥᠯ ᠦᠨ ᠬᠡᠯᠡᠯᠴᠡᠭᠦᠯᠭᠡ᠂ ᠰᠢᠭᠦᠮᠵᠢ ᠥᠷᠨᠢᠭᠰᠡᠨ ᠪᠥᠭᠡᠳ 《ᠴᠣᠮᠣᠷᠯᠢᠭ》᠂ 《ᠢᠳᠡᠪᠬᠢᠵᠢᠵᠡᠢ》᠂ 《 ᠠᠳᠢᠰᠯᠠᠨᠠ》 ᠭᠡᠬᠦ ᠮᠡᠲᠦ ᠦᠭᠡ ᠦᠵᠡᠭᠴᠢᠳ ᠦᠨ ᠠᠩᠬᠠᠷᠤᠯ ᠢ ᠲᠠᠲᠠᠭᠰᠠᠨ᠃ 2018 ᠣᠨ ᠳᠤ ᠭᠠᠷᠤᠭᠰᠠᠨ 《ᠵᠥᠪ ᠪᠢᠴᠢᠭ ᠦᠨ ᠳᠦᠷᠢᠮ ᠦᠨ ᠵᠢᠷᠤᠮᠯᠠᠭᠰᠠᠨ ᠲᠣᠯᠢ》 ᠍ ᠳᠦ ᠪᠤᠢ ᠳᠦᠷᠢᠮ᠂ ᠦᠭᠡᠰ 1983 ᠣᠨ ᠤ ᠬᠢ ᠲᠠᠢ ᠠᠳᠠᠯᠢ ᠬᠡᠪ ᠢᠶᠡᠷ ᠪᠠᠶᠢᠭᠠ ᠶᠢ ᠬᠡᠯᠡ ᠰᠢᠨᠵᠢᠯᠡᠯ ᠦᠨ ᠰᠠᠯᠪᠤᠷᠢ ᠶᠢᠨ ᠬᠢᠨ ᠣᠨᠴᠠᠯᠠᠵᠤ᠂ ᠲᠠᠶᠢᠯᠪᠤᠷᠢ ᠥᠭᠭᠦᠭᠰᠡᠨ ᠶᠤᠮ᠃ ᠳᠥᠷᠪᠡᠨ ᠳ᠋ᠤᠭᠠᠷ ᠤᠨ ᠳᠠᠷᠠᠭᠠ ᠰᠢᠯᠭᠠᠷᠠᠭᠰᠠᠨ ᠰᠢᠯᠢᠳᠡᠭ 20 ᠦᠰᠦᠭᠯᠡᠭᠴᠢ ᠶᠢᠨ ᠥᠷᠢᠰᠦᠯᠳᠦᠭᠡᠨ ᠴᠢᠨᠠᠭᠰᠢᠳᠠ ᠢᠯᠡᠭᠦᠦ ᠰᠣᠨᠢᠷᠬᠠᠯ ᠲᠠᠢ ᠪᠣᠯᠵᠤ᠂ ᠣᠯᠠᠨ ᠡᠷᠡᠭᠡᠯᠵᠡᠭᠡ ᠲᠡᠢ ᠦᠭᠡ ᠶᠢᠨ ᠲᠠᠶᠢᠯᠤᠯ᠂ ᠳᠦᠷᠢᠮ ᠦᠨ ᠮᠡᠳᠡᠯᠭᠡ ᠶᠢ ᠲᠠ ᠪᠢᠳᠡᠨ ᠳᠦ ᠣᠯᠭᠣᠬᠤ ᠪᠢᠵᠡ ᠡ᠃