《 ᠪᠠᠢᠭᠠᠯᠢ ᠳᠤ ᠡᠭᠡᠯᠢᠲᠡᠢ ᠮᠤᠩᠭᠤᠯ ᠰᠤᠶᠤᠯ》ᠠᠶᠠᠨ ᠤ ᠬᠦᠷᠢᠶᠡᠨ ᠳᠦ ᠰᠣᠶᠣᠯ ᠤᠨ ᠶᠠᠮᠤᠨ ᠠᠴᠠ ᠬᠠᠮᠲᠤᠷᠠᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠤ ᠪᠤᠢ 《ᠠᠯᠲᠠᠨ ᠨᠠᠮᠤᠷ》ᠰᠤᠳᠤᠯᠪᠤᠷᠢ ᠵᠢᠷᠤᠭ ᠤᠨ ᠦᠵᠡᠰᠬᠦᠯᠡᠩ ᠢ ᠭᠤᠷᠪᠠᠳᠠᠬᠢ ᠵᠢᠯ ᠳᠦ ᠪᠡᠨ ᠮᠣᠩᠭᠣᠯ ᠤᠨ ᠤᠷᠠᠴᠤᠳ ᠤᠨ ᠡᠪᠯᠡᠯ ᠦᠨ ᠳᠡᠷᠭᠡᠳᠡᠬᠢ B ᠺᠤᠨᠲᠸᠮᠫᠤᠷᠠᠷᠢ ᠠᠷᠲ ᠭᠠᠯᠸᠷᠸᠢ ᠳᠤ ᠵᠣᠬᠢᠶᠠᠨ ᠪᠠᠶᠢᠭᠤᠯᠵᠤ ᠪᠠᠶᠢᠨᠠ᠃
ᠡᠨᠡ ᠤᠳᠠᠭᠠ ᠶᠢᠨ ᠰᠤᠳᠤᠯᠪᠤᠷᠢ ᠵᠢᠷᠤᠭ ᠤᠨ ᠦᠵᠡᠰᠬᠦᠯᠡᠩ ᠳᠦ ᠳ∙ᠭᠤᠩᠭᠠ᠂ ᠭ∙ᠳᠤᠨᠪᠤᠷᠡ ᠂ ᠨ∙ᠤᠷᠰᠤᠤ ᠵᠡᠷᠭᠡ ᠠᠬᠠᠮᠠᠳ ᠪᠣᠯᠤᠨ ᠵᠠᠯᠠᠭᠤ ᠦᠶᠡ ᠶᠢᠨ ᠲᠥᠯᠦᠭᠡᠯᠡᠯ ᠵᠢᠷᠤᠭᠠᠴᠢ ᠨ ∙ ᠭᠦᠨᠴᠢᠨᠰᠦ᠋ᠷᠦᠩ᠂ ᠰ∙ᠮᠥᠩᠬᠡᠪᠠᠭᠠᠲᠤᠷ ᠵᠡᠷᠭᠡ ᠵᠠᠯᠠᠭᠤ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠦᠨ ᠬᠠᠮᠲᠤᠷᠠᠭᠰᠠᠨ ᠨᠡᠶᠢᠲᠡ 75 ᠮᠡᠷᠭᠡᠵᠢᠯ ᠦᠨ ᠤᠷᠠᠨ ᠪᠦᠲᠦᠭᠡᠯᠴᠢ ᠶᠢᠨ 170 ᠭᠠᠷᠤᠢ ᠪᠦᠲᠦᠭᠡᠯ ᠴᠤᠭᠯᠠᠭᠰᠠᠨ ᠠᠴᠠ ᠰᠢᠯᠢᠳᠡᠭ 70 ᠣᠷᠴᠢᠮ ᠪᠦᠲᠦᠭᠡᠯ ᠦᠳ ᠳᠡᠯᠭᠡᠭᠳᠡᠵᠦ᠂ ᠰᠢᠯᠢᠳᠡᠭ ᠭᠤᠷᠪᠠᠨ ᠰᠤᠳᠤᠯᠪᠤᠷᠢ ᠵᠢᠷᠤᠭ ᠢ ᠰᠢᠯᠭᠠᠷᠠᠭᠤᠯᠵᠤ ᠰ ∙ ᠪᠠᠽᠠᠷᠪᠠᠨᠢ 《 ᠴᠠᠭᠠᠨ ᠰᠤᠪᠤᠷᠭᠠ》᠂ ᠲ ∙ ᠪᠠᠭᠠᠲᠤᠷᠴᠣᠭᠲᠤ ᠶᠢᠨ 《 ᠪᠤᠳᠤᠨᠴᠢ ᠶᠢᠨ ᠬᠠᠪᠴᠢᠯ》᠂ ᠭ∙ᠰᠸᠷᠠᠤᠳᠤ ᠶᠢᠨ《 ᠤᠯᠢᠶᠠᠰᠤᠲᠠᠢ ᠶᠢᠨ ᠪᠤᠷᠤᠭᠠᠨ》ᠵᠡᠷᠭᠡ ᠪᠦᠲᠦᠭᠡᠯ ᠦᠳ ᠰᠢᠯᠢᠳᠡᠭ ᠢᠶᠡᠷ ᠰᠢᠯᠭᠠᠷᠠᠯᠠ᠃ ᠭᠤᠷᠪᠠᠳᠠᠬᠢ ᠵᠢᠯ ᠳᠦ ᠪᠡᠨ ᠵᠣᠬᠢᠶᠠᠭᠳᠠᠵᠤ ᠪᠤᠢ《ᠠᠯᠲᠠᠨ ᠨᠠᠮᠤᠷ 2020》ᠰᠤᠳᠤᠯᠪᠤᠷᠢ ᠵᠢᠷᠤᠭ ᠤᠨ ᠰᠢᠯᠢᠳᠡᠭ ᠪᠦᠲᠦᠭᠡᠯ ᠦᠳ ᠦᠨ ᠦᠵᠡᠰᠬᠦᠯᠡᠩ ᠨᠢ ᠬᠡᠦᠬᠡᠳ ᠵᠠᠯᠠᠭᠤᠰ ᠲᠤ ᠰᠤᠳᠤᠯᠪᠤᠷᠢ ᠵᠢᠷᠤᠭ ᠤᠨ ᠣᠨᠴᠠᠯᠢᠭ ᠢ ᠰᠤᠷᠲᠠᠯᠴᠢᠯᠠᠨ ᠲᠠᠨᠢᠭᠤᠯᠬᠤ ᠵᠠᠯᠠᠭᠤ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠦᠨ ᠤᠷᠠ ᠴᠢᠳᠠᠪᠤᠷᠢ ᠶᠢ ᠰᠠᠶᠢᠵᠢᠷᠠᠭᠤᠯᠬᠤ᠂ ᠠᠬᠠᠮᠠᠳ ᠦᠶᠡ ᠡᠴᠡ ᠪᠡᠨ ᠢᠶᠡᠨ ᠂ ᠴᠢᠨᠠᠭᠰᠢᠯᠠᠭᠠᠳ ᠰᠤᠳᠤᠯᠪᠤᠷᠢ ᠵᠢᠷᠤᠭ ᠢ ᠬᠥᠭᠵᠢᠭᠦᠯᠬᠦ ᠠᠴᠢ ᠬᠣᠯᠪᠣᠭᠳᠠᠯ ᠲᠠᠢ᠃