ᠤᠪᠰᠤ ᠠᠢᠮᠠᠭ ᠤᠨ ᠤᠯᠠᠭᠠᠨ ᠭᠤᠮ ᠰᠤᠮᠤ ᠶᠢᠨ 8 ᠳ᠋ᠤᠭᠠᠷ ᠪᠠᠭ ᠤᠨ ᠮᠠᠯᠴᠢᠨ ᠳᠠᠸᠠ ᠶᠢᠨ ᠪᠠᠲᠤᠲᠤᠯᠭᠠ ᠪᠤᠶᠤ ᠪᠤᠵᠢᠩᠳᠠᠢ 20 ᠵᠢᠯ ᠬᠣᠨᠢᠨ ᠤ ᠪᠡᠯᠴᠢᠭᠡᠷ ᠲᠦ ᠨᠣᠮ ᠲᠠᠢ ᠨᠥᠬᠥᠷᠯᠡᠵᠦ ᠪᠠᠶᠢᠨᠠ᠃ ᠲᠡᠷᠡᠪᠡᠷ 2001 ᠣᠨ ᠳᠤ ᠲᠠᠪᠤᠨ ᠪᠤᠳᠤ ᠶᠢᠨ ᠦᠨᠡ ᠲᠡᠢ ᠴᠦᠨᠴᠢᠭᠨᠤᠷᠪᠤ ᠬᠦᠭᠡᠷᠭᠡ ᠪᠡᠨ ᠪᠠᠷᠢᠴᠠᠭᠠᠯᠠᠨ ᠠᠶᠢᠮᠠᠭ ᠤᠨ ᠲᠥᠪ ᠨᠣᠮ ᠤᠨ ᠰᠠᠩ ᠠᠴᠠ ᠰᠢᠭᠤᠳᠠᠢ ᠨᠣᠮ ᠠᠪᠴᠤ ᠤᠩᠰᠢᠵᠤ ᠪᠠᠢᠪᠠ᠃ ᠪᠢ ᠭᠣᠣᠯᠴᠢᠯᠠᠨ ᠳᠡᠯᠡᠬᠡᠢ ᠶᠢᠨ ᠪᠣᠯᠤᠭᠠᠳ ᠮᠣᠩᠭᠣᠯ ᠤᠯᠤᠰ ᠤᠨ ᠲᠡᠦᠬᠡ᠂ ᠣᠶᠢᠷᠠᠳ ᠮᠣᠩᠭᠣᠯᠴᠤᠳ ᠲᠠᠢ ᠬᠣᠯᠪᠣᠭᠠ ᠲᠠᠢ ᠨᠣᠮ ᠵᠣᠬᠢᠶᠠᠯ ᠤᠳ ᠢ ᠤᠩᠰᠢᠵᠤ ᠠᠷᠪᠢᠨ ᠮᠡᠳᠡᠯᠭᠡ ᠬᠤᠷᠠᠮᠳᠤᠭᠤᠯᠤᠭᠰᠠᠨ᠃ ᠨᠣᠮ ᠤᠩᠰᠢᠬᠤ ᠬᠠᠮᠤᠭ ᠤᠨ ᠲᠤᠬᠢᠷᠠᠮᠵᠢᠲᠠᠢ ᠭᠠᠵᠠᠷ ᠪᠣᠯ ᠬᠣᠨᠢᠨ ᠤ ᠪᠡᠯᠴᠢᠭᠡᠷ ᠪᠠᠶᠢᠳᠠᠭ᠃ ᠲᠡᠷᠲᠡᠭᠡ 2000 ᠣᠨ ᠤ ᠡᠬᠢ ᠪᠡᠷ ᠮᠠᠯᠴᠢᠨ ᠡᠷᠦᠭᠡ ᠤᠳᠤ ᠶᠢᠨ ᠬᠢ ᠰᠢᠭ᠋ ᠨᠠᠷᠠᠨ ᠤ ᠠᠩᠲ᠋ᠧᠨ ᠪᠠᠶᠢᠭᠰᠠᠨ ᠦᠭᠡᠢ᠃ ᠬᠠᠷᠢᠨ ᠲᠣᠰᠤᠨ ᠳ᠋ᠧᠩ ᠯᠠ ᠪᠠᠷᠢᠳᠠᠭ ᠪᠠᠶᠢᠪᠠ᠃ ᠲᠡᠷᠡ ᠦᠶᠡ ᠳᠦ ᠮᠠᠯ ᠤᠨ ᠵᠠᠬᠠ ᠳᠤ ᠨᠣᠮ ᠤᠩᠰᠢᠵᠤ ᠯᠠ ᠥᠪᠡᠷ ᠢ ᠪᠡᠨ ᠴᠡᠨᠡᠭᠯᠡᠳᠡᠭ ᠪᠠᠶᠢᠯᠠ᠃ ᠪᠢ ᠨᠢᠮᠭᠡᠪᠲᠦᠷ ᠨᠣᠮ ᠢ ᠨᠢᠭᠡ ᠬᠣᠨᠣᠭ ᠲᠤ᠂ 300 ᠍ ᠠᠴᠠ ᠳᠡᠭᠡᠭᠰᠢ ᠬᠠᠭᠤᠳᠠᠰᠤ ᠲᠠᠢ ᠨᠣᠮ ᠢ ᠬᠣᠶᠠᠷ ᠬᠣᠨᠣᠭ ᠲᠤ ᠪᠠᠭᠲᠠᠭᠠᠨ ᠤᠩᠰᠢᠴᠢᠬᠠᠳᠠᠭ᠃
ᠮᠠᠯᠴᠢᠨ ᠬᠦᠮᠦᠨ ᠭᠡᠬᠦ ᠪᠡᠷ ᠯᠠ ᠬᠠᠷᠠᠩᠭᠤᠢ ᠪᠦᠳᠦᠭᠦᠯᠢᠭ ᠪᠠᠶᠢᠵᠤ ᠪᠣᠯᠬᠤ ᠦᠭᠡᠢ᠃ ᠮᠣᠩᠭᠣᠯ ᠬᠦᠮᠦᠨ ᠪᠦᠷᠢ ᠲᠡᠦᠬᠡ ᠪᠡᠨ ᠮᠡᠳᠡᠳᠡᠭ ᠪᠠᠶᠢᠬᠤ ᠶᠣᠰᠣᠲᠠᠢ᠃ ᠣᠷᠴᠢᠨ ᠦᠶᠡ ᠶᠢᠨ ᠵᠠᠯᠠᠭᠤᠰ ᠨᠣᠮ ᠤᠩᠰᠢᠬᠤ ᠦᠭᠡᠢ ᠮᠦᠷᠲᠡᠯᠡ ᠭᠠᠷ ᠤᠲᠠᠰᠤ᠂ ᠤᠨᠯᠠᠢᠨ ᠬᠡᠷᠡᠭᠯᠡᠭᠡᠨ ᠳᠦ ᠲᠦᠯᠬᠢᠭᠦᠦ ᠠᠩᠬᠠᠷᠤᠯ ᠬᠠᠨᠳᠤᠭᠤᠯᠤᠨ ᠴᠠᠭ ᠵᠠᠪ ᠢᠶᠠᠨ ᠪᠠᠷᠠᠵᠤ ᠪᠠᠶᠢᠨᠠ᠃ ᠤᠨᠯᠠᠢᠨ ᠬᠡᠯᠪᠡᠷᠢ ᠪᠡᠷ ᠮᠡᠳᠡᠭᠡᠯᠡᠯ ᠠᠪᠴᠤ ᠪᠣᠯᠬᠤ ᠴᠤ ᠨᠢᠳᠦᠨ ᠳᠦ ᠬᠠᠯᠠ ᠲᠠᠢ᠃ ᠬᠠᠷᠢᠨ ᠴᠠᠭᠠᠰᠤᠨ ᠬᠡᠯᠪᠡᠷᠢ ᠶᠢᠨ ᠨᠣᠮ ᠵᠣᠬᠢᠶᠠᠯ ᠨᠢ ᠬᠥᠳᠡᠭᠡ ᠬᠡᠭᠡᠷᠡ ᠶᠠᠮᠠᠷ ᠴᠤ ᠨᠥᠬᠥᠴᠡᠯ ᠳᠦ ᠪᠡᠶᠡ ᠳᠦ ᠪᠡᠨ ᠠᠪᠴᠤ ᠶᠠᠪᠤᠭᠠᠳ ᠤᠩᠰᠢᠬᠤ ᠪᠣᠯᠤᠮᠵᠢ ᠲᠠᠢ᠂ ᠦᠨᠡ ᠴᠡᠨᠡ ᠲᠡᠢ ᠮᠡᠳᠡᠯᠭᠡ ᠪᠣᠯᠳᠠᠭ ᠶᠤᠮ ᠬᠡᠮᠡᠨ ᠲᠡᠷᠡᠪᠡᠷ ᠬᠡᠯᠡᠯᠡ᠃
