ᠡᠨᠡ ᠵᠢᠯ ᠪᠠᠢᠢᠩᠭᠤ ᠵᠢᠨ ᠠᠵᠢᠯᠯᠠᠭᠠ ᠲᠠᠢ ᠫᠠᠷᠯᠠᠮᠧᠨᠲ ᠤᠨ 30 ᠵᠢᠯ ᠤᠨ ᠣᠢ ᠲᠤᠬᠢᠶᠠᠵᠤ ᠪᠠᠢᠢᠭᠠ ᠲᠠᠢ ᠬᠤᠯᠪᠣᠬᠳᠠᠭᠤᠯᠤᠨ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠳᠠᠷᠤᠭᠠ ᠭ᠊ · ᠽᠠᠨᠳᠠᠨᠰᠢᠲᠠᠷᠠ ᠦᠶᠡ ᠦᠶᠡ ᠵᠢᠨ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠳᠠᠷᠤᠭᠠ ᠨᠠᠷ ᠊ᠢ ᠬᠦᠯᠢᠶᠡᠨ ᠠᠪᠴᠤ ᠠᠭᠤᠯᠵᠠᠵᠠᠢ ᠃ ᠠᠭᠤᠯᠵᠠᠯᠲᠠ ᠳᠤ ᠫᠠᠷᠯᠠᠮᠧᠨᠲ ᠤᠨ ᠰᠫᠢᠺᠧᠷ ᠵᠢᠨᠷ ᠠᠵᠢᠯᠯᠠᠵᠤ ᠪᠠᠢᠢᠬᠰᠠᠨ ᠨ᠊ · ᠪᠠᠭᠠᠪᠠᠨᠳᠢ ᠂ ᠰ᠊ · ᠲᠡᠮᠦᠷᠸᠴᠢᠷ ᠂ ᠨ᠊ · ᠡᠩᠬᠡᠪᠠᠶᠠᠷ ᠂ ᠴ᠊ · ᠨᠢᠮᠠᠳᠤᠷᠵᠢ ᠂ ᠳ᠋᠊ · ᠯᠦᠩᠳᠦᠭᠵᠡᠯᠰᠡᠨ ᠂ ᠳ᠋᠊ · ᠳᠡᠮᠪᠡᠷᠢᠯ ᠂ ᠵ᠊ · ᠡᠩᠬᠡᠪᠣᠯᠤᠳ ᠂ ᠮ᠊ · ᠡᠩᠬᠡᠪᠣᠯᠤᠳ ᠨᠠᠷ ᠣᠷᠤᠯᠴᠠᠬᠰᠠᠨ ᠶᠤᠮ ᠃ ᠤᠯᠤᠰ ᠦᠨ ᠪᠠᠭᠠ ᠬᠤᠷᠠᠯ ᠤᠨ ᠳᠠᠷᠤᠭᠠ ᠂ 1996 – 2000 ᠣᠨ ᠳᠤ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠳᠠᠷᠤᠭᠠ ᠪᠡᠷ ᠠᠵᠢᠯᠯᠠᠵᠤ ᠪᠠᠢᠢᠬᠰᠠᠨ ᠷ᠊ · ᠭᠤᠨᠴᠤᠬᠳᠤᠷᠵᠢ ᠲᠤᠭᠠᠨ ᠤ ᠤᠬᠠᠭᠠᠨ ᠤ ᠣᠯᠠᠨ ᠤᠯᠤᠰ ᠤᠨ ᠴᠠᠬᠢᠮ ᠣᠯᠢᠮᠫᠢᠶᠠᠳ᠋ ᠵᠤᠬᠢᠶᠠᠨ ᠪᠠᠢᠢᠭᠤᠯᠬᠤ ᠠᠵᠢᠯ ᠳᠤ ᠣᠷᠤᠯᠴᠠᠵᠤ ᠪᠠᠢᠢᠭᠠ ᠲᠤᠯᠠ ᠬᠠᠷᠠᠬᠠᠨ ᠬᠦᠷᠦᠯᠴᠡᠨ ᠢᠷᠠᠵᠤ ᠠᠮᠵᠢᠭᠠ ᠦᠭᠡᠢ ᠪᠠᠢᠢᠨᠠ ᠃
ᠣᠢ ᠵᠢᠨ ᠬᠦᠷᠢᠶᠡᠨ ᠳ᠋ᠦ ᠫᠠᠷᠯᠠᠮᠧᠨᠲ ᠤᠨ ᠠᠷᠠᠳᠴᠢᠯᠠᠯ ᠊ᠢ ᠪᠡᠬᠢᠵᠢᠭᠦᠯᠬᠦ ᠂ ᠴᠠᠬᠢᠮ ᠫᠠᠷᠯᠠᠮᠧᠨᠲ ᠪᠣᠯᠬᠤ ᠂ 30 ᠵᠢᠯ ᠤᠨ ᠬᠤᠭᠤᠴᠠᠭᠠᠨ ᠳᠤ ᠮᠤᠩᠭᠤᠯ ᠤᠨ ᠫᠠᠷᠯᠠᠮᠧᠨᠲ ᠤᠨ ᠣᠯᠤᠬᠰᠠᠨ ᠣᠯᠤᠯᠲᠠ ᠂ ᠬᠦᠷᠦᠭᠰᠡᠨ ᠦᠷᠡ ᠳ᠋ᠦᠩ ᠊ᠢ ᠨᠢᠭᠡᠳᠬᠡᠨ ᠳ᠋ᠦ᠋ᠩᠨᠡᠬᠦ ᠂ ᠦᠶᠡ ᠦᠶᠡ ᠵᠢᠨ ᠫᠠᠷᠯᠠᠮᠸᠨᠲᠴᠢᠳ ᠤᠨ ᠬᠤᠷᠠᠮᠳᠤᠯᠠᠭᠤᠯᠤᠬᠰᠠᠨ ᠲᠤᠷᠰᠢᠯᠭᠠ ᠂ ᠮᠡᠳᠡᠯᠭᠡ ᠡᠴᠡ ᠰᠤᠷᠤᠯᠴᠠᠬᠤ ᠂ ᠬᠠᠤᠯᠢ ᠲᠤᠬᠲᠠᠭᠠᠬᠤ ᠂ ᠬᠢᠨᠠᠨ ᠰᠢᠯᠭᠠᠬᠤ ᠦᠢᠯᠡ ᠠᠵᠢᠯᠯᠠᠭᠠᠨ ᠪ ᠦᠷᠡ ᠨᠥᠯᠦᠭᠡ ᠂ ᠴᠢᠨᠠᠷ ᠊ᠢ ᠰᠠᠢᠢᠵᠢᠷᠠᠭᠤᠯᠬᠤ ᠳᠤ ᠲᠦᠯᠬᠢᠭᠦᠦ ᠠᠩᠬᠠᠷᠴᠤ ᠪᠠᠢᠢᠭᠠ ᠵᠢ ᠭ᠊·ᠽᠠᠨᠳᠠᠨᠰᠢᠲᠠᠷᠠ ᠤᠨᠴᠠᠯᠠᠭᠠᠳ᠂ ᠫᠠᠷᠯᠠᠮᠧᠨᠲ ᠤᠨ ᠵᠠᠰᠠᠬᠯᠠᠯ ᠲᠠᠢ ᠤᠯᠤᠰ ᠣᠷᠤᠨ ᠨᠤᠭᠤᠳ ᠲᠤ︽ᠰᠫᠢᠺᠧᠷ ᠤᠳ ᠤᠨ ᠺᠯᠦ᠋ᠪ︾ ᠭᠡᠵᠦ ᠪᠠᠢᠢᠳᠠᠭ ᠵᠢᠱᠢᠭ ᠤᠨ ᠳᠠᠭᠠᠤ ᠦᠶᠡ ᠦᠶᠡ ᠵᠢᠨ ᠶᠡᠬᠡ ᠬᠤᠷᠠᠯ ᠤᠨ ᠳᠠᠷᠤᠭᠠ ᠨᠠᠷ ᠤᠨ︽ ᠶᠡᠬᠡ ᠬᠤᠷᠠᠯᠳᠠᠢ︾ᠺᠯᠦ᠋ᠪ ᠪᠠᠢᠢᠭᠤᠯᠬᠤ ᠰᠠᠨᠠᠯ ᠲᠠᠯᠪᠢᠬᠰᠠᠨ ᠊ᠢ ᠨᠢ ᠬᠠᠭᠤᠴᠢᠨ ᠶᠡᠬᠡ ᠬᠤᠷᠠᠯ ᠤᠨ ᠳᠠᠷᠤᠭᠠ ᠨᠠᠷ ᠰᠠᠨᠠᠯ ᠨᠢᠭᠡᠲᠡᠢ ᠳᠡᠮᠵᠢᠵᠡᠢ ᠃
ᠡᠨᠡ ᠬᠦ ᠺᠯᠦ᠋ᠪ ᠨᠢ ᠬᠠᠤᠯᠢ ᠲᠤᠬᠲᠠᠭᠠᠬᠤ ᠦᠢᠯᠡ ᠠᠵᠢᠯᠯᠠᠭᠠ ᠵᠢ ᠰᠠᠢᠢᠵᠢᠷᠠᠭᠤᠯᠬᠤ ᠂ ᠫᠠᠷᠯᠠᠮᠧᠨᠲ ᠤᠨ ᠲᠤᠬᠲᠠᠯᠴᠠᠭᠠ ᠵᠢ ᠴᠠᠭᠠᠰᠢᠳᠠ ᠲᠥᠯᠦᠪᠰᠢᠭᠦᠯᠬᠦ ᠂ ᠰᠤᠳᠤᠯᠭᠠ ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠳᠤ ᠰᠠᠭᠤᠷᠢᠯᠠᠬᠰᠠᠨ ᠮᠡᠳᠭᠡᠯᠴᠡᠭᠡᠨ ᠪ ᠵᠠᠷᠴᠢᠮ ᠊ᠢ ᠬᠡᠪᠰᠢᠭᠦᠯᠬᠦ ᠂ ᠬᠠᠷᠢᠯᠴᠠᠨ ᠲᠤᠷᠰᠢᠯᠭᠠ ᠰᠤᠷᠭᠠᠮᠵᠢ ᠪᠠᠨ ᠰᠤᠯᠢᠯᠴᠠᠬᠤ ᠂ ᠲᠤᠯᠭᠠᠮᠳᠠᠬᠰᠠᠨ ᠠᠰᠠᠭᠤᠳᠠᠯ ᠵᠢᠨᠨ ᠬᠠᠮᠲᠤᠷᠠᠨ ᠶᠠᠷᠢᠯᠴᠠᠵᠤ ᠵᠥᠪᠰᠢᠯᠴᠡᠬᠦ ᠂ ᠫᠠᠷᠯᠠᠮᠧᠨᠲ ᠤᠨ ᠭᠡᠰᠢᠭᠦᠳ ᠲᠠᠢ ᠬᠠᠮᠲᠤᠷᠠᠨ ᠠᠭᠤᠯᠵᠠᠯᠲᠠ ᠶᠠᠷᠢᠯᠴᠠᠯᠭᠠ ᠂ ᠬᠡᠯᠡᠯᠴᠡᠭᠦᠯᠭᠡ ᠵᠤᠬᠢᠶᠠᠨ ᠪᠠᠢᠢᠭᠤᠯᠬᠤ ᠵᠡᠷᠭᠡ ᠴᠢᠭᠯᠡᠯ ᠵᠢᠨᠷ ᠠᠵᠢᠯᠯᠠᠬᠤ ᠰᠠᠢᠢᠨ ᠳᠤᠷᠠ ᠵᠢᠨ ᠮᠸᠬᠠᠨᠢᠰᠮ ᠪᠠᠢᠢᠬᠤ ᠶᠤᠮ ᠃
