ᠥᠨᠦᠳᠦᠷ ᠮᠤᠩᠭᠤᠯ ᠤᠯᠤᠰ ᠲᠤ ᠤᠯᠤᠰ ᠲᠥᠷᠦ ᠵᠢᠨ ᠬᠢᠯᠢᠰ ᠬᠡᠷᠡᠭ ᠲᠦ ᠬᠡᠯᠮᠡᠭᠳᠡᠭᠰᠡᠳ ᠤᠨ ᠳᠤᠷᠠᠰᠬᠠᠯ ᠊ᠢ ᠬᠦᠨᠳᠦᠳᠬᠡᠬᠦ ᠡᠳᠦᠷ ᠲᠤᠬᠢᠶᠠᠵᠤ ᠪᠠᠢᠢᠨᠠ ᠃ ᠮᠤᠩᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ᠊·ᠪᠠᠲᠤᠲᠤᠯᠭᠠ᠂ ᠶᠡᠷᠦᠩᠬᠡᠢ ᠰᠠᠢᠢᠳ ᠤ᠊·ᠬᠦᠷᠡᠯᠰᠦ᠋ᠬᠡ᠂ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠳᠠᠷᠤᠭᠠ ᠭ᠊ · ᠽᠠᠨᠳᠠᠨᠰᠢᠲᠠᠷᠠ ᠨᠠᠷ ᠬᠡᠯᠮᠡᠭᠳᠡᠭᠰᠡᠳ ᠤᠨ ᠬᠥᠰᠢᠶᠡᠨ ᠳ᠋ᠦ ᠴᠡᠴᠡᠭ ᠡᠷᠭᠦᠯᠡ᠃
ᠡᠨᠡ ᠦᠶᠡ ᠪᠡᠷ ᠶᠡᠷᠦᠩᠬᠡᠢᠢᠯᠡᠭᠴᠢ ᠬ᠊·ᠪᠠᠲᠤᠲᠤᠯᠭᠠ᠄ ᠪᠢᠳᠠ 80 ᠵᠢᠯ ᠦᠨ ᠡᠮᠦᠨᠡᠬᠢ ᠬᠡᠵᠢᠶᠡ ᠴᠦ ᠮᠠᠷᠲᠠᠭᠳᠠᠬᠤ ᠦᠭᠡᠢ ᠬᠠᠷᠠ ᠡᠳᠦᠷ ᠊ᠢ ᠨᠡᠬᠡᠨ ᠰᠠᠨᠠᠵᠤ ᠂ ᠤᠯᠤᠰ ᠲᠥᠷᠦ ᠵᠢᠨ ᠬᠡᠯᠮᠡᠭᠳᠡᠭᠰᠡᠳ ᠤᠨ ᠳᠤᠷᠠᠰᠬᠠᠯ ᠊ᠢ ᠬᠦᠨᠳᠦᠳᠬᠡᠬᠦ ᠵᠢᠨ ᠵᠡᠷᠭᠡᠴᠡᠭᠡ ᠲᠡᠦᠬᠡᠨ ᠭᠠᠰᠢᠭᠤᠨ ᠰᠤᠷᠭᠠᠮᠵᠢ ᠵᠢ ᠲᠥᠷᠦ ᠵᠢᠨ ᠣᠢ ᠰᠠᠨᠠᠮᠵᠢ ᠳ᠋ᠤ ᠪᠠᠲᠤᠲᠠᠢ ᠰᠠᠭᠤᠯᠭᠠᠵᠤ ᠂ ᠨᠡᠢᠢᠭᠡᠮ ᠤᠨ ᠡᠷᠬᠡ ᠴᠢᠯᠦᠭᠡ ᠵᠢ ᠢᠮᠠᠭᠲᠠ ᠰᠠᠬᠢᠨ ᠬᠠᠮᠠᠭᠠᠯᠠᠬᠤ ᠂ ᠲᠥᠷᠦ ᠵᠢᠨ ᠳᠠᠷᠬᠠᠯᠠᠭᠠ ᠵᠢ ᠪᠡᠬᠢᠵᠢᠭᠦᠯᠬᠦ ᠵᠢᠨ ᠴᠢᠬᠤᠯᠠ ᠵᠢ ᠳᠠᠬᠢᠨ ᠨᠢᠭᠡ ᠡᠷᠭᠢᠴᠡᠭᠦᠯᠬᠦ ᠬᠡᠷᠡᠭᠲᠡᠢ ᠃ ᠴᠠᠭᠠᠳᠬᠠᠬᠤ ᠠᠵᠢᠯ ᠊ᠢ ᠵᠤᠬᠢᠶᠠᠨ ᠪᠠᠢᠢᠭᠤᠯᠬᠤ ᠤᠯᠤᠰ ᠤᠨ ᠺᠣᠮᠢᠰ ᠤᠨ ᠭᠠᠷᠭᠠᠭᠰᠠᠨ ᠲᠤᠭᠠ ᠪᠠᠷᠢᠮᠲᠠ ᠨᠤᠭᠤᠳ ᠡᠴᠠ ᠵᠠᠷᠢᠮ ᠊ᠢ ᠳᠤᠷᠠᠰᠬᠤ ᠳ᠋ᠤ ᠰᠡᠳᠬᠢᠯ ᠵᠢᠷᠦᠬᠡ ᠰᠢᠮᠰᠢᠷᠡᠵᠦ ᠪᠠᠢᠢᠨᠠ ᠃ 1937 – 1939 ᠣᠨ ᠬᠦᠷᠲᠡᠯᠡᠬᠢ ᠬᠤᠶᠠᠷ ᠵᠢᠯ ᠤᠨ ᠬᠤᠭᠤᠴᠠᠭᠠᠨ ᠳᠤ ᠣᠨᠴᠠᠭᠠᠢ ᠪᠦᠷᠢᠨ ᠡᠷᠬᠡᠲᠦ ᠺᠣᠮᠢᠰ ᠭᠡᠭᠴᠢ ᠭᠡᠯᠮᠡᠭᠳᠡᠭᠦᠯᠦᠯᠲᠡ ᠵᠢ ᠭᠠᠷᠳᠠᠨ ᠬᠡᠷᠡᠭᠵᠢᠭᠦᠯᠬᠦ ᠪᠦᠲᠦᠴᠡ 25824 ᠬᠥᠮᠦᠨ ᠊ᠢ ᠬᠢᠯᠢᠰ ᠬᠡᠷᠡᠭ ᠲᠦ ᠤᠨᠠᠭᠠᠨ ᠰᠢᠢᠳᠬᠡᠭᠰᠡᠨ ᠡᠴᠡ 20474 ᠬᠥᠮᠦᠨ ᠳ᠋ᠦ ᠫᠤᠤᠳᠠᠨ ᠠᠯᠠᠬᠤ ᠶᠠᠯᠠ ᠵᠢ ᠣᠨᠤᠭᠠᠵᠤ ᠪᠠᠢᠢᠵᠠᠢ᠃ ᠮᠥᠨ ᠨᠡᠢᠢᠲᠡ 17000 ᠣᠷᠴᠢᠮ ᠯᠠᠮᠠ ᠬᠤᠸᠠᠷᠠᠭ ᠬᠢᠯᠢᠰ ᠬᠡᠷᠡᠭ ᠲᠦ ᠰᠢᠢᠳᠭᠡᠭᠳᠡᠭᠰᠡᠨ ᠦ 14000 ᠨᠢ ᠴᠠᠭᠠᠵᠠ ᠪᠠᠷ ᠠᠪᠬᠠᠭᠤᠯᠵᠠᠢ᠃ ᠡᠨᠡ ᠪᠣᠯ ᠮᠤᠩᠭᠤᠯ ᠤᠨ ᠥᠪ ᠤᠯᠠᠮᠵᠢᠯᠠᠯ᠂ ᠢᠵᠠᠭᠤᠷ ᠰᠡᠳᠬᠢᠯᠭᠡ ᠂ ᠦᠨᠳᠦᠰᠦᠨ ᠪ ᠣᠢ ᠰᠠᠨᠠᠮᠵᠢ ᠡᠬᠡ ᠤᠷᠤᠨᠴᠢ ᠲᠡᠮᠡᠦᠯᠦᠯ ᠊ᠢ ᠬᠢᠷᠢ ᠬᠡᠮᠵᠢᠶᠡ ᠪᠡᠷ ᠲᠠᠰᠤᠯᠤᠨ ᠬᠠᠶᠠᠭᠰᠠᠨ ᠊ᠢ ᠢᠯᠡᠳᠬᠡᠬᠦ ᠲᠤᠭᠠ ᠶᠤᠮ᠃ ᠤᠯᠤᠰ ᠲᠥᠷᠦ ᠵᠢᠨ ᠭᠡᠯᠮᠡᠭᠳᠡᠭᠦᠯᠦᠯᠲᠡ ᠪᠣᠯ ᠠᠯᠢ ᠴᠦ ᠴᠠᠭ ᠦᠶᠡ ᠳ᠋ᠦ ᠲᠥᠷᠦ ᠡᠴᠡ ᠭᠠᠷᠭᠠᠵᠤ ᠪᠣᠯᠤᠮᠠ ᠦᠭᠡᠢ ᠪᠠᠯᠠᠮᠠᠳ ᠦᠢᠯᠡᠳᠦᠯ ᠪᠥᠭᠡᠳ ᠦᠨᠳᠦᠰᠦᠲᠡᠨ ᠪ ᠲᠡᠷᠢᠭᠦᠨ ᠪ ᠣᠶᠤᠨ ᠤᠬᠠᠭᠠᠨ᠂ ᠳᠠᠷᠬᠠᠯᠠᠭᠠ ᠵᠢ ᠮᠥᠬᠦᠭᠡᠬᠦ ᠳᠠᠯᠳᠠ ᠶᠠᠪᠤᠭᠤᠯᠭᠠ ᠵᠢᠨ ᠢᠯᠡᠷᠬᠡᠢᠢᠯᠡᠯ ᠶᠤᠮ᠃ ᠮᠤᠩᠭᠤᠯ ᠤᠨ ᠲᠥᠷᠦ ᠳᠠᠬᠢᠵᠤ ᠠᠷᠠᠳ ᠢᠷᠭᠡᠳ ᠵᠢᠨᠨ ᠬᠡᠯᠮᠡᠭᠳᠡᠭᠦᠯᠬᠦ ᠦᠭᠡᠢ ᠪᠠᠢᠢᠬᠤ ᠪᠠᠲᠤ ᠪᠥᠬᠡ ᠠᠷᠠᠳᠴᠢᠯᠠᠯ᠂ ᠰᠢᠳᠤᠷᠭᠤ ᠶᠤᠰᠣ ᠵᠢ ᠪᠡᠬᠢᠵᠢᠭᠦᠯᠬᠦ ᠤᠴᠢᠷᠲᠠᠢ ᠃ ᠲᠡᠢᠢᠮᠦ ᠡᠴᠡ ᠮᠤᠩᠭᠤᠯ ᠤᠨ ᠲᠥᠷᠦ ᠬᠡᠯᠮᠡᠭᠳᠡᠭᠰᠡᠳ ᠤᠨ ᠠᠷᠤ ᠭᠡᠷ ᠂ ᠦᠷᠡ ᠬᠡᠦᠬᠡᠳ ᠡᠴᠡ ᠣᠷᠤᠢᠢᠲᠠᠭᠰᠠᠨ ᠴᠦ ᠭᠡᠰᠡᠨ ᠠᠭᠤᠴᠢᠯᠠᠯᠲᠠ ᠬᠦᠰᠡᠵᠦ ᠶᠤᠰᠣ ᠵᠦᠢ ᠲᠠᠢ ᠪᠠᠢᠢᠬᠤ ᠶᠤᠰᠤᠲᠠᠢ ᠃ ᠪᠢ ᠤᠯᠤᠰ ᠣᠷᠤᠨ ᠊ᠢ ᠲᠡᠷᠢᠭᠦᠯᠡᠵᠦ ᠪᠠᠢᠢᠭᠠ ᠬᠥᠮᠦᠨ ᠪ ᠬᠤᠪᠢ ᠳᠤ ᠤᠯᠤᠰ ᠲᠥᠷᠦ ᠵᠢᠨ ᠬᠡᠯᠮᠡᠭᠳᠡᠭᠦᠯᠦᠯᠲᠡ ᠳ᠋ᠦ ᠥᠷᠲᠦᠭᠰᠡᠨ ᠢᠷᠭᠡᠳ ᠤᠨ ᠠᠷᠤ ᠭᠡᠷ ᠂ ᠦᠷᠡ ᠬᠤᠢᠴᠢᠰ ᠠᠴᠠ ᠭᠦᠨᠡ ᠠᠭᠤᠴᠢᠯᠠᠯ ᠬᠦᠰᠡᠵᠦ ᠪᠠᠢᠢᠨᠠ ᠭᠡᠯᠡ ᠃