ᠶᠡᠷᠦᠩᠬᠡᠢ ᠰᠠᠢᠢᠳ ᠤ᠊ ·ᠬᠦᠷᠡᠯᠰᠦ᠋ᠬᠡ ᠰᠠᠢᠢᠳ ᠨᠠᠷ ᠵᠢᠨᠨ ᠲᠤᠮᠢᠯᠠᠭᠰᠠᠨ ᠵᠠᠬᠢᠷᠤᠮᠵᠢ ᠭᠠᠷᠭᠠᠯᠠ ᠃ ᠤᠭ ᠵᠠᠬᠢᠷᠤᠮᠵᠢ ᠪᠠᠨ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠳ᠋ᠤ ᠲᠠᠨᠢᠯᠴᠠᠭᠤᠯᠪᠠ ᠃ ᠡᠭᠦᠨ ᠲᠠᠢ ᠬᠤᠯᠪᠣᠭᠳᠠᠭᠤᠯᠤᠨ ᠰᠢᠨᠡ ᠪᠡᠷ ᠲᠤᠮᠢᠯᠠᠭᠳᠠᠭᠰᠠᠨ ᠰᠠᠢᠢᠳ ᠨᠠᠷ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠳ᠋ᠤ ᠲᠠᠩᠭᠠᠷᠢᠭ ᠡᠷᠭᠦᠯᠡ ᠃ ᠰᠠᠢᠢᠳ ᠨᠠᠷ᠄ ᠮᠤᠩᠭᠤᠯ ᠤᠯᠤᠰ ᠦᠨ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠭᠡᠰᠢᠭᠦᠨ ᠪᠢ ᠤᠯᠤᠰ ᠤᠨ ᠵᠢᠨᠨ ᠠᠰᠢᠭ ᠰᠤᠨᠢᠷᠬᠠᠯ ᠊ᠢ ᠡᠷᠬᠢᠮᠯᠡᠨ ᠲᠥᠷᠦᠲᠦ ᠶᠤᠰᠣ ᠂ ᠲᠡᠦᠬᠡ ᠰᠤᠶᠤᠯ ᠤᠨ ᠵᠢᠨᠨ ᠤᠯᠠᠮᠵᠢᠯᠠᠯ ᠊ᠢ ᠬᠦᠨᠳᠦᠳᠬᠡᠵᠦ᠂ ᠮᠤᠩᠭᠤᠯ ᠤᠯᠤᠰ ᠦᠨ ᠦᠨᠳᠦᠰᠦᠨ ᠬᠠᠤᠯᠢ ᠵᠢ ᠳᠡᠭᠡᠳᠦᠯᠡᠨ ᠰᠠᠬᠢᠵᠤ ᠠᠪᠯᠢᠭᠠ ᠂ ᠠᠰᠢᠭ ᠰᠤᠨᠢᠷᠬᠠᠯ ᠤᠨ ᠵᠥᠷᠢᠴᠡᠯ ᠡᠴᠡ ᠠᠩᠭᠢᠳᠠ ᠪᠠᠢᠢᠵᠤ ᠂ ᠲᠥᠷᠦ ᠵᠢᠨ ᠬᠠᠤᠯᠢ ᠪᠡᠶᠡᠯᠡᠭᠦᠯᠬᠦ ᠠᠵᠢᠯ ᠊ᠢ ᠲᠥᠷᠦ ᠂ ᠠᠷᠠᠳ ᠲᠦᠮᠡᠨ ᠂ ᠮᠤᠩᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢ ᠰᠠᠢᠢᠳ ᠤᠨ ᠡᠮᠦᠨᠡ ᠪᠡᠶᠡᠴᠢᠯᠡᠨ ᠬᠠᠷᠢᠭᠤᠴᠠᠵᠤ ᠂ ᠵᠠᠰᠠᠭ ᠤᠨ ᠭᠠᠵᠠᠷ ᠤᠨ ᠭᠡᠰᠢᠭᠦᠨ ᠪ ᠡᠭᠦᠷᠭᠡ ᠪᠡᠨ ᠴᠢᠩ ᠰᠢᠳᠤᠷᠭᠤ ᠪᠠᠷ ᠪᠡᠶᠡᠯᠡᠭᠦᠯᠬᠦ ᠪᠡᠨ ᠲᠠᠩᠭᠠᠷᠢᠭᠯᠠᠶᠠ ᠃ ᠮᠢᠨᠤ ᠪᠡᠶᠡ ᠡᠨᠡ ᠲᠠᠩᠭᠠᠷᠢᠭ ᠡᠴᠠ ᠪᠠᠨ ᠨᠢᠴᠤᠪᠠᠯ ᠬᠠᠤᠯᠢ ᠵᠢᠨ ᠬᠠᠷᠢᠭᠤᠴᠠᠯᠭᠠ ᠬᠦᠯᠢᠶᠡᠨᠡ ᠬᠡᠮᠡᠨ ᠲᠠᠩᠭᠠᠷᠢᠭ ᠡᠷᠭᠦᠵᠦ ᠪᠠᠢᠢᠭᠠ ᠶᠤᠮ ᠃ ᠮᠤᠩᠭᠤᠯ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠶᠡᠷᠦᠩᠬᠡᠢ ᠴᠢᠭ ᠡᠭᠦᠷᠭᠡ ᠵᠢᠨ 6 ᠂ ᠴᠢᠭᠯᠡᠯ ᠤᠨ 8 ᠨᠡᠢᠢᠲᠡ 14 ᠶᠠᠮᠤᠨ ᠂ 17 ᠰᠠᠢᠢᠳ ᠲᠠᠢ ᠪᠠᠷ ᠦᠢᠯᠡ ᠠᠵᠢᠯᠯᠠᠭᠠ ᠪᠠᠨ ᠶᠠᠪᠤᠭᠤᠯᠤᠨᠠ ᠃