ᠪᠤᠯᠠᠭᠠᠨ ᠠᠢᠢᠮᠠᠭ ᠤᠨ ᠮᠦᠽᠧᠢ ᠵᠢᠨ ᠠᠵᠢᠯᠲᠠᠳ ᠬᠠᠳᠠᠨ ᠪ ᠵᠢᠷᠤᠭ ᠂ ᠪᠢᠴᠢᠭᠡᠰᠦ ᠰᠢᠨᠡ ᠪᠡᠷ ᠣᠯᠵᠤ ᠂ ᠲᠡᠦᠬᠡ ᠰᠤᠶᠤᠯ ᠤᠨ ᠦᠯᠦ ᠬᠥᠳᠡᠯᠬᠦ ᠳᠤᠷᠠᠰᠬᠠᠯᠲᠤ ᠵᠦᠢᠯ ᠤᠨ ᠵᠢᠭᠰᠠᠭᠠᠯᠲᠠ ᠳᠤ ᠪᠦᠷᠢᠳᠬᠡᠵᠡᠢ ᠃ ᠲᠤᠰ ᠠᠢᠢᠮᠠᠭ ᠤᠨ ᠣᠷᠬᠤᠨ ᠰᠤᠮᠤ ᠵᠢᠨ ᠨᠢᠭᠡᠳᠦᠭᠡᠷ ᠪᠠᠭ ᠦᠨ ᠨᠤᠲᠤᠭ ᠰᠢᠪᠠᠭᠤᠲᠤ ᠶᠢᠨ ᠭᠤᠤᠯ ᠂ ᠭᠤᠷᠪᠠᠳᠤᠭᠠᠷ ᠪᠠᠭ ᠤᠨ ᠨᠤᠲᠤᠭ ᠠᠭᠤᠢ ᠵᠢᠨ ᠨᠤᠭᠤ ᠬᠡᠮᠡᠬᠦ ᠭᠠᠵᠠᠷ ᠨᠠᠢᠮᠠᠨ ᠰᠢᠷᠬᠡᠭ ᠲᠡᠦᠬᠡ ᠵᠢᠨ ᠳᠤᠷᠠᠰᠬᠠᠯ ᠊ᠢ ᠨᠡᠭᠡᠭᠡᠵᠦ ᠪᠠᠷᠢᠮᠲᠠᠵᠢᠭᠤᠯᠤᠭᠰᠠᠨ ᠪᠠᠢᠢᠨᠠ ᠃
ᠠᠢᠢᠮᠠᠭ ᠤᠨ ᠮᠦᠽᠧᠢ ᠵᠢᠨ ᠠᠵᠢᠯᠲᠠᠨ ᠷ᠊ · ᠪᠣᠯᠤᠳ ᠄ ᠬᠠᠳᠠᠨ ᠳᠡᠭᠡᠷᠡ ᠵᠤᠭᠰᠤᠵᠤ ᠪᠠᠢᠢᠭᠠ ᠬᠥᠮᠦᠨ ᠂ ᠲᠠᠮᠠᠭᠠ ᠂ ᠪᠤᠭᠤ ᠂ ᠶᠠᠩᠭᠢᠷ ᠊ᠢ ᠳᠦᠷᠰᠦᠯᠡᠨ ᠰᠡᠢᠢᠯᠦᠭᠰᠡᠨ ᠵᠢᠷᠤᠭ ᠤᠳ ᠪᠠᠢᠢᠭᠰᠠᠨ ᠃ ᠮᠥᠨ ᠪᠠᠢᠢᠭᠠᠯᠢ ᠵᠢᠨ ᠲᠤᠭᠲᠠᠴᠠ ᠪᠦᠬᠦᠢ ᠠᠭᠤᠢ ᠵᠢᠨ ᠣᠷᠴᠢᠮ ᠳᠤ ᠮᠠᠨᠢ ᠵᠢᠨ ᠦᠰᠦᠭ ᠊ᠢ ᠲᠥᠪᠡᠳ ᠂ ᠮᠤᠩᠭᠤᠯ ᠂ ᠰᠤᠶᠤᠩᠪᠤ ᠦᠰᠦᠭ ᠵᠢᠨᠷ ᠰᠡᠢᠢᠯᠦᠭᠰᠡᠨ ᠪᠢᠴᠢᠭ ᠂ ᠣᠷᠬᠤᠨ ᠭᠤᠤᠯ ᠤᠨ ᠬᠦᠷᠮᠡ ᠵᠢᠨ ᠪᠡᠯ ᠳ᠋ᠦ ᠶᠠᠩᠭᠢᠷ ᠰᠡᠢᠢᠯᠦᠭᠰᠡᠨ ᠴᠢᠯᠠᠭᠤᠨ ᠬᠥᠰᠢᠶᠡ ᠂ ᠣᠢᠢᠷᠠᠯᠴᠠᠭᠠ ᠪᠠᠢᠢᠬᠤ ᠬᠠᠳᠠᠨ ᠳᠡᠭᠡᠷᠡ ᠪᠤᠭᠤ ᠂ ᠰᠤᠭᠣ ᠂ ᠮᠥᠨ ᠰᠤᠪᠤᠷᠭᠠ ᠬᠡᠯᠪᠡᠷᠢ ᠲᠠᠢ ᠬᠠᠳᠠᠨ ᠳᠡᠭᠡᠷᠡ ᠪᠠᠷᠠᠭᠤᠨ ᠲᠡᠢᠢᠰᠢ ᠪᠡᠨ ᠬᠠᠷᠠᠭᠰᠠᠨ ᠮᠤᠷᠢ ᠂ ᠵᠡᠭᠦᠨ ᠲᠡᠢᠢᠰᠢ ᠪᠡᠨ ᠬᠠᠷᠠᠭᠰᠠᠨ ᠨᠤᠬᠠᠢ ᠂ ᠲᠥᠪᠡᠳ ᠦᠰᠦᠭ ᠊ᠢ ᠬᠠᠮᠲᠤᠳᠬᠠᠨ ᠰᠡᠢᠢᠯᠦᠭᠰᠡᠨ ᠳᠤᠷᠠᠰᠬᠠᠯ ᠤᠳ ᠊ᠢ ᠰᠢᠨᠡ ᠪᠡᠷ ᠨᠡᠭᠡᠭᠡᠨ ᠢᠯᠡᠷᠡᠭᠦᠯᠵᠦ ᠪᠦᠷᠢᠳᠬᠡᠨ ᠪᠠᠷᠢᠮᠲᠠᠵᠢᠭᠤᠯᠤᠯᠠ ᠭᠡᠵᠦ ᠶᠠᠷᠢᠯᠠ ᠃ ᠲᠤᠰ ᠠᠢᠢᠮᠠᠭ ᠲᠤ ᠨᠡᠢᠢᠲᠡ ᠳ᠋ᠦ ᠪᠡᠨ 3100 ᠭᠠᠷᠤᠢ ᠲᠡᠦᠬᠡ ᠰᠤᠶᠤᠯ ᠤᠨ ᠦᠯᠦ ᠬᠥᠳᠡᠯᠬᠦ ᠳᠤᠷᠠᠰᠬᠠᠯᠲᠤ ᠵᠦᠢᠯ ᠪᠦᠷᠢᠳᠬᠡᠯ ᠲᠠᠢ ᠪᠠᠢᠢᠳᠠᠭ ᠃