76 ᠵᠢᠯ ᠤᠨ ᠲᠡᠦᠬᠡ ᠲᠠᠢ ᠶᠡᠬᠡ ᠵᠤᠬᠢᠶᠠᠯᠴᠢ ᠳ᠋᠊·ᠨᠠᠴᠤᠭᠳᠤᠷᠵᠢ ᠵᠢᠨ ᠨᠡᠷᠡᠮᠵᠢᠲᠦ ᠲᠥᠪ ᠠᠢᠢᠮᠠᠭ ᠤᠨ ᠨᠡᠢᠢᠲᠡ ᠵᠢᠨ ᠨᠤᠮ ᠤᠨ ᠰᠠᠩ ᠊ᠢ ᠰᠢᠨᠡᠴᠢᠯᠡᠨ ᠵᠠᠰᠠᠪᠤᠷᠢᠯᠠᠬᠤ ᠠᠵᠢᠯ ᠡᠬᠢᠯᠡᠯᠡ ᠃ 2019 ᠣᠨ ᠪ ᠨᠠᠢᠮᠠᠳᠤᠭᠠᠷ ᠰᠠᠷᠠ ᠳᠤ ᠠᠢᠢᠮᠠᠭ ᠤᠨ ᠤᠳᠤᠷᠢᠳᠤᠯᠭᠠ ᠨᠠᠷ ᠪᠦᠭᠦᠳᠡ ᠨᠠᠢᠢᠷᠠᠮᠳᠠᠬᠤ ᠰᠤᠯᠤᠩᠭᠤᠰ ᠤᠯᠤᠰ ᠤᠨ ᠫᠶᠤᠨᠲ᠋ᠠᠺ ᠬᠤᠲᠠ ᠳᠤ ᠵᠤᠴᠢᠯᠠᠵᠤ ᠬᠤᠲᠠ ᠵᠢᠨ ᠵᠠᠬᠢᠷᠤᠭᠴᠢ ᠵᠠᠩ ᠴᠠᠩ ᠰᠤᠨ ᠲᠠᠢ ᠠᠭᠤᠯᠵᠠᠬᠤ ᠦᠶᠡ ᠪᠡᠷ ᠠᠢᠢᠮᠠᠭ ᠤᠨ ᠨᠤᠮ ᠤᠨ ᠰᠠᠩ ᠊ᠢ ᠰᠢᠨᠡᠴᠢᠯᠡᠨ ᠵᠠᠰᠠᠪᠤᠷᠢᠯᠠᠬᠤ ᠲᠠᠯᠠ ᠪᠡᠷ ᠬᠡᠯᠡᠯᠴᠡᠨ ᠭᠡᠷᠡ ᠪᠠᠢᠢᠭᠤᠯᠵᠠᠢ ᠃
ᠲᠤᠰ ᠨᠤᠮ ᠤᠨ ᠰᠠᠩ ᠨᠢ ᠠᠩᠬᠠ 1944 ᠣᠨ ᠳᠤ ᠪᠠᠢᠢᠭᠤᠯᠤᠭᠳᠠᠵᠤ ᠪᠠᠢᠢᠭᠰᠠᠨ ᠲᠡᠦᠬᠡ ᠲᠠᠢ ᠃ 1990 ᠣᠨ ᠳᠤ ᠨᠢᠭᠡ ᠡᠭᠡᠯᠵᠢᠨ ᠳ᠋ᠦ ᠪᠡᠨ 120 ᠬᠥᠮᠦᠨ ᠬᠦᠯᠢᠶᠡᠨ ᠠᠪᠬᠤ ᠂ 100 ᠮᠢᠩᠭᠠᠨ ᠨᠤᠮ ᠪᠠᠢᠢᠷᠢᠯᠠᠭᠤᠯᠬᠤ ᠬᠦᠴᠦᠨ ᠴᠢᠳᠠᠯ ᠲᠠᠢ ᠵᠤᠷᠢᠭᠤᠯᠤᠯᠲᠠ ᠵᠢᠨ ᠪᠠᠢᠷᠢ ᠳᠤ ᠤᠷᠤᠵᠤ ᠪᠠᠢᠵᠠᠢ᠃ ᠰᠠᠩ ᠬᠥᠮᠦᠷᠭᠡ ᠳ᠋ᠦ ᠪᠡᠨ 34 ᠮᠢᠩᠭᠠᠨ ᠨᠤᠮ ᠲᠠᠢ ᠂ ᠵᠢᠯ ᠳ᠋ᠦ ᠳᠤᠮᠳᠠᠴᠢ ᠪᠡᠷ 4000 ᠣᠷᠴᠢᠮ ᠪᠠᠢᠢᠩᠭᠤ ᠵᠢᠨ ᠤᠩᠰᠢᠭᠴᠢᠳ ᠲᠤ ᠦᠢᠯᠡᠴᠢᠯᠡᠳᠡᠭ ᠪᠠᠢᠢᠨᠠ ᠃ ᠡᠢᠢᠨ ᠬᠦ ᠰᠢᠨᠡ ᠨᠤᠮ ᠤᠨ ᠰᠠᠩ ᠲᠠᠢ ᠪᠣᠯᠤᠭᠰᠠᠨ ᠵᠢᠨᠷ ᠨᠢᠭᠡ ᠡᠭᠡᠯᠵᠢᠨ ᠳ᠋ᠦ ᠪᠡᠨ 160 ᠤᠩᠰᠢᠭᠴᠢ ᠬᠦᠯᠢᠶᠡᠨ ᠠᠪᠴᠤ ᠂ ᠬᠡᠦᠬᠡᠳ ᠂ ᠨᠠᠰᠤᠨ ᠳᠤ ᠬᠦᠷᠦᠭᠴᠢᠳ ᠂ ᠬᠥᠭᠵᠢᠯ ᠤᠨ ᠪᠡᠷᠬᠡᠰᠢᠶᠡᠯ ᠲᠠᠢ ᠢᠷᠭᠡᠳ ᠲᠦ ᠵᠤᠷᠢᠭᠤᠯᠤᠭᠰᠠᠨ ᠭᠤᠷᠪᠠᠨ ᠤᠩᠰᠢᠯᠭᠠ ᠵᠢᠨ ᠲᠠᠩᠬᠢᠮ ᠵᠢᠨᠷ ᠦᠢᠯᠡᠴᠢᠯᠡᠭᠦᠯᠬᠦ ᠪᠣᠯᠤᠮᠵᠢᠲᠠᠢ ᠪᠣᠯᠬᠤ ᠶᠤᠮ ᠃
