ᠭᠤᠪᠢ ᠠᠯᠲᠠᠢ ᠠᠢᠢᠮᠠᠭ ᠤᠨ ᠠᠯᠲᠠᠢ ᠂ ᠪᠤᠭᠤᠲᠤ ᠰᠤᠮᠤ ᠤᠷᠤᠭᠤ ᠪᠠᠭᠠ ᠣᠪᠣᠷ ᠤᠨ ᠣᠩᠭᠤᠴᠠ ᠨᠢᠰᠬᠡᠵᠦ ᠡᠬᠢᠯᠡᠯᠡ ᠃ ᠣᠩᠭᠤᠴᠠ ᠨᠢ 12 ᠬᠥᠮᠦᠨ ᠪ ᠰᠠᠭᠤᠳᠠᠯ ᠲᠠᠢ᠂ 8,340 ᠮᠧᠲ᠋ᠷ ᠥᠨᠳᠦᠷ ᠲᠦ ᠂ 341 ᠺᠢᠯᠤᠮᠧᠲ᠋ᠷ ᠴᠠᠭ ᠤᠨ ᠬᠤᠷᠳᠤ ᠲᠠᠢ᠂ 1,700 ᠺᠢᠯᠤᠮᠧᠲ᠋ᠷ ᠠᠯᠤᠰᠯᠠᠯᠲᠠᠢ ᠨᠢᠰᠬᠦ ᠶᠤᠮ᠃ ᠠᠯᠲᠠᠢ᠂ ᠪᠤᠭᠤᠲᠤ ᠰᠤᠮᠤ ᠨᠢ ᠠᠢᠢᠮᠠᠭ ᠤᠨ ᠲᠥᠪ ᠡᠴᠡ ᠠᠯᠤᠰᠯᠠᠭᠳᠠᠮᠠᠯ᠂ ᠬᠥᠮᠦᠨ ᠠᠮᠠ ᠶᠡᠬᠡᠲᠡᠢ᠂ ᠥᠨᠳᠦᠷ ᠠᠭᠤᠯᠠᠰ᠂ ᠳᠠᠪᠠᠭᠠ ᠪᠠᠷᠲᠠᠭᠠ ᠲᠠᠢ᠂ ᠢᠯᠠᠩᠭᠤᠶᠠ ᠡᠪᠦᠯ ᠂ ᠬᠠᠪᠤᠷ ᠤᠨ ᠤᠯᠠᠷᠢᠯ ᠳᠤ ᠵᠠᠮ ᠂ ᠳᠠᠪᠠᠭᠠ ᠬᠠᠭᠠᠭᠳᠠᠵᠤ᠂ ᠠᠢᠢᠮᠠᠭ ᠤᠨ ᠲᠥᠪ ᠤᠷᠤᠭᠤ ᠵᠤᠷᠴᠢᠬᠤ ᠳᠤ ᠬᠦᠨᠳᠦᠷᠡᠯ ᠡᠭᠦᠰᠳᠡᠭ᠃ ᠪᠠᠭᠠ ᠣᠪᠣᠷ ᠤᠨ ᠣᠩᠭᠤᠴᠠ ᠨᠢᠰᠴᠦ ᠡᠬᠢᠯᠡᠭᠰᠡᠨ ᠵᠢᠨᠷ ᠠᠯᠤᠰᠯᠠᠭᠳᠠᠮᠠᠯ ᠰᠤᠮᠤ ᠰᠠᠭᠤᠷᠢᠨ ᠪ ᠥᠨᠳᠦᠷ ᠨᠠᠰᠤᠲᠠᠨ ᠂ ᠨᠢᠯᠬᠠ ᠬᠡᠦᠬᠡᠳ ᠲᠠᠢ ᠡᠬᠡᠴᠦᠳ᠂ ᠡᠮᠨᠡᠯᠭᠡ ᠵᠢᠨ ᠶᠠᠭᠠᠷᠠᠯᠲᠠᠢ ᠲᠤᠰᠠᠯᠠᠮᠵᠢ ᠦᠢᠯᠡᠴᠢᠯᠡᠭᠡ ᠠᠪᠬᠤ ᠱᠠᠭᠠᠷᠳᠠᠯᠭᠠ ᠲᠠᠢ ᠢᠷᠭᠡᠳ ᠲᠦ ᠠᠢᠢᠮᠠᠭ ᠤᠨ ᠲᠥᠪ ᠂ ᠨᠡᠢᠢᠰᠯᠡᠯ ᠬᠤᠲᠠ ᠤᠷᠤᠭᠤ ᠲᠦᠷᠭᠡᠨ ᠰᠢᠭᠤᠷᠬᠠᠢ ᠵᠤᠷᠴᠢᠬᠤ ᠪᠣᠯᠤᠮᠵᠢ ᠪᠦᠷᠢᠳᠴᠦ ᠂ ᠲᠥᠷᠦ ᠵᠢᠨ ᠦᠢᠯᠡᠴᠢᠯᠡᠭᠡ ᠢᠷᠭᠡᠳ ᠲᠦ ᠣᠢᠢᠷᠠᠳᠴᠤ ᠪᠠᠢᠢᠨᠠ ᠃
ᠴᠠᠭᠠᠰᠢᠳᠠ 21 ᠠᠢᠢᠮᠠᠭ ᠤᠨ 116 ᠪᠠᠢᠢᠷᠢᠰᠢᠯ ᠳ᠋ᠤ ᠶᠡᠷᠦᠩᠬᠡᠢ ᠵᠤᠷᠢᠭᠤᠯᠤᠯᠲᠠ ᠵᠢᠨ ᠠᠭᠠᠷ ᠤᠨ ᠬᠥᠯᠭᠡ ᠵᠢᠨ ᠵᠤᠷᠪᠤᠰ ᠪᠠᠢᠢᠭᠤᠯᠬᠤ ᠪᠥᠭᠡᠳ ᠡᠬᠢᠨ ᠪ ᠡᠭᠡᠯᠵᠢ ᠳ᠋ᠦ ᠳᠤᠷᠤᠨᠠᠲᠤ ᠠᠢᠢᠮᠠᠭ ᠤᠨ ᠪᠠᠶᠠᠨᠳᠤᠩ ᠂ ᠬᠠᠯᠬᠠ ᠭᠤᠤᠯ ᠂ ᠬᠡᠨᠲᠡᠢ ᠠᠢᠢᠮᠠᠭ ᠤᠨ ᠭᠠᠯ ᠰᠢᠷᠠ ᠂ ᠪᠢᠨᠳᠠᠷ᠂ ᠳᠠᠳᠤᠯ ᠵᠡᠷᠭᠡ ᠰᠤᠮᠤᠨ ᠳᠤ ᠬᠥᠭᠡᠷᠴᠦ ᠂ ᠪᠠᠭᠤᠬᠤ ᠵᠤᠷᠪᠤᠰ ᠪᠠᠢᠢᠭᠤᠯᠬᠤ ᠪᠡᠷ ᠠᠵᠢᠯᠯᠠᠵᠤ ᠪᠠᠢᠢᠨᠠ ᠭᠡᠵᠦ ᠵᠠᠮ ᠲᠡᠭᠡᠭᠡᠪᠦᠷᠢ ᠵᠢᠨ ᠬᠥᠭᠵᠢᠯ ᠤᠨ ᠶᠠᠮᠤᠨ ᠡᠴᠠ ᠮᠡᠳᠡᠭᠡᠯᠡᠯᠡ ᠃