ᠳᠤᠷᠤᠨᠠᠭᠤᠪᠢ ᠠᠢᠢᠮᠠᠭ ᠤᠨ ᠵᠠᠰᠠᠭ ᠳᠠᠷᠤᠭᠠ ᠵᠢᠨ ᠲᠠᠮᠠᠭᠠ ᠵᠢᠨ ᠭᠠᠵᠠᠷ᠂ ᠨᠠᠰᠤᠨ ᠲᠤᠷᠰᠢ ᠵᠢᠨ ᠪᠣᠯᠪᠠᠰᠤᠷᠠᠯ ᠤᠨ ᠲᠥᠪ ᠡᠴᠡ ᠢᠷᠭᠡᠳ ᠂ ᠪᠠᠢᠢᠭᠤᠯᠭᠠ ᠵᠢᠨ ᠳᠤᠮᠳᠠ ︽ᠪᠣᠰᠤᠭᠠ ᠪᠢᠴᠢᠭ ᠪᠢᠳᠠᠨ ᠪ ᠪᠠᠬᠠᠷᠬᠠᠯ︾ᠴᠠᠬᠢᠮ ᠤᠷᠤᠯᠳᠤᠭᠠᠨ ᠵᠤᠬᠢᠶᠠᠨ ᠪᠠᠢᠢᠭᠤᠯᠵᠤ ᠰᠢᠯᠢᠳᠡᠭ ᠤᠳ ᠊ᠢ ᠲᠤᠳᠤᠷᠠᠭᠤᠯᠤᠯᠠ ᠃ ᠮᠤᠩᠭᠤᠯ ᠤᠯᠤᠰ ᠤᠨ ᠶᠡᠷᠦᠩᠬᠡᠢᠢᠯᠡᠭᠴᠢ ᠵᠢᠨ ᠵᠠᠷᠯᠢᠭ ᠊ᠢ ᠬᠡᠷᠡᠭᠵᠢᠭᠦᠯᠬᠦ ᠂ ᠦᠨᠳᠦᠰᠦᠨ ᠪ ᠪᠢᠴᠢᠭ ᠰᠤᠶᠤᠯ ᠊ᠢ ᠳᠡᠯᠭᠡᠷᠡᠭᠦᠯᠬᠦ᠂ ᠪᠢᠴᠢᠭ ᠦᠰᠦᠭ ᠤᠨ ᠪᠠᠶᠠᠷ ᠊ᠢ ᠲᠡᠮᠳᠡᠭᠯᠡᠬᠦ᠂ ᠪᠦᠬᠦ ᠨᠡᠢᠢᠲᠡ ᠵᠢᠨ ᠦᠨᠳᠦᠰᠦᠨ ᠪ ᠪᠢᠴᠢᠭ ᠤᠨ ᠬᠡᠷᠡᠭᠯᠡᠭᠡ ᠵᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠵᠤᠷᠢᠯᠭᠠ ᠵᠢᠨ ᠬᠦᠷᠢᠶᠡᠨ ᠳ᠋ᠦ ᠵᠤᠬᠢᠶᠠᠨ ᠪᠠᠢᠢᠭᠤᠯᠤᠭᠰᠠᠨ ᠤᠷᠤᠯᠳᠤᠭᠠᠨ ᠳᠤ 36 ᠪᠠᠢᠢᠭᠤᠯᠭᠠ ᠵᠢᠨ 586 ᠪᠦᠲᠦᠭᠡᠯ ᠢᠷᠡᠭᠰᠡᠨ ᠪᠣᠯ ᠢᠷᠭᠡᠳ ᠡᠴᠡ 187 ᠪᠦᠲᠦᠭᠡᠯ ᠢᠷᠠᠵᠠᠢ ᠃
ᠪᠠᠢᠢᠭᠤᠯᠭᠠ ᠵᠢᠨ ᠲᠥᠷᠦᠯ ᠳ᠋ᠦ ᠰᠠᠢᠨᠱᠠᠩᠳᠠ ᠰᠤᠮᠤ ᠵᠢᠨ 13 ᠳ᠋ᠤᠭᠠᠷ ᠴᠡᠴᠡᠷᠯᠢᠭ ᠲᠡᠷᠢᠭᠦᠨ ᠪᠠᠢᠢᠷᠢ ᠳᠤ ᠰᠢᠯᠭᠠᠷᠠᠭᠰᠠᠨ ᠪᠣᠯ ᠢᠷᠭᠡᠳ ᠡᠴᠡ ᠰᠠᠢᠨᠱᠠᠩᠳᠠ ᠰᠤᠮᠤ ᠵᠢᠨ ᠢᠷᠭᠡᠨ ᠴ᠊·ᠤᠶᠠᠩᠭᠠ ᠲᠡᠷᠢᠭᠦᠨ ᠪᠠᠢᠢᠷᠢ ᠳᠤ ᠰᠢᠯᠭᠠᠷᠠᠵᠠᠢ᠃ ᠪᠠᠢᠢᠭᠤᠯᠭᠠ ᠪᠣᠯᠤᠨ ᠢᠷᠭᠡᠳ ᠤᠨ ᠲᠥᠷᠦᠯ ᠳ᠋ᠦ ᠰᠢᠯᠭᠠᠷᠠᠭᠰᠠᠨ ᠡᠬᠢᠨ ᠪ ᠭᠤᠷᠪᠠᠨ ᠪᠠᠢᠢᠷᠢ ᠪᠣᠯᠤᠨ ᠲᠤᠰᠬᠠᠢ ᠪᠠᠢᠢᠷᠢ ᠵᠢᠨ ᠣᠷᠤᠯᠴᠠᠭᠴᠢᠳ ᠲᠤ ᠡᠷᠭᠦᠮᠵᠢᠯᠡᠯ ᠂ ᠳᠤᠷᠠᠰᠬᠠᠯ ᠤᠨ ᠵᠦᠢᠯ ᠭᠠᠷᠳᠠᠭᠤᠯᠪᠠ᠃ ᠣᠷᠤᠯᠴᠠᠭᠴᠢᠳ ᠪᠦᠲᠦᠭᠡᠯ ᠳ᠋ᠦ ᠪᠡᠨ ᠮᠤᠩᠭᠤᠯ ᠤᠯᠤᠰ ᠤᠨ ᠲᠥᠷᠦ ᠵᠢᠨ ᠳᠠᠭᠤᠯᠠᠯ ᠪᠣᠯᠤᠨ ᠪᠤᠰᠤᠳ ᠵᠤᠬᠢᠶᠠᠯᠴᠢᠳ ᠂ ᠤᠷᠠᠨ ᠪᠦᠲᠦᠭᠡᠯᠴᠢᠳ ᠤᠨ ᠪᠦᠲᠦᠭᠡᠯ ᠲᠤᠭᠤᠷᠪᠢᠯ ᠡᠴᠠ ᠡᠰᠢ ᠲᠠᠲᠠᠨ ᠣᠨᠴᠠᠯᠠᠵᠤ᠂ ᠬᠠᠭᠤᠴᠢᠨ ᠮᠤᠩᠭᠤᠯ ᠪᠢᠴᠢᠭ ᠵᠢᠨᠷ ᠪᠠᠭᠤᠯᠭᠠᠭᠰᠠᠨ ᠪᠠᠢᠢᠨᠠ ᠃
