ᠴᠢᠨᠤᠨ ᠭᠤᠸᠠ ᠹᠢᠯᠢᠮ ᠦᠨ ᠵᠠᠬᠢᠷᠤᠯ ᠂ ᠫᠷᠣᠳᠢᠤᠰᠸᠷ ᠂ ᠺᠢᠨᠣ᠋ ᠵᠣᠬᠢᠶᠠᠯᠴᠢ ᠪ᠊ · ᠮᠦᠩᠬᠡᠲᠤᠶᠠᠭᠠ ᠶᠢ ︽ ᠨᠢᠮᠠ ᠶ᠋ᠢᠨ ᠵᠣᠴᠢᠨ ︾ ᠢᠶᠠᠷ ᠤᠷᠢᠯᠠ ᠃
ᠲᠠᠨ ᠢ ︽ ᠬᠤᠷᠳᠤ ︾ᠬᠠᠮᠲᠤᠯᠢᠭ ᠤᠨ ᠰᠢᠲᠦᠨ ᠪᠢᠰᠢᠷᠡᠭᠴᠢ ᠭᠡᠵᠦ ᠰᠣᠨᠣᠰᠤᠭᠰᠠᠨ ᠃ ᠲᠤᠰ ᠬᠠᠮᠲᠤᠯᠢᠭ ᠤᠨ ᠬᠣᠶᠠᠷ ᠴᠦ ᠳᠠᠭᠤᠤ ᠡᠴᠠ ᠰᠡᠳᠦᠪᠯᠡᠨ ᠺᠢᠨᠣ᠋ ᠵᠣᠬᠢᠶᠠᠯ ᠪᠢᠴᠢᠵᠦ ᠂ ᠣᠯᠠᠨ ᠳᠤ ᠬᠦᠷᠭᠡᠭᠰᠡᠨ ᠪᠠᠶᠢᠬᠤ ᠠ᠋ ︖
ᠶᠣᠰᠣᠲᠠᠢ ᠦᠨᠡᠨᠴᠢ ᠰᠢᠲᠦᠨ ᠪᠢᠰᠢᠷᠡᠭᠴᠢ ᠃ ᠪᠦᠬᠦ ᠴᠣᠮᠣᠭ ᠨᠢ ᠪᠤᠢ ᠃ ︽ ᠪᠤᠴᠠᠭᠠᠵᠤ ᠨᠡᠬᠡᠬᠦ ᠦᠭᠡᠢ ᠬᠠᠶᠢᠷᠠ ︾ ᠺᠢᠨᠣ᠋ ᠶ᠋ᠢᠨ ᠵᠣᠬᠢᠶᠠᠯ ᠢᠶᠡᠨ ︽ ᠬᠤᠷᠳᠤ ︾ᠬᠠᠮᠲᠤᠯᠢᠭ ᠤᠨ ᠢᠵᠢᠯᠢ ᠨᠡᠷᠡᠲᠦ ᠳᠠᠭᠤᠤ ᠡᠴᠠ ᠰᠡᠳᠦᠪᠯᠡᠨ ᠪᠢᠴᠢᠭᠰᠡᠨ ᠃ ︽ ᠬᠤᠷᠳᠤ ︾ ᠶᠢᠨ ᠬᠢᠨ ᠴᠦ ᠨᠠᠮᠠ ᠶ᠋ᠢ ᠳᠡᠮᠵᠢᠵᠦ ᠂ ᠲᠤᠰ ᠳᠠᠭᠤᠤ ᠪᠠᠨ ᠺᠢᠨᠣ᠋ ᠶ᠋ᠢᠨ ᠦᠨᠳᠦᠰᠦᠨ ᠳᠠᠭᠤ ᠪᠡᠷ ᠠᠰᠢᠭᠯᠠᠬᠤ ᠶ᠋ᠢ ᠵᠥᠪᠰᠢᠶᠡᠷᠡᠭᠰᠡᠨ ᠃ ᠳᠠᠷᠠᠭᠠ ᠨᠢ ︽ᠳᠤᠲᠠᠭᠤ ᠣᠷᠬᠢᠭᠰᠠᠨ ᠵᠢᠷᠭᠠᠯ ︾ ᠳᠠᠭᠤᠤ ᠡᠴᠠ ᠨᠢ ᠰᠡᠳᠦᠪᠯᠡᠨ ︽ ᠳᠤᠲᠠᠭᠤ ᠡᠳ᠋ᠯᠡᠭᠰᠡᠨ ᠵᠢᠷᠭᠠᠯ ︾ ᠺᠢᠨᠣ᠋ ᠪᠠᠨ ᠪᠦᠲᠦᠭᠡᠭᠰᠡᠨ ᠃
ᠳᠠᠷᠠᠭᠠ ᠶ᠋ᠢᠨ ᠤᠷᠠᠨ ᠪᠦᠲᠦᠭᠡᠯ ᠢᠶ᠋ᠡᠨ ᠲᠥᠯᠥᠪᠯᠡᠭᠰᠡᠨ ᠦᠦ ︖
︽ᠥᠬᠢᠨ ᠲᠩᠷᠢ ︾ᠨᠡᠷᠡ ᠲᠠᠢ ᠵᠣᠬᠢᠶᠠᠯ ᠪᠡᠯᠡᠨ ᠪᠤᠢ ᠃ ᠪᠠᠶᠢᠭᠠᠯᠢ ᠡᠬᠡ ᠂ ᠬᠥᠮᠥᠨ ᠤ ᠠᠮᠢᠳᠤᠷᠠᠯ ᠢ ᠵᠡᠷᠭᠡᠴᠡᠭᠦᠯᠦᠨ ᠬᠠᠷᠠᠭᠤᠯᠤᠭᠰᠠᠨ ᠺᠢᠨᠣ᠋ ᠃
ᠬᠠᠲᠤᠳ ᠤᠨ ᠲᠤᠬᠠᠢ ᠴᠤᠪᠤᠷᠠᠯ ᠺᠢᠨᠣ᠋ ᠪᠠᠨ ᠬᠡᠵᠢᠶᠡ ᠬᠢᠵᠦ ᠡᠬᠢᠯᠡᠬᠦ ᠪᠣᠯ ︖
ᠣᠳᠣ ᠪᠡᠷ ᠴᠢᠨᠤᠨ ᠭᠤᠸᠠ᠂ ᠠᠯᠤᠨ ᠭᠤᠸᠠ ᠂ ᠥᠭᠡᠯᠦᠨ ᠂ ᠰᠤᠷᠬᠤᠭᠲᠤᠨ ᠪᠡᠬᠢ ᠂ ᠴᠢᠩᠭᠢᠰ ᠬᠠᠭᠠᠨ ᠤ ᠪᠥᠷᠲᠡ ᠂ ᠶᠢᠰᠦᠢ ᠂ ᠶᠢᠰᠦᠭᠡᠨ ᠂ ᠬᠤᠯᠠᠨ ᠨᠠᠷ ᠤᠨ ᠳᠥᠷᠪᠡᠨ ᠬᠠᠲᠤᠨ ᠂ ᠰᠤᠷᠬᠠᠨ ᠰᠢᠷᠠ ᠶᠢᠨ ᠥᠬᠢᠨ ᠬᠠᠳᠠᠭᠠᠨ ᠨᠠᠷ ᠤᠨ ᠲᠡᠦᠬᠡ ᠡᠴᠡ ᠰᠡᠳᠦᠪᠯᠡᠭᠰᠡᠨ ᠺᠢᠨᠣ᠋ ᠵᠣᠬᠢᠶᠠᠯ ᠪᠡᠯᠡᠨ ᠪᠠᠶᠢᠨᠠ ᠃ ᠵᠥᠪᠬᠡᠨ ᠮᠣᠩᠭᠣᠯ ᠤᠨ ᠲᠡᠦᠬᠡᠨ ᠡᠬᠢ ᠰᠤᠷᠪᠤᠯᠵᠢ ᠨᠣᠭᠣᠳ ᠂ ᠵᠣᠬᠢᠶᠠᠯ ᠤᠳ ᠡᠴᠠ ᠭᠠᠳᠠᠨᠠ ᠭᠠᠳᠠᠭᠠᠳᠤ ᠶ᠋ᠢᠨ ᠣᠷᠴᠢᠭᠤᠯᠭᠠ ᠶ᠋ᠢᠨ ᠪᠦᠲᠦᠭᠡᠯ ᠤᠳ ᠢ ᠨᠡᠯᠢᠶᠡᠳ ᠰᠤᠳᠤᠯᠵᠤ ᠪᠠᠶᠢᠭᠠ ᠃