ᠠᠷᠠᠳᠴᠢᠯᠠᠭᠰᠠᠨ ᠨᠠᠮ ᠤᠨ ᠦᠨᠳᠦᠰᠦᠨ ᠤ ᠪᠣᠳᠣᠯᠭᠠ ᠶ᠋ᠢᠨ ᠬᠣᠷᠢᠶᠠ 8 ᠴᠠᠭ ᠬᠤᠷᠠᠯᠳᠤᠭᠰᠠᠨ ᠤ ᠡᠴᠦᠰ ᠲᠥ ᠰᠥᠨᠢ ᠶ᠋ᠢᠨ 23:55 ᠴᠠᠭ ᠲᠤ ᠰᠢᠢᠳᠪᠦᠷᠢ ᠭᠠᠷᠭᠠᠯᠠ ᠃ ᠬᠤᠷᠠᠯ ᠡᠴᠠ ᠭᠠᠷᠤᠭᠰᠠᠨ ᠰᠢᠢᠳᠪᠦᠷᠢ ᠶ᠋ᠢ ᠠᠷᠠᠳᠴᠢᠯᠠᠭᠰᠠᠨ ᠨᠠᠮ ᠤᠨ ᠶᠡᠷᠦᠩᠬᠡᠢ ᠨᠠᠷᠢᠨ ᠪᠢᠴᠢᠭ ᠤᠨ ᠳᠠᠷᠤᠭᠠ ᠴ᠊ · ᠪᠠᠭᠠᠲᠤᠷᠬᠦᠦ ᠲᠠᠨᠢᠯᠴᠠᠭᠤᠯᠤᠯᠠ ᠃ ᠲᠡᠷᠡ ᠪᠡᠷ᠄ ᠮᠠᠨ ᠤ ᠨᠠᠮ ᠡᠴᠠ ᠨᠡᠷᠡ ᠳᠡᠪᠰᠢᠭᠦᠯᠵᠦ ᠪᠠᠶᠢᠭᠠ ᠬᠥᠮᠥᠰ ᠢ ᠠᠵᠢᠯ ᠮᠡᠷᠭᠡᠵᠢᠯ ᠢᠶ᠋ᠡᠷ ᠨᠢ ᠠᠪᠴᠤ ᠦᠵᠡᠪᠡᠯ 46 ᠬᠤᠪᠢ ᠨᠢ ᠡᠳ᠋ ᠦᠨ ᠵᠠᠰᠠᠭᠴᠢ ᠂ 33 ᠬᠤᠪᠢ ᠨᠢ ᠬᠠᠤᠯᠢᠴᠢ ᠂ 7.6 ᠬᠤᠪᠢ ᠨᠢ ᠢᠨᠵᠧᠨᠧᠷ ᠮᠡᠷᠭᠡᠵᠢᠯ ᠲᠠᠢ ᠪᠠᠶᠢᠨᠠ ᠃
ᠮᠥᠨ ᠨᠡᠷᠡ ᠳᠡᠪᠰᠢᠭᠴᠢᠳ ᠦᠨ 71.4 ᠬᠤᠪᠢ ᠨᠢ ᠰᠢᠨᠡ ᠬᠥᠮᠥᠰ ᠪᠤᠶᠤ ᠡᠮᠦᠨᠡ ᠨᠢ ᠤᠳᠤᠷᠢᠳᠬᠤ ᠠᠯᠪᠠᠨ ᠲᠤᠰᠢᠶᠠᠯ ᠂ ᠰᠠᠶᠢᠳ ᠂ ᠤᠯᠤᠰ ᠤᠨ ᠶᠡᠬᠡ ᠬᠤᠷᠠᠯ ᠤᠨ ᠭᠡᠰᠢᠭᠦᠨ ᠢᠶ᠋ᠡᠷ ᠠᠵᠢᠯᠯᠠᠵᠤ ᠪᠠᠶᠢᠭᠠ ᠦᠭᠡᠢ ᠬᠥᠮᠥᠰ ᠶᠤᠮ ᠃ ᠨᠠᠰᠤᠨ ᠤ ᠪᠦᠯᠦᠭ ᠤᠨ ᠬᠤᠪᠢ ᠳᠤ ᠨᠡᠶᠢᠲᠡ ᠨᠡᠷᠡ ᠳᠡᠪᠰᠢᠭᠴᠢ ᠶ᠋ᠢᠨ 50 ᠣᠷᠴᠢᠮ ᠬᠤᠪᠢ ᠨᠢ ᠵᠠᠯᠠᠭᠤᠴᠤᠳ ᠪᠠᠶᠢᠭᠠ ᠃ ᠠᠷᠠᠳᠴᠢᠯᠠᠭᠰᠠᠨ ᠨᠠᠮ ᠡᠨᠡ ᠤᠳᠠᠭᠠᠨ ᠤ ᠰᠣᠩᠭᠣᠭᠤᠯᠢ ᠳᠤ ᠡᠳ᠋ ᠤᠨ ᠵᠠᠰᠠᠭ ᠤᠨ ᠥᠰᠦᠯᠲᠡ ᠶ᠋ᠢ ᠡᠷᠦᠬᠡ ᠪᠦᠷᠢ ᠳ᠋ᠥ ᠂ ᠬᠠᠤᠯᠢ ᠪᠡᠷ ᠢᠷᠭᠡᠳ ᠢᠶ᠋ᠡᠨ ᠬᠠᠮᠠᠭᠠᠯᠠᠳᠠᠭ ᠪᠠᠶᠢᠶᠠ ᠭᠡᠰᠡᠨ ᠤᠷᠢᠶᠠ ᠲᠠᠢ ᠪᠠᠷ ᠣᠷᠣᠯᠴᠠᠬᠤ ᠪᠠᠷ ᠪᠣᠯᠣᠭᠰᠠᠨ ᠃ ᠮᠥᠨ ᠬᠠᠤᠯᠢ ᠨᠢ ᠡᠷᠬᠡ ᠮᠡᠳᠡᠯᠲᠡᠨ ᠢ ᠪᠤᠰᠤ ᠢᠷᠭᠡᠳ ᠢᠶ᠋ᠡᠨ ᠬᠠᠮᠠᠭᠠᠯᠠᠳᠠᠭ ᠪᠠᠶᠢᠬᠤ ᠶᠣᠰᠣᠲᠠᠢ ᠭᠡᠰᠡᠨ ᠦᠵᠡᠯ ᠢ ᠦᠨᠡᠲᠦ ᠵᠦᠢᠯ ᠢᠶ᠋ᠡᠨ ᠪᠣᠯᠭᠠᠭᠰᠠᠨ ᠭᠡᠯᠡ ᠃